沈月

為爸爸時裝品牌站台!17歲沈月 變超模行Catwalk

最新娛聞

廣告

邱淑貞與沈嘉偉嘅大女沈月,一直被傳媒同網民封為「最索星二代」,現年17歲嘅沈月天生係個美人胚子,日前佢現身倫敦時裝周,打頭陣為爸爸嘅服裝品牌行CatWalk,驚艷全場!

撰文:Kayla(原文刊於:Sunday kiss)|編輯:東方新地|圖片:Instagram、大會發相、新傳媒圖片庫、沈月IG

17歲沈月行Catwalk

17歲嘅沈月,完全遺傳咗媽媽邱淑貞嘅美貌,甚至比全盛時期嘅邱淑晶更有仙氣!對時裝一向有濃厚興趣嘅沈月,日前遠赴倫敦出席時裝周,更首次為爸爸的時裝品牌站台,打頭陣行CatWalk。

一出場,沈月已經引起現場起哄,年紀輕輕嘅佢完全冇怯場,帶領一班Model行騷,以超Cool嘅表情完成CatWalk。

在 Instagram 查看這則貼文
🌙(@yuetyuetxx)分享的貼文 張貼

沈月妹妹沈日都忍唔住喺Instagram留言:「i’ m so proud of you gorgeous」(我真的為你感到很驕傲,非常漂亮!)

甜到漏

三個女之中,大女沈月最遺傳到媽媽豆斗基因,靚女有星味又有氣質,邱淑貞承認拒絕過娛樂公司招手簽女,亦有意送沈月赴英升學斷其入行後路。讀緊國際學校的沈月最後一年中學生涯,每日如常由司機接載返學放學。不過就算素顏兼一身校服,甜美又有星味的星二代氣質擋也擋不住。上車前見到司機不自覺甜笑,純真又可愛!

餅印母女

豆斗作為九十年代的性感女神,係唔少男士心目中完美的化身,不過佢自1999年嫁俾時裝公司I.T.老闆沈嘉偉後就淡出幕前。豆斗結婚後替老公誕下三個女兒沈月、沈日及沈晨,其中長女沈月生得亭亭玉立、小時候已經氣質出眾,皮膚及標緻面孔都甚有媽媽的影子!

14歲沈日 健康豆斗

三個女各自繼承媽媽不同優良傳統, 14歲二女沈日就黑黑實實,夠晒健康。

8歲沈晨 精靈豆斗

8 歲的沈晨年紀最細、最得父母和兩個家姐寵愛,不過精靈乖巧,邱淑貞寧願把時間放在大女身上,三女就由工人主力接送。

聽阿媽話停派軍糧

愈大愈靚的沈月最驚艷一役絕對是去年盛裝出席世叔伯城城婚禮,16歲人仔身穿黑色連身裙腳踩紅色高踭鞋, 現身半島酒店時比媽媽更搶鏡。

沈月唔想太高調

離開大銀幕嘅豆斗一如以往星味不減,不過講搶鏡度全晚最閃係豆斗16歲囡囡沈月,冇見一排又靚咗,衣著打扮更勝班星。雖則豆斗話過阿女無意入行,對娛樂圈表演等毫無興趣,唔想太高調更連IG都停咗冇更新,但係呢,星味同氣質呢家嘢,唔係話冚就冚得住,沈月係最一個最好例子!

去年個人社交帳戶由私人設定改為公開,沈月未出道已經瞬間吸得過7萬粉絲關注,次次一po靚相一萬幾千個like話咁易就呃到,拍得住一班藝 人,不過阿媽出手叫停,沈月亦從此絕跡社交網。

沈月早前上載的和服照,更睇到一眾男網民目定口呆!

之前沈月同家人去灣仔參觀香港巴塞爾藝術展 (Art Basel),事後上載幾張靚相到Instagram,見到佢着上紅色上衣配黑色直腳褲、手持紅色clutch,I.T太子女果然衣著品味獨到。沈月呢日化個靚妝、紮起馬尾,展露殺死人的甜美笑容,極有媽媽豆斗的影子!

沈月聽媽咪話不再公開發布私相,不過契媽上山詩鈉個人IG就經常見到沈家三千金新相,各有各精靈可愛的三姊妹都深得契媽寵愛。

邱淑貞全家福首曝光 二女沈日都好靚女

今年4月歌神張學友喺台北小巨蛋舉行最後一場演唱會,好友梁家輝、劉嘉玲、梁朝偉、曾志偉、梁家輝、上山詩鈉及杜德偉等都化身小fans,專程飛到台灣為學友捧場,陣容超豪華,而邱淑貞更加同埋老公沈嘉偉同三個囡囡舉家睇騷,大女沈月亦是公認的靚女,靚樣似足媽咪。至於甚少在公開場合現身嘅邱淑貞14歲二女沈日,同樣遺傳豆斗嘅優良,更加係愈大愈靚女,似足邱淑貞咁靚呀!至於現年7歲嘅三女沈晨的也是個可愛小美人。

睇番沈日童年的打扮比較男仔頭,而且愛跳跳紮,是屬於可愛型的小女孩,估不到多年後,一洗小男孩的打扮,少女味愈來愈濃,仲愈大愈靚女!

沈日由工人姐姐接放學,一出校門就手舞足蹈,好活潑呢!

至於7歲細女沈晨,都係眼大大輪廓分明,有美人胚子,相信長大後都似媽咪邱淑貞!

延伸閱讀:盤點愈大愈靚星二代

林泳 被送出國

除咗沈月,仲好多星二代亦愈大愈靚,林海峰與彭羚嘅18歲大女林泳就身形高䠷、五官清秀,是游泳溜冰健將又遺傳媽媽基因好唱得,有傳被多間大型娛樂公司睇中,游說接洽入行,但林海峰極力反對愛女入行又認為學業為先,據知今年索性送林泳出國升學。

任晴佳初登模界

任達華與名模太太琦琦的女兒任晴佳(Ella),今年13歲,其實係16年時琦琦喺網上分享女兒生日派對的盛況,大家先知Ella遺傳了父母的優良基因,如今已出落成一位美少女,更擁有高佻身材,最近第一次玩票性質參與拍攝時尚照,表現超班。

甄濟如 為慈善獻唱

「宇宙最強」甄子丹同太太汪詩詩嘅14歲大女甄濟如(Jasmine)愈大愈靚同有條件做model,丹爺話會畀囡囡自己選去向:「我哋做父母嘅都會支持,當然先要佢讀好書。」

李嘉慧囡囡 晒長腿

曾經95雙料港姐亞軍兼最上鏡小姐、做過名模嘅李嘉慧,依家已經低調億萬新抱,日前佢帶住12歲大女Valerie同10歲Sylvia出巡,年僅12歲的Valerie遺傳咗媽媽九頭身靚身形同筆直長腳,身高已經拍得住媽媽膊頭。

康堤 最淡定

陳奕迅同徐濠縈嘅13歲獨女康堤遺傳父母氣質,少女味重得嚟有型又有性格,由細到大見慣鏡頭,次次跟住媽媽出鏡都自然又淡定。

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言