劉心悠

【深宮計】公主上位 無綫力捧 37歲劉心悠做阿佘接班人

相隔9年、經典宮廷劇《宮心計》推出第二輯《深宮計》,話就話背景有別、陣容全新,不過心水清劇迷都睇得出,由外援劉心悠演出之女主角元玥由婢女變公主、性格善良無私堅毅不屈,同9年前佘詩曼角色「劉三好」如出一轍,爭在未日日掛住「說好話、做好事、存好心」口頭禪在口邊而已!

據悉,小青姐出馬邀拍劇、樂小姐爭簽做邵氏自己人,都係因為貪心悠BB純過蒸餾水、形象好到加零一, 一心要用同一條方程式打造心悠變佘詩曼接班人!

撰文:東方新地|圖片:新傳媒圖片庫、劉心悠IG梅小青微博

劉心悠 十三年零緋聞

港姐出身、拍劇起家,佘詩曼捱足廿年電視台奠定視后及花旦位置後,即離巢轉攻影壇;當家花旦接連出走、後起小花又未成氣候,電視台積極尋找外援接班人是常識吧!拍足一年、耗巨資兼金牌監製梅小青回巢監製重頭劇《宮心計2深宮計》就一反無綫傳統,大量起用外援擔當要角,畀足視迷新鮮感之餘,一班電視「新」人亦都不負重望演出稱職又搶眼,尤其係形象pure又true、入屋話咁易的心悠BB。

劉心悠
人品好所以人緣好,陪伴左右的經理人從星皓時代服務至今,繼續感情要好密密斟,可見心悠為人重感情又易相處。

05年入行即以電影為主,當年以新人姿態出演《阿嫂》第一女主角時,心悠已經因為純情又有仙氣矚目港台影圈;打響頭炮不難,難在入行十三年都零緋聞零醜聞貫徹始終,純品形象深入民心。據知情人士透露,11年拍完內地劇《步步驚心》紅遍華人圈,事業心重心悠已經認為拍劇過足戲癮食過翻尋味:「心悠想挑戰自己講廣東話拍香港電視劇,其實TVB早喺12年都已經搵佢傾合作,不過真係電影期霸晒無時間,結果一推再推。前年小青姐回巢籌備《深宮計》最早嗰批演員就係聯絡心悠,《深宮計》未出街,樂小姐都已經搵定心悠再傾合作。心悠啱啱簽咗邵氏、《深宮計》出街元玥個角色又真係拍得住當年劉三好個,嚟緊TVB大把計劃捧硬心悠!」有樣有氣質和有演技觀眾緣,劉心悠做佘詩曼接班人,冇人有異議!

劉心悠

一日走兩場

跑完上場屈就在保母車上換衫,再為無綫錄影特備宣傳活動,形象討好、角色又度身訂造,所以「元玥」一現身,真係三歲到八十歲都愛她,立即被市民重重圍住。

劉心悠

第一次拍無綫劇,一如高層同小青姐所願角色討好極速入屋,心悠近日亦都盡責為劇集宣傳,日前連代言餅店亦食住《深宮計》勢為產品搞活動。

劉心悠

人氣爆棚心悠嚟到,連老牌餅店代言人曾志偉都要淪為間場、畀心悠做壓軸,品牌高層大合照時一樣只掛住同心悠咬耳仔。

劉心悠

餅印上位之路

後宮劇七國咁亂勾心鬥角人人鬥歹毒,惟有心悠飾演的元玥出污泥而不染、心地善良堅毅不屈,角色完全是當年《宮心計》劉三好翻版,仲要一樣由平民宮女捱到上位,更時來運轉做埋公主!

《宮心計》女史
《深宮計》女史
《宮心計》司珍
劉心悠
《深宮計》近身侍女
《宮心計》元昭皇后
劉心悠
《深宮計》玲瓏公主

監製至愛

據悉小青姐12年離巢北上時已經一心想和心悠合作,等到16年回巢籌拍《深宮計》,又係親自出馬游說心悠。

劉心悠

交遊廣闊小青姐個人微博帳戶一年來以心悠出鏡率最高,可見心悠幾得金牌監製歡心。

劉心悠

有人緣

小花拍劇是非、緋聞實有一樣中,不過心悠就唔止監製錫,同劇其他演員亦關係極佳,繼續保持零是非零緋聞紀錄。

劉心悠

夠勤力

入行多年個個同心悠合作過的導演監製都對她讚不絕口,事實上為套戲勤練廣東話又閉關練劍,心悠工作態度亦十三年如一日冇得彈!

劉心悠

劉心悠3字尾索過後生女!保養有術 全靠⋯⋯

劉心悠在《深宮計》堅持用廣東話拍劇,努力值得欣賞。劇中心悠飾演宮婢元玥,為尋找胞姊而入宮,期間更助若芊 (黃心穎飾) 脫罪,因此若芊獲釋後對元玥心懷感激,二人姊妹情更篤。

不少網友話37歲嘅劉心悠拼埋29歲黃心穎身邊,一啲都冇輸蝕!

劉心悠

元玥之後更為玲瓏公主,仲會同蕭正楠飾演嘅龍武軍隊長何離有感情線!

湯水很重要 做女仔唔可以懶

Keep得咁好,心悠話阿媽嘅愛心老火湯功不可沒,另外仲要多運動、勤保養:「有句說話係『做女仔唔可以懶』,我好認同㗎!女仔唔識補會好易老,不過我就識點樣令自己保持年輕,例如做瑜伽、跑馬拉松,因為可以令新陳代謝好啲,至於皮膚方面,我都好注重,仲好勤力𠻹,由卸粧、敷Mask,由內到外去保養。」

劉心悠

劉心悠

保養肌膚 三管齊下

心悠指保養肌膚一定要由內到外:「飲食、運動、睡眠,要三方面一齊做,特別係我成日拍戲,好多時都休息唔夠,就好易有細紋、鬆弛等等嘅肌膚衰老問題。」

劉心悠
劉心悠剪了一頭短髪,形象清爽,唔知大家喜歡佢長髪定短髮多啲?!

劉心悠

卸妝的重要性

心悠又提醒大家徹底卸妝好重要:「我知道好多女仔會花好多時間嚟化妝,但卸妝就馬馬虎虎,我甚至見過朋友只係用濕紙巾抹面就當卸咗妝!其實如果唔徹底卸妝,最後會令皮膚變差,點化妝都唔好睇!」

劉心悠

出道14年

在台灣出生的劉心悠﹐原名劉平凡,04年出道,首個公開活動係出席皮鞋品牌,唔經唔覺已經出道了14年,但歲月催人似乎在她身上未有發生!

初出道拍《阿嫂》

睇番04年佢處女拍電影《阿嫂》,夥拍同經理人公司嘅師姐林嘉欣、羅仲謙,心悠獲提名金像獎「最佳新演員」獎。

劉心悠

劉心悠

05年時24歲嘅心悠BB皮膚白滑笑容甜美,又pure又true。

劉心悠

劉心悠

素顏見得人

心悠BB經常素顏及淡妝示人,但人靚加上皮膚好,依然見得人,真係令不少女生羨慕!

劉心悠

劉心悠

馬拉松常客

心悠12年來堅持練跑,幾乎每年都會參加渣打馬拉松,已是資深跑者,佢仲勤練瑜伽,努力keep住健美身形。

劉心悠

劉心悠

2015年心悠同周柏豪拍電影《小姐誘心》,著上水手服上演制服誘惑,令觀眾留下深刻印象。

劉心悠

劉心悠

一直蛻變中

現已37歲的劉心悠說自己一直在蛻變中,只係步伐比較慢:「我覺得好多事,要到達某個人生境界先做得到,好似性感、裸露,依家我仲未接受到,但二十年前我唔能夠接受嘅露背、高踭鞋,依家我已經著得好舒服!」

劉心悠

劉心悠

心悠保養得宜,而且入行多年都零緋聞,難怪多年來護膚品牌一直搵佢任代言人啦!見到佢真係要講句「我要健康,我要消脂」~