法證先鋒5

法證先鋒5|討論區爆有人買粉絲造勢 時薪$65網民嫌出手低 邊個咁有需要?

最新娛聞

廣告

無綫新劇《法證先鋒5》最近在中港兩地熱播,為搶收視日前安排一眾主要演員到商場出席宣傳活動,咁啱得咁蹺,有網民發現一張招聘圖,內容指到場舉牌支持演出者會有$130報酬,在討論區公開後即被透過日期及地點作人肉搜尋,竟然撞正是《法證先鋒5》的宣傳活動。網民以「邊個咁慘要買fans」為題引起熱議,而曾志偉新抱王敏奕亦有在自己的社交網呼籲粉絲到場,活動當日仲同粉絲影晒相,睇嚟唔似佢噃!

法證先鋒5 《法證先鋒5》由黃宗澤、蔡潔、蔡思貝、王敏奕、袁偉豪及洪永城主演,卡士陣容其實算唔錯。
《法證先鋒5》由黃宗澤、蔡潔、蔡思貝、王敏奕、袁偉豪及洪永城主演,卡士陣容其實算唔錯。(圖片來源:無綫劇照)

《法證先鋒5》繼續搞宣傳

無綫新劇《法證先鋒5》開播已兩個星期,觀眾反應好一般,可見《法證》系列不再是收視保證,無綫日前繼續為此劇搞宣傳,不過就發了小插曲。有網民在討論區以「邊個咁慘要買fans」為題發出帖文,並貼上一張Freelance Job招聘圖,時間是上周六(11月26日)4時半至6時半,地點是鑽石山荷里活一樓明星廣場,工作內容是請人去活動舉牌,支持演出者,仲要畀反應,講明唔可以遲到早退,完成後就會有$130津貼。

法證先鋒5 有網民上載一個Freelance Job的截圖上討論區,開題「邊個咁慘要買fans」。
有網民上載一個Freelance Job的截圖上討論區,開題「邊個咁慘要買fans」。(圖片來源:討論區截圖)
法證先鋒5 不少網民睇完個post回應人工只是65蚊一個鐘,出手太低。
不少網民睇完個post回應人工只是65蚊一個鐘,出手太低。(圖片來源:討論區截圖)

網民搵到王敏奕出po召喚粉絲

網民po完這張Freelance截圖,即有網民人肉搜索是哪個活動要人,最後搵到《法證先鋒5》的女演員王敏奕在IG出po上載上周六(26日)的宣傳活動細節,表明希望粉絲到場支持,而日期與地點都與freelance的內容完全一樣,即引起疑似《法證先鋒V》活動疑買粉絲,有傳媒就事件向無綫查詢,監制方浤酌回應未有聽過買粉絲一事,亦相信公司唔會買粉絲。

法證先鋒5 有網民在王敏奕的社交網發現她出po召喚fans,時間地點與freelance內容一模一樣。
有網民在王敏奕的社交網發現她出po召喚fans,時間地點與freelance內容一模一樣。(圖片來源:討論區截圖)
法證先鋒5 王敏奕身為劇中女主角之一,非常落力為新劇宣傳。
王敏奕身為劇中女主角之一,非常落力為新劇宣傳。(圖片來源:[email protected]
法證先鋒5 王敏奕在上周六的活動上,成功召喚到10位私家fans。
王敏奕在上周六的活動上,成功召喚到10位私家fans。(圖片來源:[email protected]
法證先鋒5 王敏奕留言表示自己的fans長大了很多,睇嚟唔係freelance。
王敏奕留言表示自己的fans長大了很多,睇嚟唔係freelance。(圖片來源:[email protected]
法證先鋒5 《法證先鋒5》咁多位演員,究竟邊個咁需要買FANS呢?
《法證先鋒5》咁多位演員,究竟邊個咁需要買FANS呢?(圖片來源:[email protected]

常見問題

《法證先鋒5》原定男女主角另有其人?

今輯故事除了其中一則案件承接第四輯結尾留下的懸點,保留鄭俊弘和楊梓菁所飾演的角色外,其餘內容與前四輯無關。角色班底更大洗牌,黃宗澤及蔡潔原來只係頂上,原定男女主角為⋯⋯詳見:黃宗澤戲少似客串

《新四十二章》被閣置?

原定《新四十二章》接檔《下流上車族》,無綫卻臨時變陣抽起改抽《法證先鋒5》,最新消息指《新四十二章》將會起死回生,暫定於⋯⋯詳見:龔嘉欣狙擊蔡思貝爭視后

撰文:東方新地圖片來源:討論區截圖、[email protected][email protected]

讀者留言