洪欣

傳老公張丹峰搭上經理人 洪欣:她和老公的所有東西我都清楚⋯

最新娛聞

廣告

46歲洪欣同37歲老公張丹峰結婚9年,一向予人恩愛形象,但近日有傳張丹峰背妻偷食,搭上經理人畢瀅,事源洪欣早前於微博上載一家人跟經理人的合照,網民發現畢瀅站姿傾向張丹峰,猜測二人關係非比尋常,情況隨即發掘過往二人的「親密」互動,並詳列五大「出軌疑點」,擔心事件隨時變成「王寶強婚變」翻版,勸洪欣小心!傳聞愈傳愈烈,洪欣同畢瀅隨即喺微博發聲明澄清,其中洪欣表示好清楚老公同畢瀅嘅所有事,話佢哋關係好似家人咁,叫大家放心!

撰文:東方新地 | 圖片:新傳媒圖片、畢瀅微博洪欣微博 張丹峰微博

傳洪欣老公張丹峰 偷食經理人

就係呢張相,經理人畢瀅早前貼咗張同洪欣一家三口及朋友去迪士尼的合照,雖然洪欣有翹實張丹峰的手,但網民話畢瀅手拖對方女兒張晞彤嘅小手,又微微向張丹峰嗰邊向挨住,話佢哋一家三口多啲。

私下慶生

結果網友開始懷疑畢瀅,紛紛喺經理人、張丹峰過往嘅帖子找尋疑點,捕風捉影,結果搵咗所謂嘅「五大疑點」!首先,有網民發現張丹峰曾私下為她慶祝生日,而且二人經常形影不離,行為異常親密!

第二,有網友發現畢瀅及張丹峰的疑戴情侶戒指!

暗地傳情講「我愛你」?

第三,網民發現她同一日內,上載完張丹峰微博破「520」萬粉絲嘅截圖,之後又上載一張「520」字樣單據,疑曖昧向張丹峰示愛「520(普通話諧音我愛你)」。

第四,畢瀅合照時經常站在張丹峰身邊,甚至一齊拿着心心氣球。

第五,有人發覺二人經常穿同款服飾,猶如「情侶裝」!

畢瀅澄清反擊

消息一出,畢瀅隨即在微博寫下長文逐點反擊,佢話指大部分都是張丹峰及洪欣所贈,無所謂的情侶裝,至於「情侶戒」她說:「戒指我戴了好多年,峰哥的戒指是欣姐給他買的,品牌樣子完全不一樣。」至於情侶錶,她解釋錄影節目期間,會幫張丹峰保管手錶,而工作人員通常都會將保管物戴上身,因這樣才不容易弄掉或刮花。她又指一般合照時會讓藝人企中間,旁邊的人自然會往中間靠,而她亦疼錫對方女兒,才拖住囡囡的小手;心心氣球則只是場地派發!

 

洪欣 發聲明澄清

那邊廂身為正印的洪欣亦力撐老公沒有出軌,也大讚「小三」是名可靠的人:

《原振俠》同黎明演夫妻

有指洪欣90年獲陳欣健推薦而入行,拍過電影及電視,但星途平平,最為人熟悉係佢有份主演《原振俠》,飾演黎明嘅老婆,套劇嘅女主角仲有大美人李嘉欣、王菲、朱茵等!

張丹峰 視繼子如己出

張丹峰同洪欣雖然係姐弟戀,但婚前婚後都好恩愛,當日佢哋結婚,蔡少芬、蒙嘉慧做姊妹團成員!

張丹峰 視繼子如己出

二人結婚9年,育有一女張晞彤,張丹峰更視繼子張鎬濂(Ashley)如己出, 對他十分愛護。17歲嘅Ashley今年5月中學畢業,張丹峰在社交網貼上一家三口的合照,相中穿上畢業袍的Ashley已經高過父母,洪欣及張丹峰更向愛子送吻,祝賀他中學畢業。

洪欣同張丹峰常常在社交網大晒與兒子及女兒一家四口的合照,兩人又經常應邀上內地綜藝錄影節目。

張丹峰同洪欣各有各忙,但洪欣不時會返內地探老公班,兩夫妻更約定每一年至少去一至兩次二人旅行,放下一對孩子去拍拖,好sweet咁!

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

讀者留言