楊證樺

楊證樺沈可欣公開超聲波相 二人感恩喜獲第二胎

2015年結婚,資深綠葉演員楊證樺同沈可欣結婚,二人一直恩愛,並育有一子。而今日稍早前,楊證樺與老婆齊齊公布喜訊,指佢哋屋企將會增添一個新成員!真係恭喜哂!

撰文:東方新地|圖片:楊證樺Facebook

楊證樺感恩喜獲第二胎

今日,楊證樺喺個人社交網公布喜訊,表示佢哋一家三口將會增添一個新成員,變成一家四口!佢更留言指感謝上天嘅安排,呢個BB係佢哋嘅第二份禮物。

楊證樺公開超聲波相

楊證樺留言後,亦同時Po出一張BB嘅超聲波相,唔少網友知道呢個好消息,都戥佢哋高興,紛紛留言送上祝福!

「綠葉夫婦」 楊證樺沈可欣

楊證樺及沈可欣同為無綫綠葉演員,演出劇集無數,有睇電視的大家未必叫得出真名,但一定認得兩人!佢哋早已認識十多年,但真正走在一起只係近幾年嘅事。

楊證樺

對於戀情十分低調,很多藝員同事直至兩人結婚先得悉,仲以為拍緊戲!

楊證樺

兩人現時育有一個2歲嘅兒子楊宏志 (Eugene)。

楊證樺

夫妻檔拍住上

楊證樺和沈可欣在TVB默默耕耘多年,一直安於自己位置,因為他們明白每套劇集都是team work,要有主角、配角和綠葉才能成就一套劇集,正如每個家庭都會分工合作,每人都有自己崗位。

綠葉夫妻

楊證樺笑言兒子是他的福星,自他出世後,兩人獲得更多演出機會,甚至一齊做夫妻角色,「監製一諗起要搵人做夫妻,就會諗起我哋。

綠葉夫妻

夫妻演《踩過界》獲力讚

早前無綫劇《踩過界》成為城中熱話,「盲俠大狀」王浩信固然獲得好評,但在其中一單元「疏忽照顧兒童案」中,飾演聾啞夫婦的楊證樺和沈可欣獲網民大讚演技出色,大家更想不到兩人在現實中亦是夫妻!無論戲份多少,兩人對每個角色也十分認真,經常一邊湊仔一邊刨劇本。

因囝囝抽筋暈倒 楊證樺有了人生啟悟

佢哋曾喺電視節目中,提及囝囝楊宏志 (Eugene)上年突然發燒,睇醫生後久久未退燒,之後楊證樺揸車去醫院途中,囝囝更突然抽筋,然後暈倒、失去知覺。

當時沈可欣已經喊到死去活來,以為囝囝咁就走咗… 幸好十多秒後囝囝有返喊聲,楊證樺個心先定落嚟少少。

人生最深刻一次

去到醫院,囝囝再度失去知覺,醫生馬上為Eugene進行急救,好彩最後平安無事。沈可欣憶述當時有人同佢講「頭先你個仔個嘴變咗紫色」,佢話佢寧願唔知道,嚇死佢哋。佢哋話,依一次係佢哋人生之中最深刻嘅一次。

楊證樺講述當時嘅心情:「去到嗰一刻,我原來所有嘢都可以唔要,我只要個仔。」

好在,而家囝囝都健健康康咗長大,嚟緊仲會做埋人哋哥哥㖭!

綠葉夫妻