洪永城

洪永城宣布Amber已出世 太太梁諾妍爆產女過程超痛苦:宮頸都唔肯開

最新娛聞

廣告

洪永城(Tony)今年6月宣布與梁諾妍(Inez)結婚,7月舉行婚禮時Inez已懷孕4個月,囡囡Amber原來日前已經出咗世喇!

撰文:東方新地|圖片:[email protected][email protected]_leong

洪永城 一家三口首張合照!
一家三口首張合照!(圖片來源:[email protected]

「嘩,好似爸爸呀!」

洪永城今日(23/12)於IG宣布囡囡Amber已經在荃灣港安醫院出世,重6.2磅,仲代囡囡發聲:

想同大家打個招呼,我在荃灣港安出世,我一出世,姐姐同叔叔就話「嘩,好似爸爸呀!」跟住我望望爸爸媽媽,我有唔開心,因為我想似媽媽多少少,媽媽好靚。
我知道媽媽痛了十四小時,催生了兩次,都開唔到宮頸,但係佢堅持到最後一刻,我聽到佢每2分鐘就痛一次,我仲聽到爸爸話隻手就斷,媽媽好偉大。
多謝張智醫生哥哥、Ruby 姐姐同呢度所有的護士姐姐, 你哋好有愛,好照顧我,我會快高長大、孝順同好乖,會照顧媽媽,帶歡樂俾大家….哈哈,至於爸爸,我好肚餓,可唔可以快去搵奶粉錢呀。

同洪永城餅印樣!
同洪永城餅印樣!(圖片來源:[email protected]

太太Inez分享誕女過程:宮頸都唔肯開

而Inez亦有在IG透露,原來囡囡在12月19日已經出世,佢都讚阿女似老公洪永城,仲分享咗佢辛苦嘅生產過程:

由於催生藥幫助唔到我開宮頸
痛咗十幾個鐘迫到羊水都穿埋
宮頸都唔肯開
醫生話避免寶寶危險要開刀
最後母女平安寶寶很健康
寶寶出生後就即刻喊
連我都跟住大喊咗出嚟
見到洪寶寶平安地出生
什麼痛楚都唔緊要了
一切都很值得♥️

謝謝上天給我們一位小天使
期待我們一家相處的日子♥️

合埋口仲似洪永城!
合埋口仲似洪永城!(圖片來源:[email protected]_leong)

洪永城老婆為產女停跑

其實洪永城老婆梁諾妍(Inez)自懷孕後一直keep住做運動,跑步、行山、游水同瑜伽等全部做齊,雖然被外界指犯禁,但Inez一於少理,繼續做個冇時停的準媽媽。在Inez陀B約8個月時,由於個肚愈來愈大,後孕期出現的不適症狀亦隨之而來,Inez終於在社交網宣布因為恥骨痛要停跑待產。

洪永城 準人母梁諾妍終於肯停跑。
準人母梁諾妍終於肯停跑。(圖片來源:[email protected]_leong)
洪永城 Inez在社交網表示因恥骨受壓,是時間讓對腳休息。
Inez在社交網表示因恥骨受壓,是時間讓對腳休息,所以她稱之為「休腳」。(圖片來源:[email protected]_leong)
洪永城 Inez因為恥骨受壓唔可以再跑步,有網民與她在社交網交流,坦言恥骨受壓嗰種痛真係好難忘,Inez亦身同感受,仲話感到恥骨分離。
Inez因為恥骨受壓唔可以再跑步,有網民與她在社交網交流,坦言恥骨受壓嗰種痛真係好難忘,Inez亦身同感受,仲話感到恥骨分離。(圖片來源:[email protected]_leong)

洪永城為圓老婆心願跑全馬

Inez肯停下來,其實都係迫不得已,能夠令老公洪永城愛上跑步,甚至參加馬拉松,一直是Inez的心願。早前Inez陪住洪永城參加Boston Virtual Marathon,本來諗住夫妻同心一齊衝線,點知個肚太重,再加上恥骨受壓感痛楚,只能跑吓行吓,最後未能完成賽事。不過Inez一樣咁開心,因為老公洪永城終於成就解鎖,完成人生首個馬拉松。

洪永城這日跑畢全馬,Inez遺憾未能與老公一起跑足全程。
洪永城這日跑畢全馬,Inez遺憾未能與老公一起跑足全程。(圖片來源:[email protected]_leong)
洪永城 Inez為老公完成馬拉松感到開心。
Inez為老公完成馬拉松感到開心。(圖片來源:[email protected]_leong)

以輕量運動代替跑步

唔跑唔舒服的Inez,以行山、散步代替,近日她就不時帶住愛犬Molly外出,放狗一樣可以係舒展身體的方法。

洪永城 Inez不時在家中做瑜伽,舒緩孕期內的身體不適。
Inez不時在家中做瑜伽,舒緩孕期內的身體不適。(圖片來源:[email protected]_leong)
洪永城 Inez果然專業,她除了親自示範,仲會解答網民的疑難。
Inez果然專業,她除了親自示範,仲會解答網民的疑難。(圖片來源:[email protected]_leong)
洪永城 日前Inez帶愛犬Molly去沙灘游水。
日前Inez帶愛犬Molly去沙灘游水。(圖片來源:[email protected]_leong)
洪永城 Inez仲話會同Molly一齊去散步,keep住有活動。
Inez話會同Molly一齊去散步,keep住有活動。(圖片來源:[email protected]_leong)

洪永城直認湊B好淆

洪永城與梁諾妍結婚同時宣佈有喜,囡囡都出埋世,睇返早前洪永城在社交網上載他和老婆的抱B照,原來兩人正在為朋友照顧一對初生孖B,洪永城直言:「明白嘅,都要實習吓,不過一嚟就打孖上,未免太難啩。三米跳板都未識(指跳水),一嚟就十米高台。」又Hashtag「生孖唔係double係triple嘅工作」、「契仔冇辦法」、「但係邊個先係」。

洪永城 準媽媽Inez抱B的手勢獲網友大讚技巧純熟。
當時仲係準媽媽Inez抱B的手勢獲網友大讚技巧純熟。(圖片來源:洪永城IG)
洪永城 相反Tony抱B時就皺晒眉,仲搞到BB喊晒口咁!
相反洪永城抱B時就皺晒眉,仲搞到BB喊晒口咁!(圖片來源:洪永城IG)

其中一張相見洪永城抱住BB時狂皺眉,被網友取笑他個樣好「淆底」,洪永城回答:「我個心一樣好淆。」之後好友亦有留言叫洪永城下星期再過去幫手湊B,他即斷言拒絕說:「短時間內你唔會再見到我。」有網友笑言洪永城可能都會「打孖上」,他回應:「千祈唔好!」此外有好友提議洪永城要「舉多d鐵」練臂力,不過他就回以「有味」笑料,笑言:「我知道嚟緊冇得舉㗎喇」!

洪永城 Tony指自己個心同個樣一樣好淆。
Tony指自己個心同個樣一樣好淆。(圖片來源:網友留言截圖)
洪永城 Tony指短時間內都唔想再去實習湊B。
洪永城指短時間內都唔想再去實習湊B。(圖片來源:網友留言截圖)
洪永城 對於「打孖上」Tony非常抗拒!
對於「打孖上」洪永城非常抗拒!(圖片來源:網友留言截圖)
洪永城 人哋講緊舉鐵,Tony就話嚟緊冇得舉⋯
人哋講緊舉鐵,洪永城就話嚟緊冇得舉⋯(圖片來源:網友留言截圖)

被指再犯大肚婆禁忌

此外有不少網友溫馨提示洪永城,指孕婦有一個傳統禁忌,就是不能抱其他BB,因為怕腹中BB會小器,對此洪永城只回了三個「O嘴」的emoji。其實早前Inez亦因大住肚跑8K,而被自稱做醫護的網民鬧爆這樣太危險,更有不少網民直指她「攞個肚嚟博」、「咁樣好易小產」、「跑少九個月會死咩?」等等。

洪永城
(圖片來源:網友留言截圖)
洪永城
(圖片來源:網友留言截圖)
洪永城 Inez早前因大住肚長跑8K,而被自稱做醫護的網民鬧爆太危險。
Inez早前因大住肚長跑8K,而被自稱做醫護的網民鬧爆太危險。(圖片來源:[email protected]_leong)

為此Inez特別發千字文解釋自己當了準媽媽後,為了寶寶能夠在肚子裏健康發育成長,已戒生冷食物、戒凍飲、戒咖啡因、戒酒,以及吃藻油DHA葉酸等等,她又認為有做開運動的準媽媽,本身已經有足夠肌肉去support自己身體,她又強力建議準備懷孕的媽媽一定要做多啲運動。她這番言論也獲得不少網民支持,認同只有準媽媽才最清楚自己的身體狀態。

洪永城 Inez解釋指醫生話有跑開步的人懷孕後繼續跑步唔會影響胎兒,仲可以幫助到胎兒健康發展。
Inez解釋指醫生話有跑開步的人懷孕後繼續跑步唔會影響胎兒,仲可以幫助到胎兒健康發展。(圖片來源:[email protected]_leong)

讀者留言