洪永城

洪永城北京賺奶粉錢3個月終回家 9個月大囡囡唔認得爸爸嚇到喊

最新娛聞

廣告

洪永城早前飛北京拍攝新劇《香港人在北京》長達3個月,跟太太梁諾妍和愛女Amber分隔兩地,平日只能靠視像電話見面。昨日洪永城終於返港,一返到屋企同9個月大的囡囡Amber見面,一心以為有種隔世重逢的父女相擁畫面,沒想到Amber竟然唔認得爸爸,全程爆喊,洪永城眼泛淚光一臉無奈!

囡囡Amber竟然唔認得爸爸,全程爆喊,洪永城一臉無奈!
囡囡Amber竟然唔認得爸爸,全程爆喊,洪永城一臉無奈!(圖片來源:[email protected]_leong)

洪永城伸手抱 囡囡擰頭喪喊

梁諾妍昨晚上載IG的影片中,記錄父女重逢一刻,洪永城甫回家向囡囡Amber打招呼,但Amber一臉懵懂,似乎不認得面前的是誰,然後洪永城摸摸她的手仔,Amber即時縮手,當洪永城再伸手欲抱抱時,Amber即擰頭兼爆喊,完全認不得爸爸。洪永城非常傷心掩面扮喊,梁諾妍都忍不住說:「死喇!真係唔認得!」即使梁諾妍抱着Amber,見到爸爸照樣喊到歇斯底里。

洪永城三個月沒回家,甫入屋向囡囡Amber打招呼。
洪永城三個月沒回家,甫入屋向囡囡Amber打招呼。(圖片來源:[email protected]_leong)
Amber一臉懵懂,似乎不認得面前的洪永城是誰。
Amber一臉懵懂,似乎不認得面前的洪永城是誰。(圖片來源:[email protected]_leong)
當洪永城伸手欲抱抱時,Amber即擰頭兼爆喊。
當洪永城伸手欲抱抱時,Amber即擰頭兼爆喊。(圖片來源:[email protected]_leong)

「洪爸一見到洪寶眼有淚光」

梁諾妍笑稱女兒就算是陌生人抱抱也不會怕,但竟然怕咗爸爸。15分鐘後,洪永城再接再厲同女兒Amber手指尖掂手指尖,循序漸進。梁諾妍留言:「爸爸?古怪叔叔?洪寶傻傻分不清。期待了呢個畫面好耐,3個月後終於見返,究竟係爸爸想念到哭定係洪寶認唔出到哭?睇片睇真相,最後仲話自己要扮外國人做咩事?#其實我望到洪爸一見到洪寶眼有淚光 #一定想念到哭啦 #利申洪寶唔怕陌生人的 #welcomehomepapa」。

洪永城非常傷心掩面扮喊,梁諾妍爆笑安慰他。
洪永城非常傷心掩面扮喊,梁諾妍爆笑安慰他。(圖片來源:[email protected]_leong)
15分鐘後,洪永城再接再厲同女兒Amber手指尖掂手指尖。
15分鐘後,洪永城再接再厲同女兒Amber手指尖掂手指尖。(圖片來源:[email protected]_leong)
洪永城 梁諾妍留言:「爸爸?古怪叔叔?洪寶傻傻分不清。」
梁諾妍留言:「爸爸?古怪叔叔?洪寶傻傻分不清。」(圖片來源:[email protected]_leong)

李佳芯:陰公,但好好笑!

洪永城的好友紛紛留言大讚場面搞笑又可憐,李佳芯:「陰公,但好好笑!」吳日言:「爸爸好傷心!」陳敏之:「真係好似好陌生,陰公豬!」同是「爸爸級」的楊潮凱、區永權表示深切同情,楊潮凱說:「我明!我完全明白,我試過!」區永權形容這是「爸爸最痛」。幸好洪家愛犬Molly認得洪永城,興奮撲上主人心口。而今早洪永城再陪Amber玩,她終於肯畀爸爸抱抱嘞!

今早,洪永城再陪Amber玩,她終於肯讓爸爸抱抱嘞!
今早,洪永城再陪Amber玩,她終於肯讓爸爸抱抱嘞!(圖片來源:[email protected]_leong)
幸好洪家愛犬Molly認得洪永城,興奮撲上主人心口。
幸好洪家愛犬Molly認得洪永城,興奮撲上主人心口。(圖片來源:[email protected]_leong)

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

撰文:東方新地圖片來源:[email protected]_leong

讀者留言