WhatsApp Image 2020-10-27 at 17.06.17

江嘉敏死性不改 姣撩馮盈盈舊愛

江嘉敏出道以來是非纏身,逢仔媾成為無綫姣精之一,早前傳出同好姊妹馮盈盈(FYY)因為一次船P導致反目,更放毒箭互數不是。日前死敵馮盈盈的醫生前度Martin揸住跑車到將軍澳電視城一遊,並把跑車照上載於社交網,江嘉敏搶先留言搭訕,言語間直指對方眼中冇佢,如此主動出擊姣撩FYY舊愛,究竟動機何在?

撰文:東方新地 圖片:江嘉敏IG圖片、馮盈盈IG圖片、鄭紹康IG

江嘉敏有殺錯冇放過

因為一次船P羅生門,江嘉敏與馮盈盈展開網上罵戰。
因為一次船P羅生門,江嘉敏與馮盈盈展開網上罵戰。

江嘉敏天生注定惹火,同馮盈盈由好姊妹變成死敵,都係為咗識男仔,不過最估唔到馮盈盈醫生舊愛寶寶(Martin),江嘉敏一樣有殺錯冇放過。

江嘉敏與馮盈盈由好姊妹變成死敵,今次江嘉敏連FYY的醫生舊愛都照姣。
江嘉敏與馮盈盈由好姊妹變成死敵,今次江嘉敏連FYY的醫生舊愛都照姣。

江嘉敏搶先留言

馮盈盈前男友寶寶同江嘉敏應該冇乜重疊關係,但早前寶寶趁中秋節在私人IG上載一張駕駛SUBARU WRX跑車到電視城的照片,並留言「一人遊舊地」,仲hashtag「每逢佳節」,本來內容已經夠惹人聯想。不過最引人入勝的是率先留言回應的竟然不是馮盈盈,而是被指已跟馮盈盈反目的江嘉敏 。

FYY舊愛寶寶早前揸跑車路過無綫,拍下照片上斡IG話到此一遊,江嘉敏第一個留言。
FYY舊愛寶寶早前揸跑車路過無綫,拍下照片上載IG話到此一遊,江嘉敏第一個留言。
江嘉敏發姣放電最耍家,出道以來緋聞纏身。
江嘉敏發姣放電最耍家,出道以來緋聞纏身。

江嘉敏與寶寶對話

以下是江嘉敏與寶寶的留言對話。
江嘉敏說:「你人生冇嘢做喇?」
寶寶:「見你唔到嘅?」
江嘉敏:「你又唔係嚟搵我,眼裡面實見我唔到㗎!」
寶寶:「去咗搵回憶!」

網民指江嘉敏姣撩FYY舊愛是有目的。
網民指江嘉敏姣撩FYY舊愛是有目的。
江嘉敏仲被網民重提舊事,指她喜歡媾人夫。
江嘉敏仲被網民重提舊事,指她喜歡媾人夫。
江嘉敏本身有個電競公司高層男友,不過佢都係唔多知足。
江嘉敏本身有個電競公司高層男友,不過佢都係唔多知足。
除了姣,江嘉敏更被指喜歡黐有錢人,早前透過好友林凱恩認識小小超李澤楷女友郭嘉文。
除了姣,江嘉敏更被指喜歡黐有錢人,早前透過好友林凱恩認識小小超李澤楷女友郭嘉文。

馮盈盈與醫生和平分手

大家都認為寶寶口中的回憶就是指馮盈盈,而去年尾馮盈盈同醫生男友寶寶先同居後分手,當時二人話係和平分手,會一齊處理同名持有的物業,分開後各自各精彩,馮盈盈好快就同爆肌港男鄭衍峰傳出緋聞,而寶寶早前亦被踢爆與新女友好事近。今次江嘉敏連死敵前度都姣,難怪又被網民鬧爆!

馮盈盈與醫生舊愛寶寶去年一齊買樓同居,點知突然分手。
馮盈盈與醫生舊愛寶寶去年一齊買樓同居,點知突然分手。
馮盈盈與新仔鄭衍峰打得火熱,日前二人受劉鳴煒之邀一齊去海洋公園行山。
馮盈盈與新仔鄭衍峰打得火熱,日前二人受劉鳴煒之邀一齊去海洋公園行山。