歐陽巧瑩

歐陽巧瑩 陳蕊蕊 玩泥漿浴 索爆《3日2夜》

歐陽巧瑩同陳蕊蕊遠赴帛琉拍攝的節目《3日2夜》上周六(4月7日)播出第一集,歐陽巧瑩喺節目中著上多套三點式泳衣,大晒火辣身材,而陳蕊蕊就扮成美人魚,同歐陽巧瑩一 齊大玩泥漿浴!

撰文:東方新地|圖片:新傳媒圖片庫、歐陽巧瑩IG

歐陽巧瑩 同海豚坃遊戲

34C「咪神」歐陽巧瑩將於年尾嫁林師傑,升呢做人妻,佢同擔任帛琉旅遊大使嘅陳蕊蕊早喺去年11月拍下今次嘅帛琉之旅,喺節目中佢哋兩人跟住當地導遊Cooper遊覽帛琉,歐陽巧瑩仲著上三點式泳衣同海豚一齊玩浮潛!

歐陽巧瑩
呢件螢光泳衣,歐陽巧瑩話第一日著已經曬到心口打晒格仔!
歐陽巧瑩
藍天白雲加埋咁靚嘅沙灘,認真enjoy!
擔任帛琉旅遊大使嘅陳蕊蕊就化身美人魚。
陳蕊蕊話佢自細就好鍾意美人魚,而帛琉可以話係美人魚嘅故鄉,所以佢就幫手做美人魚宣傳大使,介紹呢個地方畀多啲人識。

歐陽巧瑩同陳蕊蕊仲一齊去到當地著名嘅景點牛奶湖,將據講有美容功效嘅湖底火山泥搽上身。

歐陽巧瑩
兩人搽到成身白泥,勁養眼。
歐陽巧瑩
34C嘅歐陽巧瑩同34F嘅陳蕊蕊,身材同樣咁吸睛。

不過搽完泥漿浴,歐陽巧瑩就慘被貌似袁偉豪嘅型男導遊Cooper成個抱起掟落水沖身,真係唔識憐香惜玉!

歐陽巧瑩
帛琉袁偉豪輕易抱起歐陽巧瑩,有心有力!

連歐陽巧瑩嘅未來老公林師傑都忍唔住話佢跟佬走仲咁開心,認真搞笑!