江嘉敏

講你都唔信|失戀江嘉敏獲高層珍姐點醒 孖野外達人方紹聰做壓軸主持

最新娛聞

廣告

曾志偉出山孖住「大師兄」錢嘉樂主持《講你都唔信》,再加多一Pair新力軍主持,一度被網民以為《獎門人》返嚟啦﹗繼馮盈盈全靠曾志偉出馬令她得以解凍亮相幕前做主持;畀仔撇受情傷的江嘉敏亦獲高層珍姐點醒,委以重任拍住野外達人奶仔方紹聰做壓軸主持。

江嘉敏 江嘉敏失戀後冇心工作,近月宅在家。
江嘉敏失戀後冇心工作,近月宅在家。(圖片來源:IG@kaman_kong)

江嘉敏失戀後閉關多月

27歲的江嘉敏早前宣布與拍拖3年的電競高層男友Anthony分手,仲出po唱通街,意指剪短髮被嫌棄,男方疑似出軌令她徹底死心,已經唔係首次畀仔飛的江嘉敏似乎傷得甚重,連日在社交網繼續盡訴心中鬱結,透露閉關唔出街,失眠個幾月要睇中醫,仲上載舊MV暗示與男友對結婚意見有分歧。

江嘉敏 江嘉敏自爆與拍拖3年電競高層男友Anthony甩拖,除Unfollow男友的社交帳號外,更不停發文抒發感受,似乎好放唔低,並透露自己足足成個月沒有離開家門。
江嘉敏自爆與拍拖3年電競高層男友Anthony甩拖,除Unfollow男友的社交帳號外,更不停發文抒發感受,似乎好放唔低,並透露自己足足成個月沒有離開家門。(圖片來源:IG@kaman_kong)
江嘉敏 江嘉敏日前終於出關,與友人去行山。
江嘉敏日前終於出關,與友人去行山。(圖片來源:IG@kaman_kong)

江嘉敏出關接受新挑戰

回復單身的江嘉敏終於出關接受新任務,除了正等待另一套劇集開拍,她又被公司安排擔任節目《講你都唔信》的「壓軸主持」。性格坦率江嘉敏近年主要拍劇,今次要做節目主持絕對是新挑戰,她坦言做節目主持同做嘉賓感覺好唔同,是兩回事,準備的功課可能比較多,而且好考急才,做演員都有劇本,但主持就好考臨場發揮,所以她都要去偷師。

江嘉敏 江嘉敏與馮盈盈去年曾反面,繼馮盈盈做完《講你都唔信》主持,跟住到江嘉敏接棒。
江嘉敏與馮盈盈去年曾反面,繼馮盈盈做完《講你都唔信》主持,跟住到江嘉敏接棒。(圖片來源:IG@kaman_kong)
江嘉敏 江嘉敏在其社交網限時動態上載了學電單車的照片,並表示即將要日日開工,唔得閒再去學車。
江嘉敏在其社交網限時動態上載了學電單車的照片,並表示即將要日日開工,唔得閒再去學車。(圖片來源:IG@kaman_kong)

獲高層珍姐指點

江嘉敏透露事前已向高層珍姐(曾勵珍)請教,再加上有曾志偉同錢嘉樂睇住,佢話會冇咁緊張。江嘉敏又指起初都覺得好奇怪為何會找她做主持,今次她將會拍住奶仔方紹聰,二人合作無間有晒默契,不過江嘉敏就覺得自己的主持經驗最少,希望到時會盡量放鬆。

江嘉敏 江嘉敏將與奶仔方紹聰拍住做《講你都唔信》「壓軸主持」。
江嘉敏將與奶仔方紹聰拍住做《講你都唔信》「壓軸主持」。(圖片來源:IG@kaman_kong)
江嘉敏 江嘉敏與奶仔合作過多次,她更做過《野外步出》兩輯嘉賓。
江嘉敏與奶仔合作過多次,她更做過《野外步出》兩輯嘉賓。(圖片來源:IG@kaman_kong)

《講你都唔信》做多3集煞停

被於獲珍姐親自教導畀貼士被封是「珍姐新寵」,江嘉敏直言因為自己冇經驗,珍姐一心為她好、想她有好表現,才會出手教導。江嘉敏大讚珍姐好好人,有時看完playback都會給她意見。《講你都唔信》播出至今雖然時有爆笑場面,不過據知做埋江嘉敏、方紹聰主持的3集後便會煞停,節目監製陳志球受訪時被問到會否「添食」時,坦言覺得可以繼續做落去,但要同老闆(曾志偉)商量,仲話曾志偉冇期係煞停的其中一個原因。有冇得添食,就真係要睇收視同反應喇!

江嘉敏 講你都唔信 曾志偉與錢嘉樂、丁子朗和林秀怡主持首集《講你都唔信》,曾志偉及錢嘉樂做膽,會有不同主持人。
曾志偉與錢嘉樂、丁子朗和林秀怡主持首集《講你都唔信》,曾志偉及錢嘉樂做膽,每幾集就會換主持人。(圖片來源:TVB

馮盈盈解凍後首亮相《講你都唔信》

曾志偉聯同錢嘉樂帶領馮盈盈及鄭衍峰為第二輪比賽擔任主持,兩晚節目嘉賓分別為肥媽、薛家燕、陸浩明、阮兆祥、鄧兆尊、何遠東、曹永廉、車婉婉及商天娥,三隊人馬將分別圍繞「第一次」及「講你都唔信」兩大主題進行講故仔技巧大比併。

江嘉敏 馮盈盈 講你都唔信
馮盈盈因為唔聽話被雪,有傳之前公司想她低調戀情,但她卻頻頻與鄭衍峰高調放閃,與公司持不同意見﹗(圖片來源:TVB
江嘉敏 馮盈盈 講你都唔信
馮盈盈在節目中七情上面﹗(圖片來源:TVB
江嘉敏 馮盈盈 講你都唔信
呢個星期《講你都唔信》主持是馮盈盈同鄭衍峰﹗(圖片來源:TVB

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:無綫提供、IG@kaman_kong