洪永城

洪永城北漂隔空鬧老婆唔識湊囡被圍攻 梁諾妍急補鑊發文護夫

最新娛聞

廣告

洪永城和梁諾妍(Inez)在去年奉子成婚,誕下女兒後,三人一直過著幸福美滿的生活。日前兩人亦趁結婚一週年,在IG發文慶祝,內容超級肉麻!惟近日有報道指北上拍攝節目的洪永城隔空鬧梁諾妍唔識湊囡,搞到囡囡因塵螨搞到皮膚敏感。報道一出令洪永城被圍攻,指他不懂得體諒太太。眼見老公被網民狂插,梁諾妍立即發文為老公澄清平反。

洪永城鬧老婆唔識湊囡被圍攻

兩人去年奉女成婚,婚後的洪永城密密飛內地工作,令照顧女兒的重擔都落在Inez身上。近日便有報道指Inez在港台節目《醫生搞邊科》中大爆囡囡近日因為塵螨皮膚敏感,搞到面部同雙眼都出現紅腫。令到她十分心痛:「嗰晚佢瞓到半夜,突然佢喺度狂喊,見到佢對眼腫到擘唔開,成塊面都係又紅又腫,嗰一刻個心都跌咗出嚟!」。原來Amber本來就有皮膚敏感的問題,十分容易受到環境衛生和塵蟎影響。就醫後,醫生亦有提供了一些藥膏給她使用,可幸好Amber用完效果良好,皮膚紅腫情況得到好轉。

洪永城 洪永城鬧老婆唔識湊囡被圍攻
洪永城鬧老婆唔識湊囡被圍攻(圖片來源:IG@inez_leong)

洪永城大罵老婆疏忽捱轟

據聞身在內地工作洪永城得悉後,馬上緊張大罵Inez疏忽,並且要求Inez每日拍照更新女兒最新情況。報道出街後,大部分網民留言圍攻洪永城,怒指雖然理解洪永城愛女心切的心情,但大發雷霆大罵太太的行為依然是不恰當,而且認為他不夠體諒孤身照顧女兒的太太。不過很多媽媽級網民不滿洪永城的態度:「怪老婆做乜?佢想㗎?照顧囡囡果(嗰)個係媽咪,媽咪仲心痛」、「咁緊張就自己湊嘛!」、「做佢老婆真係陰功」、「媽媽咁辛苦湊B比佢責備?咁交俾洪永城湊啦,一定湊得好」、「嫁錯系列」。亦有網民批評洪永城不在女兒身邊,幫不到手卻要求多多:「佢老婆要照顧個女仲要影相招呼埋佢幫唔到手仲施壓」、「通常呢,好就自己功勞,有咩事就怪人哋」、「洪生好成功咁辣興(焫㷫)哂成班媽媽 、恭喜哂」

洪永城 囡囡因為塵螨,搞到面+眼睛都紅腫
囡囡因為塵螨,搞到面+眼睛都紅腫(圖片來源:IG@inez_leong)
洪永城 Inez更新IG,表示寶寶已經冇事!
Inez更新IG,表示寶寶已經冇事!(圖片來源:IG@inez_leong)

梁諾妍見狀急急補鑊連發三post護夫

Inez見狀立刻連發三post護夫,她表示自己並沒有說過洪永城有責罵自己,洪永城跟自己一樣緊張小孩的情況,想與她一同解決問題。她更表示有洪永城的提點才令自己更加安心。隨後又出post補充:「佢都冇責備我疏忽,更加冇大發雷霆,多謝洪永城一直陪伴我解決問題。利申︰佢一直都係一個理性+脾氣好的人。多謝大家關心,洪寶寶好快已經冇事啦!我日日都出洪寶story大家都睇得出,right?」 她亦表示別人誤會自己沒所謂,但是誤會洪永城的話,她一定要站出來為他平反!

洪永城 Inez表示洪永城的提點反而令自己安心
Inez表示洪永城的提點反而令自己安心(圖片來源:IG@inez_leong)
洪永城 連環發post為老公解釋
連環發post為老公解釋(圖片來源:IG@inez_leong)
洪永城 Inez表示洪永城一直做得好好,要為此好爸爸平反
Inez表示洪永城一直做得好好,要為此好爸爸平反(圖片來源:IG@inez_leong)

結婚周年紀念 IG隔空慶祝超肉麻

近日在內地拍攝新劇的洪永城,在IG隔空慶祝結婚一周年紀念。洪永城上傳了一張太太和女兒的溫馨合照,並留言道:「你是天使下凡嗎?你嘅好,唔單只係你性格好,而係你管理呢頭家,所有都處理恰到好處,令到我哋有一個好開心嘅家。多謝你呢位天使嚟到呢個家。結婚一周年快樂。 @inez_leong 既然你管理得咁好,之後頭家都交俾你喇。」

洪永城 近日在內地拍攝新劇的洪永城,在IG上傳了一張兩母女的合照,隔空慶祝結婚一周年紀念
近日在內地拍攝新劇的洪永城,在IG上傳了一張兩母女的合照,隔空慶祝結婚一周年紀念(圖片來源:IG@guruhung)
洪永城 洪永城大讚老婆是天使
洪永城大讚老婆是天使(圖片來源:IG@guruhung)
洪永城 梁諾妍
(圖片來源:IG@guruhung )

太太梁諾妍亦同樣在IG發文慶祝,不但上傳了兩人婚禮時候的甜蜜合照,留言內文仲要超級肉麻:「我知道因為我嘅大頭蝦,你變咗個緊張大師,我都知道我嘅大情大性。你無時無刻都會提點我,同我分擔工作上生活上所有種種,由拍拖、到結婚、到家裏多咗兩位小公主Molly同洪寶寶,你對我哋嘅好,我全部都接收晒。聽說過人一生遇到真愛嘅機率係30萬分之一,感激我遇到30萬分之一嘅你,感激路上有你相伴一起同行到老。」

洪永城 Inez亦上傳了兩人婚禮的照片,慶祝結婚一週年
Inez亦上傳了兩人婚禮的照片,慶祝結婚一週年(圖片來源:IG@inez_leong)
洪永城 IG內容超肉麻
IG內容超肉麻(圖片來源:IG@inez_leong)
洪永城 洪永城仲超識做,隔空送上鮮花,慶祝結婚一週年
洪永城仲超識做,隔空送上鮮花,慶祝結婚一週年(圖片來源:IG@guruhung)

洪永城與梁諾妍雙喜臨門 自稱想做爸爸好耐

洪永城(Tony)與梁諾妍(Inez)於去年7月11日結婚,及後Tony亦開心宣佈太太已經身懷六甲,二人幸福美滿,一起執子之手,與子偕老。Tony在接受訪問時,開心表示未來除了希望做個好老公外,都想做個好爸爸。被問到是否「一擊即中」?Tony笑言:「我諗六、七擊啩,其實都想做爸爸好耐,係時候組織一個家庭!」

洪永城 洪永城與梁諾妍於去年拉埋天窗,雙喜臨門!
洪永城與梁諾妍於去年拉埋天窗,雙喜臨門!(圖片來源:IG@inez_leong)
洪永城 洪永城自稱想做爸爸好耐
洪永城自稱想做爸爸好耐(圖片來源:IG@guruhung)

婚禮超豪華 光婚紗已價值過百萬

一對新人於下午接受傳媒訪問,新郎哥Tony 一身禮服,出自德國品牌BOSS「Create Your Look」系列,以初剪羊毛精製,真絲衣領增添典雅氣質;幸福新娘子Inez則身穿一件如仙女般的,由著名婚紗店Le Soleil贊助的Neta Dover白色拖尾婚紗,裙身佈滿立體花點綴,而珠寶方面更戴上由景福珠寶贊助的鑽飾,總共約31卡,價值約120萬,亮麗非常。

洪永城
(圖片來源:IG@inez_leong)
洪永城
(圖片來源:IG@inez_leong)
洪永城
(圖片來源:IG@inez_leong)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:IG@inez_leong、IG@guruhung