深宮計

【深宮計】結局篇死得人多 黃心穎周秀娜先後慘死

最新娛聞

廣告

《宮心計2 深宮計》今個星期就大結局,早前王皇后(胡定欣飾) 千方百計加害鄭純熙(周秀娜飾),終奸計得逞令對方小產!不過結局篇情節又點會咁簡單,接下來會講到被皇后重擊的甘若芊(黃心穎飾) 最終傷重離世,而純熙向皇后報復不成,反而自己吐血身亡…

撰文:東方新地|圖片:微博、劇照、網上截圖|資料來源 :TVB

《深宮計》前文提要:

甘若芊生辰將至

《深宮計》早前劇情講到,甘若芊(黃心穎飾)生辰將至,佢得知愛人任三恕已經準備好如何為自己慶祝,當然心花怒放!生辰當日, 若芊到御花園採花,心情靚到不得了,順道騷少少事業線俾大家睇~

期間皇后的家令及茗風(林子超飾) 出現,本來若芊都不以為意,誰不知…

意外偷聽皇后陰謀

誰不知兩人竟然喺度討論如何於純熙的糕點做手腳,令佢於一年之內都唔能夠再懷孕!就算係皇后的人,都無理由喺大庭廣眾討論呢啲事吧…

講吓講吓,仲講埋之前皇后如何計劃喺藏書閣燒死純熙、以及想陷害純熙及任三恕犯下淫亂之罪等事,若芊聽到當然大驚!

跟住又又又係老套情節,若芊因為撞到嘢發出聲音而被發現,欲急急腳逃走,但被皇后家令及茗風截住!

皇后石頭重擊若芊後腦

茗芊轉身欲逃,點知似乎被一神秘人攔住,臉上亦露出極驚恐情神情,原來係皇后出現在面前!

身處深宮,知得愈多就愈危險,若芊想逃走之際被皇后用石頭重擊後腦,血花四濺!

若芊昏迷不醒

受重創的若芊大難不死,不過一直昏迷不醒,任三恕守候在其身邊,望愛人可以早日蘇醒。

《深宮計》結局篇死得人多

接下來劇情將會愈來愈緊張,愈來愈令人心酸!從呢個畫面,見到任三恕一副欲哭無淚的樣子,而元玥則是已哭成淚人,所以大家都知道…

若芊昏迷多日後離世

若芊昏迷多日後最終離世,元玥、純熙及任三恕都傷心不已,眾人無不回憶起與若芊過去的快樂時光,實在係令人心酸的情節…

純熙向皇帝「攤牌」不果

自己接二連三被皇后逼害,腹中胎兒不保、好姊妹若芊慘死,純熙實在忍無可忍,前去向李隆基(馬浚偉) 「攤牌」,要求對方將皇后治罪,甚至要求廢黜自己昭儀的身份出宮。

李隆基為保帝位息事寧人

可惜此時李隆基已得知何離(蕭正楠飾) 為前皇后的遺孤,大有可能影響自己的帝位, 而且朝野動盪、太平公主(陳煒飾)又一直虎視眈眈,所以竟要求純熙息事寧人,暫唔好將皇后治罪!純熙眼見對方為保帝位不分是非黑白、不顧已逝去的胎兒,頓時心死,決定用自己方法報復!

純熙決與皇后同歸於盡

慘劇接二連三、李隆基又不願出面,純熙決定自己替天行道!佢假以道歉為名,邀請皇后跟自己對酒,其實係想同對方雙雙飲下毒酒同歸於盡!

不過陰險的皇后又點會輕易中計?佢早料到純熙的計劃,見到純熙飲下毒酒後,其實暗中將毒酒倒去!

結果大家都料到,最後只有純熙一人中毒吐血!

呢個時候皇后奸相盡現,對瀕死的純熙一一講出自己之前的所作所為,要對方死不瞑目!「想同本宮同歸於盡?簡直係妄想!」

為了令成件事更完美,皇后喺純熙倒下後,自己都飲了幾滴毒酒,令自己同樣有中毒迹象,搏取李隆基信任,令對方以為係純熙害人終害己!

純熙飲毒酒身亡

先係若芊被打死、依家又到純熙「攬炒」不成,中毒身亡,深宮真係好恐怖… 唔知大結局前仲會有幾多人死?

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

讀者留言