汪詩詩

汪詩詩大膽玩飛索 夏威夷做空中飛人

「宇宙最強」甄子丹太太汪詩詩最近同名模琦琦以及兩個仔女趁住復活節假期一連飛到韓國同夏威夷旅行,佢仲喺夏威夷北岸叢林挑戰高空飛索,全程面不改容,認真大膽!

撰文:東方新地|圖片:新傳媒圖片庫、汪詩詩IG

汪詩詩 為小朋友做典範

汪詩詩喺IG上載呢段玩飛索嘅片段,同時Hashtag話:「#bravemommies #whatwedoforourkids #loveourkids #ziplining #northshore #hawaii #easter #holiday #spiderman」意指要為小朋友做個勇敢嘅示範,又自比蜘蜘俠,仲Tag埋同行嘅琦琦,琦琦就隨即留言話多謝佢嘅鼓勵。

汪詩詩
汪詩詩臨開始玩飛索前仲笑笑口,毫無懼色,認真勇氣可嘉。
琦琦 汪詩詩
琦琦笑爆話多謝汪詩詩嘅鼓勵,唔知琦琦自己有冇玩到呢?

甄子丹同汪詩詩嘅囡囡Jasmine都有玩埋一份,仲同阿媽汪詩詩一樣大玩蜘蛛俠式嘅「upsidedown」,汪詩詩即時大讚佢好勇敢!

Jasmine 汪詩詩

去到熱帶地方,當然唔少得著泳衣游吓水。

汪詩詩
汪詩詩著黑色一件頭泳衣大晒白滑長腿。
琦琦 汪詩詩
琦琦就著粉彩色泳衣加太陽草㡌。

一場去到夏威夷,汪詩詩同琦琦都有玩「到此一遊」留影。

汪詩詩

琦琦 汪詩詩

去夏威夷前,一行人仲率先去咗韓國大玩特玩!

汪詩詩
汪詩詩仲喺韓國街頭食燒粟米㖭!