唐詩詠洪永城feature

洪永城撻著長腿模特兒 前度唐詩詠開口回應

早日傳出藝人洪永城撻著有「長腿冰女」之稱的30歲模特兒梁諾妍,雖然主角們一度備受關注,然而有傳媒訪問洪永城前度唐詩詠(Natalie)的看法,Natalie對於前男友有新歡表示……

撰文:東方新地 |圖片:Instagram

唐詩詠回應洪永城戀情

洪永城(Tony)與唐詩詠(Natalie)分手一年半,早前有傳媒拍到洪永城偷嗒長腿Model梁諾妍,身為前度的Natalie都極受關注。被問到舊愛有沒有向她透露與Model撻著,Natalie表示:「唔多講喇!不過我都祝佢開心,希望佢開心!」有「最佳女朋友」之稱的Natalie果然大方得體!

Tony被爆出秘撻新女後,Natalie在IG上都依舊像平日發布生活照,看來心情沒有太大影響,希望詩詠可以早日找到真正幸福!

洪永城被爆秘撻「長腿冰女」

洪永城被傳媒影到同「長腿冰女」模特兒梁諾妍來往。舊年被影到同前女友唐詩詠約會,疑似復合,當時Tony一直講想搵個新嘅女友,估唔到年幾後終於「出Pool」喇!

有傳媒影到Tony同30歲模特兒梁諾妍喺男方寓所共度春宵後離開,不過梁諾妍八月時都仲話自己有個拍咗拖兩年嘅北京男朋友,唔知係雙方和平分手後先接受Tony,定係Tony介入戀情呢?當傳媒問到Tony女方有無男朋友時,佢就話:「佢應該無,以我所知。」仲叫大家畀啲空間佢。

可能大家對梁諾妍呢個名覺得好陌生,其實佢係香港全職模特兒,兼職跑步同健身教練。中學畢業後就去咗多倫多讀大學,返到香港後就正式入行。而家仲係連詩雅夜跑隊員兼鄧麗欣排球隊成員添!

睇得出佢好鍾意做運動,IG上基乎8成嘅相都同運動有關!據知Tony係參加長跑活動時認識對方。

問到Tony呢個女仔有咩好,Tony笑到見牙唔見眼話佢嘅優點多到一、兩個鐘都講唔晒!

大家又覺得Tony嘅新女朋友靚唔靚先?小編就覺得運動型得嚟又有啲文青feel。

與洪永城分手 唐詩詠含淚回應

詩詠去年出席TVB新劇《棟仁的時光》造型及拜神儀式,被追問與洪永城的感情狀況,佢堅持沒有多講,只係一直重複兩人需要更多時間,有共識會喺適當時候先公布。不過講吓講吓,詩詠對眼就愈來愈紅,眼泛淚光,不斷努力擠出苦笑… 冇問題就奇啦!

承認受感情困擾

詩詠出席《不懂撒嬌的女人》宣傳活動,再次被追問感情事,佢首先向大家講聲唔好意思,因為自己唔太識得處理感情事,令到大家有誤會。而感情係兩個人的事,需要尊重雙方,同時需要時間處理,所以希望大家俾空間佢哋。外界估計佢一係結婚一係分手?詩詠回答:「唔講啦,我寧願一次過講。」但佢就點頭承認呢件事令佢好困擾,並希望短期內可以解決。

婚期有分歧 和平分手

詩詠與洪永城拍拖兩年多,兩人都已屆適婚年齡,尤其詩詠已經36歲,心急想結婚亦無可厚非。但消息指33歲的洪永城仍然未定性,更自認「冇本事」養老婆,最後兩人在婚期上未能達成共識,更因此經常有爭拗,所以最終決定和平分手!

不過詩詠與洪永城「分」後再見亦是朋友,佢哋已經向無綫備案,亦希望之後有機會一齊交代呢件事。詩詠早前承認受感情困擾,話佢哋兩人需要多啲時間,並會喺適當時間同大家公布,如無意外就係分手一事了……

「不能錯過的女友」情路坎坷

人美心善身材更好的 唐詩詠 ,被喻為「不能錯過的女友」,可惜在愛情路上屢受創傷,被前男友余文樂、崔建邦背棄出賣,令佢對愛情缺乏安全感。早年詩詠同洪永城拍劇互生好感,花了近半年時間觀察期始接受對方追求,但執到寶的洪永城未有好好珍惜,拍拖期間被爆跟前度藕斷絲連,又多次跟同劇拍檔傳緋聞,不過詩詠一一投以信任一票。

《不懂撒嬌的女人》中,詩詠與王浩信願意暫時放下婚姻的枷鎖,好好享受愛情,可惜劇集情節未有發生在詩詠與洪永城身上……

唐詩詠被封為「最佳女朋友」、「不能錯過的女友」

唐詩詠被外界形容為「最佳女朋友」、「不能錯過的女友」,原因係佢入行以來戀聞不多,初出道拍港台劇集《Y2K》跟余文樂撻着,但呢段戀情很快結束,之後詩詠同崔建邦拍咗9年拖,兩人屢次分手又復合;崔建邦身邊有第三者或陷入低潮時,詩詠都係不離不棄。最後崔建邦承認有新歡,二人九年情才結束!

唐詩詠
洪永城於無綫《萬千星輝頒獎典禮2015》奪得「飛躍進步男藝員」,獎項由黃翠如公布,洪永城從緋聞女友唐詩詠手上接過獎項。
唐詩詠
二人還公開來個抱抱,可惜此情不再!

唐詩詠兜路避洪永城

馬國明、洪永城、唐詩詠、黃心穎、黃智雯藝員參加無綫電視台「big big channel」記者會。早前唐詩詠被網民指經常借舊愛洪永城宣傳,詩詠表明不想再提及前度洪永城,以免被網民指她借對方造新聞,詩詠更兜路行,也不肯與前度合照。

唐詩詠
唐詩詠表明不想再提及前度洪永城,以免被網民指她借對方造新聞,詩詠更兜路行,也不肯與前度合照。

另邊廂的洪永城則表示與詩詠碰面不是想像中尷尬,亦不知道傳媒要求一齊做訪問,戲言大家愈想看他的反應,他愈是不給大家看。之後他認真說其實自己沒所謂,記者問他可否與詩詠合照?他說無問題,但詩詠兜路行不肯合照。

一直有做甜點生意的唐詩詠表示這幾年來都有好些朋友問她劇裡的服裝和手袋等是什麼品牌之類的問題,讓她覺得確實有很多人關注演員的服飾,令她對做服裝生意也開始感興趣:「也許可以試下和品牌合作,設計一些包包和服裝。」,而快生日的她自曝當天還在工作,問到可有追求者替她慶生?她則表示:「這個問題昨天我的朋友也問了,可是真的沒有人約。」。

唐詩詠日前在社交網分享生活點滴,網友竟突然「踩場」留言:「唐姨唔好再煲新聞喇!」唐詩詠霸氣秒回:「新聞冇得自己煲」,隨即揭開戰幔!該網友繼續狙擊詩詠:「呢幾個月有意無意提起洪仔,居心叵測。」唐詩詠隨即回覆:「係記者問定自己提你都分唔到,呢段對話可以唔使繼續。have a good day」明顯想就此終結話題。點知網友繼續提出「證據」,指她宣傳劇集《棟仁的時光》時透露感情路暫時未見曙光,又指會用男友生日日期做手機密碼,認為她刻意將話題牽扯到感情事上。唐詩詠對此作出最後回覆:「珍惜那些相信你,鼓勵你,看見你價值的人,因為他們讓你更加相信你自己。同時也要理解與包容那些否定你,挑剔你的人,因為他們會令你更加堅強。」

唐詩詠
唐詩詠日前在社交網分享生活點滴,被網友指佢消費舊愛洪永城!

詩詠唔介意被叫「唐姨」

談到有網民批評詩詠經常借舊愛洪永城宣傳,她留言反擊,不過就表示自己沒有嬲,並謂:「我不嬲都鍾意喺網上同人交流,因為佢哋有時會畀到啲好嘅意見我。(有冇唔開心?)畀人誤會都會唔舒服,但呢個世界總有人唔明白你,所以我都要包容一啲誤解我嘅人。」詩詠又補充自己一直都沒有提及舊愛,希望大家亦不要再說。至於最近遭網民稱呼她做「唐姨」,她笑說:「我個侄女成日都叫我姨姨,雖然我係姑姑,如果大家想親切啲都可以咁嗌我!」

唐詩詠
談到有網民批評唐詩詠經常借舊愛洪永城宣傳,她留言反擊,不過就表示自己沒有嬲!

洪永城變貪靚城

忙啲咩?早排記者至撞正唐詩詠唔使拍劇時一個人做Gym、幫鋪頭搬貨、一個人巡蛋糕店,冇咗男朋友搖身一變女漢子。至於洪永城,冇咗女朋友喺身邊,竟然係貪靚啲喎!拍完微電影《愛情沒有來的時候》、《丫鬟大聯盟》又煞科,近來拍緊《多功能老婆》做第三男主角,戲份唔算多,休息時間變多,難得可以抖吓行吓街,日前洪永城就一個人走咗去兩層高化妝品旗艦店幫自己入吓貨。睇夠買完仲有下場,校啱時間一出化妝品店就有朋友車去到門口等上車。唔通有新歡?錯,同性嚟架!

洪永城

話晒榮升大台小生,貪靚扮靚是必須的,所以有假放就嗱嗱聲去咗兩層高大型化妝品店慢慢補貨。

洪永城

原來行街只係攝時間,打電話係叫定朋友出車接,校啱時間唔使五分鐘就有車坐。

洪永城

洪永城

過去一年劇接劇無停過嘅洪永城,近來比較優閒,仲去朋友屋企house warming打邊爐㖭﹗

近來洪永城拍緊《多功能老婆》,做第三男主角!

洪永城發癲一幕激似卡通角色

眼尖的巴打指出《大帥哥》和《Keroro軍曹》,在角色的名字、性格以及背景上都極其相似。張衛健四名部下和軍曹的四名部下作對比,他們名字的發音確實是有些相似,就連洪永城都喺自己ig都上載咗對比圖!

 

在第六集中,馬炭(洪永城飾)眼見章沅婉被(蔡思貝飾)被麥先根(彭懷安飾)暴打,直接爆發,在大叫之後衝上前救人。

洪永城喺情緒爆發前,對眼展露紅筋,就連大嗌都同卡通《Keroro軍曹》嘅Tamama一模一樣!

之後手指中槍後更是獸性大發,取出匕首,刺死麥先根,其怨恨瘋狂的神情就像Tamama發狂的時候,即便旁人也難以阻止。

洪永城就像Tamama 一樣擁有雙重人格,遇到某種特定的事情就會發狂!

大帥哥, 洪永城, Keroro, Tamama, TVB大帥哥, 洪永城, Keroro, Tamama, TVB

由於喺卡通片中,Tamama 曾經取代過隊長Keroro,所以唔知將來的劇情會不會出現洪永城取代張衛健成為大帥的情況呢?

大帥哥, 洪永城, Keroro, Tamama, TVB