泰國萬國小姐

泰國萬國小姐選舉造型爆趣 網民:比時裝騷更好睇!

今屆泰國萬國小姐(Miss Grand Thailand)於本月中經已完滿結束,但今次想講嘅唔係各位佳麗有幾靚,而係當晚除泳裝、晚裝、才藝表演及問答等傳統環節外,各佳麗還要穿着具地方色彩的服飾,有佳麗化身「美人魚」、「冬陰公」、「恐龍」以及「風箏」等登台,認真搶眼又搞鬼!

撰文:東方新地|圖片:Instagram

泰國萬國小姐選舉

世界各地嘅選美活動都陸繼舉行,而今屆泰國萬國小姐(Miss Grand Thailand)最吸睛兼引人熱議嘅係特色服裝環節!各位佳麗著起具地方色彩嘅服飾登台,結果就成為全晚焦點及話題所在!事不宜遲,依家即刻同大家一齊睇下有幾特別啦!

ครอบครัวแกรนด์แสนจะอบอุ่นครับ

A post shared by MissGrandThailand (@missgrandthailand) on

十個最搶眼爆趣造型:

各佳麗決賽當晚穿上代表自己府縣的特色服裝進行比賽,最引人注意的是唔少佳麗的造型都非常令人難忘!例如呢位身穿「冬陰公」裝嘅「洛坤府」小姐一手拎匙一手拎青擰,仲要喺台上邊行邊擠青檸,真係少啲力都擠唔到汁出嚟!

呢位佳麗就孭住個巨型風爭出場,唔知大風啲嘅話,位佳麗飛唔飛得起呢 ?

而「孔敬府」小姐則由於想突顯當地發現恐龍化石,於是上演真人版馴龍記,騎住恐龍登場!夠哂搶眼!

至於呢位佳麗,除咗身上龍舟非常色彩鮮艷外,原來仲會沖奶茶,相信該府縣嘅泰國人應該每個都沖得一手好奶茶!

呢位佳麗一身金光閃閃,又拎割禾刀,又拎稻,仲要有幾隻雀鳥作造型配襯,都幾靚!但見佳麗手舞足蹈咁拎住把刀行,小心變飛刀…

睇到呢位佳麗紅紅綠綠嘅打扮,加支長棍,令小編對「泰式美學」表示佩服!

上屆最佳服裝獎

據知,上屆嘅特色服裝環節中,就由尖竹汶府佳麗扮成「榴槤」造型成功突圍,得到最佳服裝獎!

察娜潘賽後於個人社交網上載跪喺父母面前嘅相,並留言:「終於能夠報答親恩,我們有家了,還有車,爸媽不用再這麼辛苦了!」

今屆泰國萬國小姐五強

望番今屆五強佳麗,位位都五官標緻,輪廓分明,加上笑容親切,真係幾靚!