《晚吹》成日有各行各業人士上去爆料，上一集搵空姐爆航空界秘聞，嚇到唔少人睇完驚到唔敢搭飛機咁滯！尋晚節目請咗殯儀界人士做嘉賓，有死人化妝師、俗稱「行街」的sales同埋負責儀式主持的堂倌。幾位嘉賓入行年資有長有短，但竟然全部都冇遇過靈異事件，反而爆咗唔少呢行鮮為人知的內幕！

其他文章

周太只有一個 洗米嫂Heidi風騷晒正印氣質

「贏在射精前」港媽大控訴

收費海鮮價

幫人做喪禮統籌，究竟點樣決定收幾錢？答案原來係海鮮價！資深「行街」話收費視乎客人情況，如果有客人好慘、冇乜錢搞後事，就會收平少少；遇上名人富豪，收1、200萬係基本價！唔講唔知，原來仲有綜援價$13,940，係政府幫綜援家庭俾㗎！

花露水辟味

有時遇上多日未被發現的屍體或浮屍，點搞呢？堂倌話會用花露水或香薰辟味，但如果臭得太緊要，就唔會幫屍體化妝，直接蓋棺封膠紙，連瞻養遺容儀式都跳過！

迴避防失手

至於點解蓋棺或落葬時要家屬迴避擰轉面，原來並唔係因為生肖相沖，嘉賓爆料話係為免落葬時失手被家屬見到，先刻意叫對方唔好望！另外蓋棺時若果屍體的手腳凸出棺木，負責人會將屍體夾硬塞入去！

全文完