流氓大亨

【流氓大亨重播】 劉嘉玲澄清冇激嬲Do姐 踢爆遲到大王另有其人!

繼《大時代》、《我本善良》後,無綫又喺深夜時段重播另一神劇《流氓大亨》,呢套由萬梓良(萬子)、Do姐鄭裕玲、劉嘉玲、吳啟華、周海媚等主演嘅經典劇,除劇情深入民心外,鏡頭以外嘅是非亦成為一眾視迷八卦嘅焦點,有傳當年仲係新人嘅劉嘉玲,因喺拍攝期間遲到而激嬲咗Do姐,不過兩人已否認,並且爆出真兇係另有其人!

撰文:東方新地

圖片:互聯網、Instagram、東星

劉嘉玲食死貓

神劇《流氓大亨》重播,女主角Do姐近日邀請咗惜日拍檔劉嘉玲上佢嘅電台節目做訪問,二人提到當年拍攝時點滴,坦言當年自己仲係新人嘅劉嘉玲,承認因為劇本太多有時未背熟就埋位,被Do姐發現佢未做足功課就入廠,即被Do姐質問:「你究竟知唔知今場拍咩?」雖然被窒,但劉嘉玲話冇怨過Do姐,仲感激對方嘅教導。對於一直有傳當年劉嘉玲因喺拍攝期間遲到而激嬲Do姐,二人當場否認,仲爆出遲到原兇查實係周海媚!Do姐話當年仲係新人嘅周海媚,遲到成兩個鐘,出名守時嘅Do姐當然嬲爆,於是等海味到場後,Do姐就話要去飲茶,最終要海味等番佢兩個鐘。

劉嘉玲
《流氓大亨》故事講述萬子飾演嘅方謹昌,周旋於劉嘉玲和鄭裕玲兩女之間嘅三角關係。
劉嘉玲
Do姐同劉嘉玲早前喺電台節目澄清《流氓大亨》不和傳聞,Do姐話遲到激嬲佢嘅人唔係劉嘉玲而係周海媚。

《流氓大亨》經典場面

《流氓大亨》有唔少經典場面,最爆一幕當然係大結局時萬梓良對劇中昏迷嘅Do姐表白足足7分鐘,之後激動大叫「so what」非常震撼。肉緊嘅萬子邊喊邊講對白,尤其嗰行鼻涕最令人深刻,連星爺周星馳喺電影《喜劇之王》中都有重演呢幕!

《流氓大亨》於1986年首播,編審係《大時代》監製韋家輝,而編導就係《天與地》監製戚其義,信心保證。
《流氓大亨》於1986年首播,編審係《大時代》監製韋家輝,而編導就係《天與地》監製戚其義,信心保證。
《流氓大亨》以徐小鳳主唱嘅〈婚紗背後〉作為插曲,當年播到街知巷聞。
劉嘉玲
《流氓大亨》大結局以萬子對劇中昏迷嘅Do姐深情表白,萬子更激動大叫「so what!」,然後Do姐流下一滴淚作結,成經典場面。

萬子堅打吳啟華

另有一幕講述萬子出手打吳啟華,為求逼真,萬子事前並冇同吳啟華商量會真打,極度投入嘅萬子仲即席加插拎起個垃圾桶擲向對方,被真打嘅吳啟華事後堅嬲,最終萬子自掏腰包送古董表畀吳啟華賠罪。

劉嘉玲
吳啟華飾演萬子失散多年嘅親細佬,為人見利忘義又玩弄周海媚飾嘅感情,最終令對方跳樓自殺。
劉嘉玲
當年仲係新人嘅周海媚開工遲到兩個鐘,令Do姐嬲爆,最終Do姐故意話去飲茶要海味等番佢兩個鐘。

延伸閱讀:

高海寧性感回歸 重溫超經典「象鼻頂胸」