C1

楊采妮孖仔1歲生日 小黃花帶仔女齊賀壽

梁詠琪、李心潔、許茹芸、楊采妮呢幾四位好姊妹,雖然婚後各自喺唔同地方生活,但依然感情好好,更組成「小黃花慈善教育基金」一齊推動慈善事業,而佢哋即使生咗BB,也會專程飛去當地見面。日前楊采妮為一對孖仔提早慶祝1歲生日,梁詠琪一家三口、李心潔一家四口、許茹芸夫婦齊齊飛去新加坡出席生日派對,真係好溫馨啊!

撰文:東方新地

楊采妮孖仔1歲生日 小黃花帶仔女齊賀壽

現定居新加坡嘅靚星媽楊采妮,日前為一對雙胞胎兒子Ignatius同Aloysius 搞1歲生日派對,佢邀請好姊妹梁詠琪、李心潔、許茹芸出席,佢哋帶埋仔女同老公飛去新加坡!李心潔事後都有喺fb貼圖兼留言,佢話:「兩位小兄弟提早慶生,難得讓我們有機會從四方八面飛來相聚。感動,愉快,歡樂的時光真美好。」

楊采妮
楊采妮孖仔1歲生日,三位好姊妹帶仔女同老公到新加坡出席生日會!
楊采妮
楊采妮同三位好姊妹梁詠琪、李心潔、許茹芸人齊合照!

而梁詠琪就留言話:「采妮的一對小兄弟出生後,我們4個姊妹們第一次難得這麼人齊的都帶著另一半和小孩,聚在一齊為小兄弟們提早慶生。Sofia面對著4個小弟弟,立刻變大姐姐啦!」

楊采妮
楊采妮同心潔都係生孖仔,而GiGi嘅囡囡Sofie係五個小朋友中最大,成了大姐姐!
楊采妮
楊采妮為孖仔搞生日會,令好友們第一次人齊聚頭!

楊采妮話去年2017年係佢人生最難忘嘅一年,因為佢經歷了生BB,同時也有摯友因病離世,令佢對生命的體會更加深,更珍惜身邊最愛的親人和好友!

楊采妮
楊采妮去年生了孖仔,同時也有朋友因病離世,令佢更學懂珍惜!
楊采妮
楊采妮嘅孖仔唔經唔覺一歲大!
楊采妮
楊采妮自生了一對孖仔後,其FB不時分享湊仔之日常!
楊采妮
楊采妮自有了一對小寶貝後,減少工作,專心照顧兒子!

楊采妮:湊小朋友自然會瘦

而2月初,久未在港露面嘅楊采妮返港出席時裝活動,當時睇落清減咗唔少,采妮話:「冇諗過減肥,湊小朋友自然會瘦,頭一年好重要,因為佢哋係早產BB,自己個心梗係想佢哋好啲,想畀多啲時間去瞭解佢哋,連佢哋食咩都安排晒,啱啱戒咗餵人奶,真係好攰,但過程冇咩壓力,好順利。」又表示自己可以開始復工:「可以慢慢做番嘢,不過佢哋都係得11個月大,最近啱啱學識扶住嘢行,周圍去玩。前日臨上機時,細佬識得叫『Mama』、『Mum Mum』,唔知佢係咪因為覺得肚餓!反而哥哥就喺爸爸餵食飯時叫『Papa』,真係好神奇,因為係第一次,真係好開心,叫佢講多次,佢仲識笑,知道我哋好開心,仲肯give me five,我同老公都覺得好Sweet!」

楊采妮
今次來港楊采妮話好唔捨得一對孖仔:「做咗媽咪就知,我一上機就睇相,落機就即刻同佢哋玩視頻。」
楊采妮
楊采妮話嚟緊農曆新年會帶一對孖仔返台北向太婆拜年,呢次會係佢哋三個太祖孫第一次見面。