鄭俊弘

法證先鋒5| 鄭俊弘橫跨16年有升職但冇加對白 被封「法證祖先」尷尬搵窿瓹

最新娛聞

廣告

無綫的法證系列向來受歡迎,正熱播的《法證先鋒5》主要演員有黃宗澤、偉豪、蔡思貝、洪永城等、還有2006年第一輯已經存在的鄭俊弘。由23歲撈到39歲,鄭俊弘花了16年時間由技術員升職為鑑證主任,不過對白量都係咁上下。日前在記者會上,鄭俊弘當眾被洪永城稱呼為「祖先」,引發全場大笑,鄭俊弘只能「老尷」以笑遮醜。

即睇《法證先鋒5》最新劇情劇透
鄭俊弘 鄭俊弘做到《法證先鋒5》,同上輯一樣,職位都係鑑證主任。雖然仍是閒角,但有幸是可以唱到《法證先鋒V》主題曲┌《天不會錯》。
鄭俊弘做到《法證先鋒5》,同上輯一樣,職位都係鑑證主任。雖然仍是閒角,但有幸是可以唱到《法證先鋒V》主題曲┌《天不會錯》。(圖片來源:[email protected]

鄭俊弘橫跨16年得一輯冇份

日前《法證先鋒5》舉行記者會,劇中多位主位演員黃宗澤、袁偉豪、蔡思貝、洪永城、蔡潔、王敏奕和鄭俊弘被安排一齊接受《東張西望》訪問,當中原來只有鄭俊弘是舊人,由06年第一輯已有份參演,橫跨16年經歷五輯《法證》,只有《法證先鋒3》冇佢份。

鄭俊弘 《法證先鋒》系列演足4輯,鄭俊弘被笑是「祖先」,f當場第一個反應係超級尷尬。
《法證先鋒》系列演足4輯,鄭俊弘被笑是「祖先」,當場第一個反應係超級尷尬。 (圖片來源:[email protected]影片截圖)
鄭俊弘 鄭俊弘繼而耷低頭好尷尬。
鄭俊弘繼而耷低頭唔敢正視任何人。(圖片來源:[email protected]影片截圖)

鄭俊弘由大師兄進化成祖先

問到尾聲時主持突然問大家有冇叫鄭俊弘做「大師兄」,黃宗澤即笑說:「佢(鄭俊弘)唔係大師兄,佢(鄭俊弘)直情係前輩。」而另一邊的洪永城即起哄說:「唔係祖先咩?」坐在一旁一直冇份發言的鄭俊弘先是耷低頭,顯得非常尷尬,被揶揄撈足咁年係前輩,全程只能以笑遮醜。

鄭俊弘 縱使被當眾取笑,但鄭俊弘仍keep住笑容無法反駁。
縱使被當眾取笑,但鄭俊弘仍keep住笑容無法反駁。(圖片來源:[email protected]影片截圖)
鄭俊弘 鄭俊弘被咬住唔放,視線好游離,可能心諗:你班友講夠未?
鄭俊弘被咬住唔放,視線好游離,可能心諗:你班友講夠未?(圖片來源:[email protected]影片截圖)
鄭俊弘 鄭俊弘「法證祖先」老尷連環圖。
鄭俊弘「法證祖先」老尷連環圖。(圖片來源:[email protected]影片截圖))

第一輯(2006年)演女一蒙嘉慧細佬

鄭俊弘被封「法證祖先」不無道理,他23歲(2006年)時參演第一輯《法證先鋒》,飾演蒙嘉慧細佬(梁小剛),由法證技術員做起,身為女主角細佬,屋企戲點都會有佢份,keep住有得出鏡同有對白,到第二輯(08年)都係承接故事繼續演梁小剛。

鄭俊弘 2006年,鄭俊弘在《法證先鋒》飾演蒙嘉慧的弟弟梁小剛,是法證部技術員。
2006年,鄭俊弘在《法證先鋒》飾演蒙嘉慧的弟弟梁小剛,是法證部技術員。 (圖片來源:[email protected]影片截)
鄭俊弘 2008年,鄭俊弘在《法證先鋒2》都是飾演法證部技術員梁小剛,是歐陽震華下屬兼舅仔。
2008年,鄭俊弘在《法證先鋒2》都是飾演法證部技術員梁小剛,是歐陽震華下屬兼舅仔。 (圖片來源:[email protected]影片截圖)
鄭俊弘 去到20年《法證先鋒IV》,鄭俊弘以全新角色湛霆參演,但甚少對白。
去到20年《法證先鋒IV》,鄭俊弘以全新角色湛霆參演,但甚少對白。 (圖片來源:《法證先鋒IV》宣傳照)
鄭俊弘 39歲的鄭俊弘,第四度參演《法證先鋒》系列,同上輯一樣是鑑證主任,但今輯戲份只去到第7集。 (YouTube@TVB影片截圖)
39歲的鄭俊弘,第四度參演《法證先鋒》系列,同上輯一樣是鑑證主任,但今輯戲份只去到第7集。 (圖片來源:[email protected]影片截圖)

升咗職但end game

到《法證先鋒IV》(20年)鄭俊弘升LV.做科學鑑證主任,角色名亦改為湛霆,仲有朱晨麗做女友,而剛播出最新一輯《法證先鋒V》湛霆這角色亦被保留,劇中是黃宗澤下屬兼徒弟,但不幸地鄭俊弘只出現到第七集,劇情講述因為一次鑑證失誤,他被師傅黃宗澤教訓,自覺好委屈,最後吞食安眠藥自殺身亡。由第一輯演到第五輯,經歷了16個年頭,雖然對白依然不多最後仲死埋,但咁多年都仲有份演,監製總算待他不薄。

鄭俊弘 撈咗咁多年,喊功係基本,鄭俊弘在劇中睇嚟真係好委屈,有冤情。
撈咗咁多年,喊功係基本,鄭俊弘在劇中睇嚟真係好委屈,有冤情。(圖片來源:劇集影片截圖)

鄭俊弘:第4、5輯角色分別好大

鄭俊弘受訪時透露原來首兩天開工,便要拍攝與黃宗澤海邊真情剖白戲,幸好二人順利過關:「第一、二日開工已經要拍情緒戲,當時我同Bosco都未係好熟,未有嗰種信任同關係,但導演就猛話:『你得嘅!』好彩最後都OK,Bosco非常之好,佢嘅功力令拍攝非常舒服,大家都知道做感情戲個對手好緊要。呢個角色喺第四同第五輯嘅分別好大,希望帶到新鮮感畀觀眾。」

鄭俊弘又謂很開心能挑戰自己一口氣拍攝這麼多Heavy場口:「我好享受準備演呢啲戲嘅過程,係辛苦同唔好受,但作為演員我係鍾意嘅。最主要嘅準備功夫都係心情,例如下晝拍唔開心嘅戲,咁就要成朝都要Keep住唔開心,要不斷嘗試代入角色嘅心情,雖然好多都係憑空想像,但都會處於一個好唔開心嘅狀態,感覺係辛苦嘅。」

鄭俊弘 咁大個人畀師傅黃宗澤鬧到喊?唔係啩?
咁大個人畀師傅黃宗澤鬧到喊?唔係啩?(圖片來源:劇集影片截圖)

高鈞賢害鄭俊弘自殺!

前香港先生冠軍38歲高鈞賢再次回歸TVB劇集,早前客串《白色強人2》獲讚演技超班,今次出演《法證先鋒5》角色亦非常有份量,飾演一個不擇手段的高級化驗師,與奸角謝東閔為兩兄弟,不但陷害鄭俊弘仲畏罪潛逃,今次戲份絕對有好大的發揮!

即睇《法證先鋒5》最新劇情及角色介紹

《法證先鋒5》高鈞賢飾演高級化驗師張Sir(張世熙),與黃宗澤為同級,在一次搜證中陷害鄭俊弘,鄭俊弘過於自責而跳海輕生。高鈞賢畏罪潛逃至越南,於第11集會假扮遭遇車禍身亡,再於第19集回香港幫助親弟謝東閔毀屍滅跡,而背後原因是為得到親弟捐助骨髓,治好自己的急性白血病。

鄭俊弘 高鈞賢 法證先鋒5 法證先鋒V
高鈞賢飾演高級化驗師,劇中奸角之一(圖片來源:TVB提供《法證先鋒V》劇照)
鄭俊弘 高鈞賢 法證先鋒5
與黃宗澤為同級,在一次搜證中陷害鄭俊弘後,逃逸至越南(圖片來源:TVB提供《法證先鋒5》劇照)
鄭俊弘 高鈞賢 法證先鋒5
與黃宗澤為同級,在一次搜證中陷害鄭俊弘後,逃逸至越南(圖片來源:TVB提供《法證先鋒5》劇照)

第6集劇情講到高鈞賢在搜證過程中銷毀證據,並製造虛假證據陷害鄭俊弘,富太被殺案中的犯人陳少邦出獄後對法證部提告,鄭俊弘最終過於自責承受不了壓力,選擇坐船出海輕生。

鄭俊弘 高鈞賢 法證先鋒5
(圖片來源:TVB提供《法證先鋒5》劇照)

鄭俊弘死得好委屈

在第7集尾一時睇唔開自殺死的鄭俊弘,原來是在二次搜證時遭化驗師高鈞賢陷害,黃宗澤為此愧疚不已,更在第8集為鄭俊弘平反,替其上訴得直。

鄭俊弘 鄭俊弘呢輯有不少內心戲。
鄭俊弘呢輯有不少內心戲。(圖片來源:劇集影片截圖)
鄭俊弘 第7集就要同鄭俊弘講BYE BYE喇!
第7集就要同鄭俊弘講BYE BYE喇!(圖片來源:劇集影片截圖)

法證先鋒1 | 鄭俊弘奮鬥16年 由無自信法證技術員做起……

14年客串《老表,你好hea!》被寸乜水

拍劇撈極唔起角色對白仲愈來愈削的鄭俊弘,其實8年前曾以真名客串《老表,你好hea!》,劇中一幕講述他上門搵王菀之,開門的鍾景輝笑指佢個樣咁奸是鄭子誠,而郭晉安就話唔知佢係乜水。39歲的鄭俊弘入行多年經歷都唔少,當年Hurt完一個又一個,最後娶何雁詩成為6億女婿,已經夠傳奇,雖然撈極都係閒角,但觀眾依家起碼都噏得出佢個名啩!

鄭俊弘 鄭俊弘曾在《表姐,你好hea!》客串做番自己鄭俊弘。
鄭俊弘曾在《表姐,你好hea!》客串做番自己鄭俊弘。(圖片來源:TVB影片截圖)
鄭俊弘 鍾景輝猛話唔知佢係乜水。
鍾景輝猛話唔知佢係乜水。(圖片來源:TVB影片截圖)
鄭俊弘 鍾景輝轉身開屋中的郭晉安與羅蘭知唔知鄭俊弘係乜水,大家都話唔識佢。
鍾景輝轉身開屋中的郭晉安與羅蘭知唔知鄭俊弘係乜水,大家都話唔識佢。(圖片來源:TVB影片截圖)
鄭俊弘 鄭俊弘和何雁詩於2020年結婚,並在今年6月誕下囝囝取名Asher Douglas Cheng,事近年事業運麻麻不過家庭生活美滿。
鄭俊弘和何雁詩於2020年結婚,並在今年6月誕下囝囝取名Asher Douglas Cheng,事近年事業運麻麻不過家庭生活美滿。(圖片來源:[email protected]

相關文章:鄭俊弘當年被封賤男

鄭俊弘(Fred)早年被爆有有米未婚妻Beebs,拍拖3年,但仍然不知足偷嗒何雁詩,令形象盡毀。之後Fred與何雁詩於機場高調拖手,默認兩人戀人關係。而男方曾接受傳媒訪問時指,兩人純屬朋友關係。但於機場中,Fred承認之前講大話,刻意誤導傳媒,被網民封為「僞人」、「賤男」。

鄭俊弘 17439299_400923626942309_8909633643773689856_n_162980374858e477b0a91b0
(圖片來源:新傳媒資料庫)

戀情不被看好 遭瘋狂批評

何雁詩當年跟Fred一同出埠拍攝無綫節目《這個冬天不太冷》,朝夕相對下擦出愛火,又主唱劇集《我瞞結婚了》主題曲〈真心真意〉,拍MV時更打情罵俏。何雁詩被指是介入Fred和其未婚妻的小三,雖被爆出偷食事件,Fred卻多番維護何雁詩,在機場中指何雁詩並非小三,而兩段感情沒有重疊,更指自己處理前段感情低調,即使是何雁詩亦不知道其未婚妻的存在。雖然於機場中十指緊扣公開戀情,何雁詩更加以甜蜜笑容示人,但係網民對這段戀情並不看好!

鄭俊弘 132
被爆出偷食事件,Fred多番維護何雁詩(圖片來源:東方新地)
鄭俊弘 55
Fred在機場中指何雁詩並非小三(圖片來源:東方新地)

前女友姜麗文 放手放開所有

Fred 2001年入行,但寂寂無聞。直至2012年《星夢傳奇》才名聲大噪。後來被曝在未成名前與秦沛囡囡姜麗文發展地下情逾6年,姜麗文一直默默支持Fred 。可惜《星夢》之後,Fred開始走紅,賤男格漸現,索性飛起姜麗文,同衆多女明星傳過緋聞,如蔡思貝、吳若希甚至係苗僑偉(三哥)個大女苗彤,真係「食家」。

鄭俊弘 JPL
Fred曾與姜麗文拍拖。(圖片來源:東方新地)

Fred被爆背著未婚妻Beebs偷㗳何雁詩之後,前女友姜麗文於instagram貼出一張英國畫家Banksy的作品,圖中可見,小女孩戀戀不捨地把手上的紅色心型汽球放走,並寫道:「mentally and emotionally exhausted.」意思係精神上和情感上都消耗殆盡。唔知係咪因爲仲對Fred念念不忘而影響到心情,暗示自己覺得好攰,要放手呢?

鄭俊弘 lesley
姜麗文於ig貼出一張英國畫家Banksy的作品,並寫道:「mentally and emotionally exhausted.」意思係精神上和情感上都消耗殆盡。(圖片來源:[email protected]

姜麗文哥哥暗諷 :「狗男女」

姜麗文哥哥姜文杰曾公開講過姜麗文因爲同Fred戀情告終受到好大傷害,似乎為妹妹感到不值。他亦於instagram貼出《整蠱專家》的電影截圖,字幕寫有:「好,一對狗男女」。而姜文杰就打上「my my.. what a voluptuous pair.. 」的字句,hashtag「#熱烈地彈琴熱烈地唱」、「#DKLMCFH」同「#花生」,先前見到細妹因爲Fred受傷害,再見到Fred 抱著燙手山芋,陷入形象危機,似乎感到心涼,留言中亦有不少網民同意姜麗文哥哥。

鄭俊弘 54
姜麗文哥哥姜文杰曾公開講過姜麗文因爲同Fred戀情告終受到好大傷害(圖片來源:[email protected]

常見問題

《法證先鋒5》原定男女主角另有其人?

今輯故事除了其中一則案件承接第四輯結尾留下的懸點,保留鄭俊弘和楊梓菁所飾演的角色外,其餘內容與前四輯無關。角色班底更大洗牌,黃宗澤及蔡潔原來只係頂上,原定男女主角為⋯⋯詳見:黃宗澤戲少似客串

《新四十二章》被閣置?

原定《新四十二章》接檔《下流上車族》,無綫卻臨時變陣抽起改抽《法證先鋒5》,最新消息指《新四十二章》將會起死回生,暫定於⋯⋯詳見:龔嘉欣狙擊蔡思貝爭視后

撰文:東方新地圖片來源:[email protected]、TVB影片截圖、[email protected]、新傳媒資料庫

讀者留言