已死嘅計埋有6個，死亡名單仲未完，原來起碼死多5個人⋯⋯不過小編不得不講句，係一個爾虞我詐的宮中，死幾個人又有乜出奇！

撰文：東方新地圖片：TVB截圖、新傳媒圖片、YouTube截圖

《深宮計》死亡名單！

已死：

1)米雪

第1集一開始就講米雪飾演嘅韋后因奪權，而被李隆基與任三恕斬殺於中宗靈前！米雪雖然來得快時亦都走得快，出場好短時間，但令人印象深刻！

2)陸詩韻

陸詩韻以「部頭約」形式演出無綫劇集《深宮計》，她在劇中飾演大王子李天翔嘅老婆宋王妃，佢借勢教訓謝雪心、胡定欣，真係好衰，點知轉頭被太平公主駙馬曾偉權同掌珍關宛珊所誤殺，死狀恐怖！

3)關宛珊

第3集關宛珊(Kimmy)飾演尹采蕎、司珍房掌珍同駙馬曾偉權，錯手殺死咗太子妃陸詩韻。太平公主指使秦槐滅口，秘密毒殺關宛珊！

4)張達倫

因為女史吳翠瑩(袁潔儀飾)當年的口供，導致太平公主的第一任駙馬(張達倫飾)被無辜處死，太平公主好傷心對袁潔儀恨之入骨。

5)袁潔儀

太平公主將司膳房女史吳翠瑩(袁潔儀飾)囚禁20年，虐待至雙目失明及遍體鱗傷，並在額上刺上「舌」字，仲用翠瑩家人嘅生死去威脅佢，可惜原來太平公主一早已把其家人殺清光，最後更迫到袁潔儀吐血身亡。唔知係激到死定咬脷？劇情冇講⋯總之就係要死啦！

袁潔儀吐血身亡，唔知係激到死定咬脷？劇情冇講⋯總之就係要死啦！

6)曾偉權

駙馬張達倫被斬頭，陳煒好傷心，對第二任駙馬曾偉權的感情淡如水，點估到他會心甘情願幫太平公主頂罪，結果仲被斬頭，陳煒想再愛時為時已晚，趕去刑場，只能送上最後的微笑作道別⋯⋯嗚～

陳煒在靈堂上話一定要為死去嘅駙馬報仇⋯⋯

未死！但將會死⋯

7)黃心穎

劇情講女史黃心穎因為龍武軍任三恕(馬國明飾)救過佢而單戀佢，不過喺較早前無綫播出劇集精華片段及拍攝花絮，二人除了有感情戲及接吻場口，而一臉病容的心穎含淚吻別馬明，據知佢最後係病死！

8)蕭正楠

從較早前官方超長預告片中所見，蕭正楠飾演嘅龍武軍何離都會被太平公主嘅近身侍婢秦槐（李美慧飾）刺死⋯⋯

同蕭正楠係一對嘅心悠BB好傷心！

9）陳庭欣

原來套劇仲有陳庭欣！胡定欣飾演嘅太子妃表面正直善良，但當年她不滿繼母設計想讓同父異母嘅妹妹王葭(陳庭欣飾)代替她嫁給李隆基，於是下毒令王葭面部潰爛，最終吊頸身亡，最後定欣成功嫁給李隆基，但也因此常發噩夢見到爛面的王葭找她報仇。

10)韋家雄

據知，飾演公公嘅韋家雄嚟緊係戲入面都走唔甩死嘅命運，佢臨死前向愛慕多年的四司南宮琹(康華飾）道別！

11)「太平公主」陳煒

都冇好下場⋯無綫重頭劇《宮心計2之深宮計》以唐朝為背景，故事從唐玄宗（馬浚偉飾）平定韋后（米雪飾）之亂開始，涵蓋「唐隆之變」及「先天之變」兩個唐朝歷史事件。「太平公主」陳煒同馬浚偉爭權位鬥過你死我活⋯⋯

陳煒起兵奪權，但最終被馬浚偉、馬國明先發制人控制大局！

歷史上「太平公主」被賜死

從無綫的預告片所見，煒哥吐血死，據知佢喺第36集才死, 應該係被賜毒酒⋯⋯

睇番歷史，太平公主見黨羽被誅殺殆盡，不得不逃入佛寺，三日後返回。上皇李旦出面請玄宗恕其死罪，被玄宗拒絕，太平公主最終被賜死家中，其夫武攸暨墳墓也被剷平。