沈卓盈

沈卓盈 譚凱琪 等嫁富二代

電視圈近年女團當道,早年有佘詩曼為首的「七魔女」,後有胡杏兒領軍的「胡說八道會」,不過最炙手可熱的可算是「少婦聯盟」。無綫上周剛播完的劇集《平安谷之詭谷傳說》,外界一致話好睇過台慶劇,除了劇情緊湊,劇中女主角陳凱琳、龔嘉欣、譚凱琪、沈卓盈更被讚演技大爆發。踏入狗年,「少婦聯盟」著到紅彤彤向本刊讀者拜年,分享甜到漏的愛情故事,搶住做狗年新娘。四個不同年齡、背景與性格的索女走埋一堆,竟然冇是非只有笑聲,仲當場互爆馭仔術。

撰文:東方新地

圖片:新傳媒圖片庫

沈卓盈 閨蜜互爆私事

《平安谷之詭谷傳說》一眾女角被男人們欺壓和勞役,由認命到結成復仇聯盟,聯手奮起反抗,充滿捍衞女權主義味道,陳凱琳(Grace)、龔嘉欣(Katy)、譚凱琪(Zoie)、沈卓盈(Jessie)戲裡戲外更成為好友,friend到成立閨蜜團「少婦聯盟」,正所謂「三個女人一個墟」,四個圍埋嘈就一定啦,不過她們之間卻多了一份愛。

「少婦聯盟」這次破天荒為本刊拍攝賀年封面,過程中冇搶衫、冇批踭,出奇地只有笑聲笑聲滿載溫馨。四人中只有龔嘉欣單身多年,其餘三位姊妹都為她著急,一坐低訪問就話要力sell龔嘉欣的優點,陳凱琳先講:「嘉欣最大嘅優點就係謙虛,佢好獨立,可以保護身邊嘅男仔。」譚凱琪補充:「因為佢好保護身邊朋友,有唔公平唔make sense嘅事佢會力爭到底,唔會畀人蝦我哋。我哋相信佢會搵到適合又愛錫佢嘅人,只係緣份未到,可能 緣份一到佢快過晒我哋結婚呢!」龔嘉欣雖然愛為好友抱不平出頭,但她坦言始終想找個人保護自己,女人太強未必是好事。

沈卓盈
由陳凱琳、龔嘉欣、沈卓盈及譚凱琪組成,不同性格背景的四人走在一 起,卻默契十足,是非欠奉,陳凱琳話:「因為我哋四個真係唔係好是非嘅人。」
沈卓盈
早前沈卓盈等「少婦聯盟」為紀念成團一年,搵攝影師化妝師仲book埋酒店房影了多輯噴血性感照,除了穿上黑色泳衣在浴缸內擺pose外,還有大騷美腿的床照。
沈卓盈
據知沈卓盈四女還有大量未出街的性感照,噴血程度直教成員男友問罪,為此龔嘉欣話:「冇喇!冇喇!唔敢再公開喇!」

沈卓盈 男友管接送

33歲的沈卓盈擁有女人夢寐以求的S形身材,多年來外界指她無寶不落,舊愛全是非富則貴,沈卓盈要為自己平反:「拍拖好正常,係每個人生活嘅一部分,只係外界經常過分放大我嘅感情生活,忽略咗我都有畀心機工作,演好每一 部劇。我啲家姐24歲就結婚生仔,所以我自小就對愛情有憧憬,曾經渴望22至24歲就嫁人,希望有個幸福家庭,但依家我覺得緣份最重要,有啱嘅人我會試,唔得亦唔會勉強。」

男友Calvin家族從事內衣生意,對住男友甚有原則的沈卓盈,就快可以打開幸福之門。她說:「現階段我同男友都有共識,行到最後一步就睇時機,佢求婚我先諗啦!女人幾叻都好,最終都係要搵個好歸宿support自己。男友已經去到一個地步唔需要經我就約我啲家姐食飯,連我3歲嘅姨甥女都好鍾意佢,搞到我呷醋。」

沈卓盈
沈卓盈加入無綫13年,她表示每個人的時間表和命運都不同:「入行多年我都只想做好自己,冇得同人去比較,個人積極心態係最緊要。」

沈卓盈

沈卓盈
入行前做兼職模特兒的沈卓盈,由唔識化妝到現在女人味出晒嚟,其玲瓏浮凸身材更是得天獨厚。
沈卓盈
沈卓盈性格獨立有原則,對於男友Calvin錫到燶不時做司機車出車入,她說:「只要搵到錫你嘅人,佢就自然會就晒你。」

譚凱琪 堅拒婚後收山

入行17年的譚凱琪,由小室哲哉徒弟做到無綫花旦,一直以來野心不大新聞也不多,有傳富二代男友莊日宇為她購入九龍塘帝景峰豪宅築愛巢,又將旗下餐廳股份轉到她名下,譚凱琪堅拒婚後收山:「演戲令我有存在感搵到自己嘅方向,好多人話我性格唔適合呢個圈,我只係想做番自己,其實我已經aggressive(進取)咗。雖然我好重視家庭生活,但結咗婚未有小朋友都會繼續打拚。男友好支持我做呢行,傳聞話佢畀間餐廳我打骰,no! 完全唔係,經濟上我哋非常之獨立,你見我仲拍劇就知道唔係真。」36歲的譚凱琪,笑言好彩有家姐:「兩邊屋企人都冇畀壓力要我哋結婚生仔,好彩家姐已經有兩個小朋友,我就順其自然啦!去到嗰個階段自然會做嗰個階段嘅嘢。」

譚凱琪 沈卓盈
譚凱琪做過歌手、旅遊節目主持,近年加入無綫全力拍劇,她表示原來自己最鍾意拍劇,即使婚後都不會放棄事業,日前更宣布跟朋友合資6位數字開網上甜點店。
譚凱琪 沈卓盈
與男友莊日宇拍拖多年,譚凱琪話雖未至於老夫老妻,但平時不喜歡出街,經常宅在家,相信平淡生活可以細水長流。
譚凱琪 沈卓盈
去年譚凱琪首度奪得《TVB馬來西亞星光薈萃頒獎典禮2017》的「最喜愛TVB飛躍進步女藝員」,為其演藝事業打了一支強心針。
譚凱琪 沈卓盈
去年譚凱琪與張衛健合作的《大帥哥》仲未出街,相信會有不少發揮機會。

龔嘉欣 擺陣催桃花

單身多年的龔嘉欣,年前在台慶頒獎禮憑《幕後玩家》一角勇奪「最佳女配角」,之後劇接劇仲做埋女一,不過事業得意感 情卻未有著落,28歲女求愛原來並非手到拿來,她說:「拍拖係好容易,但認真咁搵個人行落去,唔想轉頭就分開,就唔係 一件易事。我哋做演員呢行時間唔定,要搵個了解同明白我嘅 人真係好難,我都想搵個人依賴,有事時可以幫我去處理,我 亦想將自己嘅開心帶畀另一半。」

拍劇多年搞到健康變差,龔嘉欣除了需要搵另一半支持外,最重要還是爭取時間休息養好身體,至於幾位好閨蜜都戥 她心急想介紹好男仔給她,龔嘉欣笑言:「往年搵化妝師同髮型師陪我去買桃花,結果一個二個成功結婚,我就仲係單身。今年邊個都唔使旨意掂我棵桃花,我決定自己親手搬返屋企,睇吓會唔會有好姻緣先!」有青春有條件,嘉欣BB唔使擔心,只係緣份未到啫!

沈卓盈
「少婦聯盟」譚凱琪、龔嘉欣、陳凱琳、沈卓盈除了吃喝玩樂,來年仲有一個大計,四人希望可以一齊大搞慈善活動,為社會出一分力。
龔嘉欣 沈卓盈
單身的龔嘉欣今年會擺桃花陣催姻緣,另外她又希望可以帶爺爺嫲嫲全家人一齊外遊,果然是孝順女。
龔嘉欣 沈卓盈
龔嘉欣19歲入行到現在,她覺得自己遇到很多機會,不 過16年攞了「最佳女配角」後壓力漸大,「大家覺得我好識喊,再拍喊戲時都要諗點突破。」
龔嘉欣 沈卓盈
平時斯文柔弱的龔嘉欣,拍劇角色多元化,她接受能力很大,早前在《誇世代》連鋼管舞都跳埋。
龔嘉欣 沈卓盈
每次到人家小孩,龔嘉欣都愛不釋手,早前抱住張繼聰愛女,嘉欣母性大發。
龔嘉欣 沈卓盈
多年來傳過不少緋聞包括坤哥,不過冇一單係堅,龔嘉欣期待真愛出現,希望是個心靈上可互通的人。

少婦聯盟由來

「少婦聯盟」四個成員都未婚,當中陳凱琳與龔嘉欣 三十歲都未到,何解會叫自己少婦?其實源自她們合作的無綫民初劇《平安谷之詭谷傳說》,四人在劇中都已嫁作人婦,在封建傳統社會欺壓下團結起來反抗。私底下四人一拍即合,圍內又講啲師奶嘢,所以美其名叫「少婦」,眾人開了WhatsApp Group分享邊度有減價,邊度有著數,仲會約埋一齊去百貨公司shopping。唔止少婦,其實仲好師奶。

沈卓盈
06年尾合作拍《平安谷之詭谷傳說》,令陳凱琳、龔嘉欣、沈卓盈及譚凱琪變成好閨蜜,一齊開工一齊食飯,拍完劇仲keep住姊妹情,得閒傾吓師奶買嘢心得,佢哋話平時多在WhatsApp group溝通,內容都係啲無聊嘢。
沈卓盈
沈卓盈等「少婦聯盟」不時搞活動聯誼,打波、行街、食飯、整餅,總之柴娃娃的活動最啱呢班女人。
沈卓盈
到新年「少婦聯盟」沈卓盈等人約埋一齊聚餐。
沈卓盈
陳凱琳愛煮甜品,愛同沈卓盈等人得閒一齊整餅。

沈卓盈

沈卓盈