洪永城唐詩詠分手 袁偉豪驚爆：我好開心！

內文:東方新地

嘉賓愛爆料

袁偉豪（Ben）、周柏豪主持的無綫節目《兩個小生去Camping》，幾乎每集都有嘉賓爆料，相當有驚喜，一班嘉賓亦冇交行貨，日前播出的第六集，便請來陳山聰、洪永城（Tony）作客，洪永城大談與袁偉豪相識經過，Tony指自己與對方合拍劇集《載得有情人》結緣。

四人約會

而與前度唐詩詠拍《載》劇撻着的Tony，更自爆當年曾經在將軍澳某餐廳「四人約會」！翻查時間，當時袁偉豪仍與岑杏賢拍拖，「四人約會」應該就是洪永城、唐詩詠加埋袁偉豪、岑杏賢呢一對。

袁偉豪：「佢唔啱你！」

然後當Ben大讚Tony窩心，話試過有一次「唔開心」，Tony立即短訊問候，叫他「堅強啲！」，勢估唔到Tony聞言即好認真咁話：「我分手，你又唔send 畀我？」

誰知Ben下一句相當之爆：「我好開心！因為我知道（佢）唔啱你！」搞到Tony笑到「四萬咁口」，唔通真係講中晒！

之後仲話覺得對方唔啱佢，講到咁煞有介事！睇嚟阿Ben真係想拆唐詩詠「絕種好女友」招牌喎！