李美慧

《深宮計》宮女李美慧 被爆大肚趕嫁富商|繼女環保送BB衫

06年落選港姐李美慧 (原名李斯庭) 近日喺《宮心計2深宮計》做宮女人氣急升,佢早前自爆已入紙登記結婚,將於下月閃嫁拍拖半年、比佢大25歲嘅富商曾文豪。日前佢同一班《深宮計》演員出席宣傳活動,被馬浚偉踢爆「粗身大細」、雙喜臨門,而佢繼女曾昭怡更直認早知道繼母有喜!

撰文:東方新地|圖片:新傳媒圖片庫、李美慧IG

李美慧 感動爆喊

活動中馬浚偉代表劇組向李美慧送上鮮花恭賀佢下月結婚,仲送上全部演員簽名賀卡,令李美慧即場感動爆喊,馬浚偉更表示:「美慧係個好女仔,喺橫店拍嘢撞見流浪狗,佢會捉佢哋去睇醫生、沖涼,之後又返去睇小狗!」但當一班演員開始玩遊戲時,馬浚偉忽然爆響口:「你粗身大細呀!小心啲!」洩露李美慧雙喜臨門!

李美慧

李美慧

問到李美慧係咪有喜,佢就話:「唔講得住!」至於婚後係咪要等生完B休息一年先再做嘢?佢話會睇自己到時嘅身體狀況先決定。

李美慧
李美慧穿著鬆身衫、平底鞋出席活動,孕味勁濃。

繼女曾昭儀環保轉贈BB衫

而李美慧嘅未來繼女曾昭儀日前出席活動,就直認早知李美慧有喜,亦有心理準備再做家姐,育有一女嘅佢直言會同繼母分享湊女經,以及建議對方食維他命增強營養,更表示:「到時我都會畀啲小朋友衫BB著,床方面都會借畀佢哋,環保啲,唔好浪費!」

李美慧
李美慧早前和曾文豪到不丹、喜瑪拉雅山影婚照,曾文豪大女曾昭怡 (右) 和二女曾昭亮都有同行幫忙打點一切,可見跟繼母關係良好。

李美慧 細未婚夫25歲

31歲嘅李美慧下月就正式嫁畀大佢25年、已故百億富豪曾紀華二房長子曾文豪,會先喺淺水灣酒店搞結婚派對,7月會到法國尼斯再擺酒。

李美慧
日前出席《宮中計2深宮計》宣傳,立即成為焦點,李美慧亦大方分享下月準人妻的心情,又大讚未婚夫一百分、為人成熟夠細心。

李美慧同未婚夫上個月仲去咗不丹、喜馬拉雅山影婚照㖭。李美慧透露同未婚年係朋友介紹認識,拍咗半年拖左右就決定訂終身。

李美慧

李美慧同未婚年嘅細女曾昭亮同年,未婚夫大女曾昭怡比佢更大一年,睇佢啲相就知一早融入家中,而兩個繼女亦有陪同一齊去不丹影婚照,相信都好接受呢個繼母!

李美慧

李美慧

李美慧
李美慧和曾文豪到不丹、喜瑪拉雅山影婚照,未婚夫錫住佢全程坐直升機,而不惜豪花近百萬。

李美慧

李美慧

李美慧 曾演多套電視劇

現年31歲的李美慧,真名李斯庭,於2006年曾參選港姐,可惜三甲不入。其後加入無綫藝員訓練班,曾做過遊戲節目《一擲千金》的千金小姐,又擔任TVB8主持《娛樂最前綫》,曾參演過多套電視劇,但最為人認識的是於《少年四大名捕》中飾演馬國明的妹妹、《宮心計》等。

李美慧
李美慧在《深宮計》飾演太平公主 (陳煒飾) 的近身侍婢秦槐。
李美慧
預告見到《深宮計》中陳煒下場淒慘,被賜毒酒吐血亡,飾演宮女的李美慧全程陪伴在旁。

李美慧忘年戀開花結果

據消息指,31歲的李美慧已入紙登記結婚,其老公除了比她年紀大25年外,原來更是曾叱咤商界的百億富豪曾紀華二房長子、56歲富商曾文豪。

2015年,曾文豪嫁女相。

大讚男方夠成熟

李美慧回應傳媒訪問時,她透露將於6月在淺水灣舉行婚禮。而當被問到男方有何吸引之處時,她就指對方是個成熟型暖男,對她及其屋企人亦很好。當時被問到會否生小朋友,她則說:「都會努力造人,男女冇所謂,因為佢都已經有仔女。」

婚後繼續工作

而婚後會否繼續拍劇?她說:「都會客串吓拍劇,同埋做有關動物嘅義工,又會想搞生意但未計劃,到時老公一定會幫手,不過我都會諗清楚都,唔想蝕佢本。」

李美慧有客串吓拍劇。

曾文豪有女又有孫

據了解,曾文豪年前已離婚,而他亦已有兩名女兒曾昭怡(Alison)及曾昭亮(Natalie),亦都已經做咗人爺爺,兩名女兒同樣活躍於社交圈。

曾昭怡
曾昭亮