深宮計

【深宮計】「南宮司設」鍾意買磚頭保值|康華 那些年性感索爆圖輯

康華在熱播中的《宮心計2深宮計》飾演「南宮司設」,獲網友爆like!雖然一直只做配角,但原來康華投資有道,早期中港兩邊走,搵埋唔少人仔,亦買落唔少磚頭,喺12年就曾購入兩個荃灣朗逸峯單位打通,市值超過2,300萬,日前更有消息指康華連續兩日去睇新豪宅盤,同現場職員密密斟,其實一啲都唔出奇,皆因早年本刊多次拍影到佢平時唔開工都去睇樓做功課!

其實康華早在她出初出道時期行小性感,工作都博盡唔錫身,她多次應本刊邀請做專訪及影性感靚相,即使多年來未曾做過主角,她密密接JOB登台拍劇,山大斬埋有柴,買吓樓投資絕對不足為奇,話佢係娛圈小富婆都好合理!

撰文:東方新地|圖片:新傳媒圖片庫、康華微博

深宮計 演「南宮司設」

康華在TVB期間長期演出反派女配角,雖然未曾擔任女主角,但多次演出青樓女子、奸妃的她反而更深入民心。最近她正於熱播中《宮心計2深宮計》飾演「南宮司設」,是四個司設中最冇機心、和善的一個!

康華

康華
康華在《深宮計》中同飾演內侍嘅韋家雄有感情線。

康華:做定功課

康華一向愛買磚頭,早年本刊就曾影到她秘密去睇大埔道豪宅爾登華庭,康華直言平時一有時間都會去睇吓啲新樓盤,做定功課:「咁多年嚟,都係覺得買磚頭穩陣啲!」有指今次康華睇中嘅樓盤係清水灣傲瀧,早前王浩信就以3,300萬買入千呎單位送贈母親。

康華
康華早年曾被本刊影到獨自駕車到大埔爾登華庭,落車後馬上致電經紀。
康華
「齋講」梗係比唔上睇咁實際啦!康華即刻跟住經紀連睇幾個單位。
康華
康華仲連日睇樓,同經紀密斟。
康華
康華睇完馬上打電話問意見,不過唔係問男友,係問佢阿哥!

康華性感的那些年⋯⋯

康華不知不覺已46歲,當年她出身於香港演藝學院舞蹈系,因為參選1994年香港小姐而加入TVB,多年來她拍過不少劇集,但未嘗過做女主角滋味。儘管如此,每次演出她也恰如其份演好自己的角色!

此外近期最令人印象深刻的角色,是2015年《刀下留人》的萬貴妃。

康華

康華
《刀下留人》

康華雖未有非常標緻的樣子,但擁34C上圍的她身形勻稱,而且康華樣子清秀,更獨有種性感又風情萬種的女性氣質!

康華

康華

康華曾透露身邊有唔少追求者,大部份年紀都細過佢,不過佢一直專注事業同家庭,所以選擇咗放棄愛情。

康華

康華

康華

康華出名係孝順女,為咗照顧患病嘅雙親,要身兼幾份副業,包括教跳舞,仲試過拍劇偷偷地攞多份飯盒,留做下一餐,慳得就慳,慳嚟買磚頭,最終慳出千萬身家!

康華

康華

康華

康華

46歲康華 凍齡秘訣

康華與《深宮計》「一局四司」美魔女結成好朋友,而她們也會交換美容及養生心得,她的保養的秘密全靠多運動,難怪康華一直保持靚絕身形,所以話,女士們要靚冇得偷懶㗎!

400A_CATC_07C