AA

沙律30歲生日獲保錡精心準備床上玩具 被網友取笑:實情為自肥

最新娛聞

「沙律」張沛樂(Charlotte)日前踏入30歲的生日,同男友保錡到酒店Staycation慶祝之餘,更獲保錡送上床上一大堆玩具,令沙律冧爆大叫:「咁多!?」仲笑言:「真心要諗吓點擺好佢!」但網友就取笑保錡實情係為自肥!

文:東方新地|圖:沙律IG

沙律:多謝保錡為我做的一切

沙律日前在社交網分享同ERROR成員男友保錡去酒店Staycation慶祝她在10月7日的30歲生日,原來當日保錡為沙律準備了一連串驚喜,包括準備了送上酒店客房享用的一桌浪漫晚餐,以及送上一大床《反斗奇兵》(Toy Story)玩具。

保錡化身為窩心男朋友,為沙律準備了一連串驚喜。(圖片來源:沙律IG)
保錡化身為窩心男朋友,為沙律準備了一連串驚喜。(圖片來源:沙律IG)
沙律當日著住一件白色吊帶裙,笑得非常Sweet。(圖片來源:沙律IG)
沙律當日著住一件白色吊帶裙,笑得非常Sweet。(圖片來源:沙律IG)

保錡上網研究浪漫

沙律笑言:「又大一歲了,年齡不是重點,重點要在心態上得到改變和成長!多謝保錡為我做的一切。晚餐時,我話夠鐘落去食飯喇!佢話:有晚餐送上嚟㗎,浪漫呀你識唔識㗎?我問:你識得咩係浪漫咩?(笑)佢話:我有研究浪漫㗎!我話:你有上網研究浪漫係咩?佢話:哈,真係唔識呀嘛!」

保錡今次對女友沙律的浪漫舉動,連隊友肥仔(梁業)及經理人濟哥都有留言大讚他:「叻仔!」(圖片來源:沙律IG)
保錡今次對女友沙律的浪漫舉動,連隊友肥仔(梁業)及經理人濟哥都有留言大讚他:「叻仔!」(圖片來源:沙律IG)

沙律:玩具真心要諗吓點擺好佢

沙律之後又再出post公開她收到一大堆玩具禮物的一刻,原來當時保錡一邊送禮一邊大叫:「生日快樂!」而沙律的第一反應竟然係𢱑晒頭話:「咁多!?」她在帖文中笑言:「多謝各位的生日祝福,學我話齋,咁多!?今年都感受到大家對我的愛,咁多?!玩具真心要諗吓點擺好佢。」

沙律收到床上一大堆玩具時,第一反應係𢱑晒頭。(圖片來源:沙律IG)
沙律收到床上一大堆玩具時,第一反應係𢱑晒頭。(圖片來源:沙律IG)
保錡揸住手機喺後面拍片,同時大聲講咗句:「生日快樂!」(圖片來源:沙律IG)
保錡揸住手機喺後面拍片,同時大聲講咗句:「生日快樂!」(圖片來源:沙律IG)
而跟住沙律跟住開口第一句就係話:「咁多!?」(圖片來源:沙律IG)
而跟住沙律開口第一句就係話:「咁多!?」(圖片來源:沙律IG)

網友讚保錡:肯研究已經好叻

網友隨即紛紛留言畀建議沙律,話可以「整個玩具開箱片」、「開間玩具反斗城?」、「迷你倉幫到你」等等,也有網友笑指沙律「明顯係一頭問號」,認為係保錡自己鍾意那些玩具,送玩具實情係為自肥,但亦有不少網友大讚保錡「肯研究已經好叻㗎喇」!

雖然有網友質疑保錡送玩具是為了自肥,但沙律明顯好滿意男友的安排。(圖片來源:沙律IG)
雖然有網友質疑保錡送玩具是為了自肥,但沙律明顯好滿意男友的安排。(圖片來源:沙律IG)
今年1月保錡30歲生日時,亦是女友沙律陪他一起度過。(圖片來源:沙律IG)
今年1月保錡30歲生日時,亦是女友沙律陪他一起度過。(圖片來源:沙律IG)
早前沙律同保錡亦有一齊去海洋公園大玩水上活動。(圖片來源:沙律FB)
早前沙律同保錡亦有一齊去海洋公園大玩水上活動。(圖片來源:沙律FB)
(圖片來源:沙律張沛樂IG)
沙津和保錡去年被爆拍拖後公開承認戀情,之後一直keep住放閃。(圖片來源:沙律IG)
沙律張沛樂剪短髮預告出寫真集 網民反應兩極 潛水保錡上水派心
沙律早前剪了一頭清爽短髮的,被指似剛出道的薛凱琪,亦有網友指她和保錡愈來愈似樣,好有夫妻相!(圖片來源:沙津張沛樂IG)

讀者留言