陳煒

【深宮計】變身太平公主過程曝光|陳煒 自己動手畫花鈿

無綫重頭劇《宮心計2深宮計》正在熱播,劇中個個女角造型都非常華麗,尤其係飾演「太平公主」嘅陳煒,古裝造型更充滿霸氣,氣勢力壓眾多妃嬪,而呢啲妝容同髮型背後需要花嘅心機同時間絕對唔少,無綫早前就喺其See See TVB嘅專頁公開陳煒嘅「太平公主育成記」,由煒哥親身上陣,畀大家睇吓佢變身「太平公主」嘅過程!

撰文:東方新地|圖片:See See TVB截圖、陳煒IG

陳煒用盡每分每秒

拍古裝辛苦個個都知,古裝髮型由戴頭套開始,到化好成個妝,真係好考功夫,為咗節省時間,陳煒喺化妝過程中事事親力親為,由零開始化妝set頭,包括畫眼線、搽眼影、補胭脂、印花鈿等都有自己親自動手!期間煒哥仲偷雞攝埋時間醫肚,真正用盡每分每秒!

陳煒

陳煒

喺化妝師幫煒哥黐頭套之時,煒哥善用時間,幾乎自己動手化晒成個妝。

陳煒

陳煒

煒哥自己動手搽眼影,仲畫埋花鈿!

陳煒

陳煒

搽唇彩、補畫髮線,煒哥盡力將自己妝容執到最靚。

陳煒

陳煒

Set頭之時,煒哥仲攝埋時間食個lunch,為免整花個妝,煒哥全程都食得小心翼翼。

陳煒

陳煒

喺努力節省時間下,煒哥透露由化妝、整頭兼食埋個lunch,都只係用咗個半鐘。

陳煒

陳煒

煒哥話成套劇大約拍咗四個幾月,最初佢頂住個超高嘅髮型真係覺得好攰,因為高度限制連普通車都坐唔到,就算想飲啖水都唔容易!

陳煒

陳煒

佢又介紹佢個妝最大特色係堂眉同個花鈿,仲有個髮型上嘅美人啄,令到佢整體造型都充滿霸氣!

陳煒

陳煒

變身「太平公主」有片睇:

拍《深宮計》 冇得拆髻

陳煒仲曾經狂呻拍《深宮計》好辛苦:「臨尾有日我冇嘢入到腦,好想放棄,最高紀錄係幾日冇拆髻,因為想爭取兩粒鐘瞓覺。」

我又頂住個髻出發啦!#宮心計2深宮計 #catwalk show!💃🏻💃🏻💃🏻
Alicechanwai(@alicechanwai)分享的貼文 於 張貼

Alicechanwai(@alicechanwai)分享的貼文 張貼

陳煒下場係⋯

無綫重頭劇《宮心計2之深宮計》以唐朝為背景,故事從唐玄宗(馬浚偉飾)平定韋后(米雪飾)之亂開始,涵蓋「唐隆之變」及「先天之變」兩個唐朝歷史事件。

陳煒
馬浚偉飾演唐玄宗李隆基,聯同姑姑太平公主(陳煒飾)發動政變,以禁軍殺了韋后(米雪飾)、安樂公主,並徹底剿滅韋氏集團。

陳煒 掌摑三司

陳煒同馬浚偉爭權位鬥過你死我活,陳煒對胡定欣仲毫不客氣想摑佢,據知煒哥之後仲會掌摑張慧儀、羅霖、康華呢三司㖭

「太平公主」野心好大,對住阿哥「李旦」李龍基好會演戲,但又暗中指使司膳在李隆基飲食下毒⋯⋯

喺無綫嘅超長預告片中,曾偉權會被押去刑場斬頭,陳煒想趕去刑場,可惜嚟唔切⋯⋯

陳煒在靈堂上話一定要為死去嘅駙馬報仇⋯⋯

陳煒起兵奪權,但最終被馬浚偉、馬國明、蕭正楠先發制人控制大局!

歷史上 太平公主被賜死

從無綫的預告片所見,煒哥吐血死,應該係被賜毒酒⋯⋯

睇番歷史,太平公主見黨羽被誅殺殆盡,不得不逃入佛寺,三日後返回。上皇李旦出面請玄宗恕其死罪,被玄宗拒絕,太平公主最終被賜死家中,其夫武攸暨墳墓也被剷平。

其實睇番煒哥自亞視執笠後,喺無綫劇拍過唔少劇集都好收得,而且網友對佢評價好高,又大讚佢保養得宜超級索!喺《果欄中的江湖大嫂》有成班女演員包括岑麗香、馮盈盈和江嘉敏等,當大家以為上述年輕貌美的小花會成為焦點時,其實44歲女主角「煒哥」陳煒先至係贏盡掌聲嗰個!陳煒在劇中飾演一個過氣的功利小女星,但是在慶生時發現老公外遇,之後回到香港生活,更成為了一個果欄的欄主。

陳煒
陳煒近年開始入屋,唔少後生觀讚佢keep得好!
陳煒 《果欄中的江湖大嫂》劇照
陳煒
陳煒 《果欄中的江湖大嫂》劇照

陳煒 96年亞姐冠軍

入行22年的陳煒,96年未畢業便決定參選亞洲小姐,更勇奪冠軍!之後成為亞視藝員,拍了超過廿部電視劇,當中《我和殭屍有個約會》同扮梅艷芳的《美麗傳說2星願》都非常經典。

唔講唔知,陳煒原來都做過「晶女郎」,06年拍電影《提防老千》更與王晶有超火辣場面!

2012年過檔TVB初期,陳煒繼續行性感,即使唔係做女一都搏到盡,倒奶絕對係家常便飯!

效果都相當震撼!

陳煒那些年噴血寫真

陳煒2001年的寫真照,大家又睇過未?

煒哥2008年同台灣商人顏志行結婚,早年煒哥更跟老公移居泰國、台灣時,不時公開曬恩愛。但呢啲恩愛畫面都已經成過去⋯⋯

因為陳煒承認早在復出拍劇時,經已與老公離婚,直到依家已經離婚6年。不過煒哥就話只係兩人感情出現問題,與第三者無關。

陳煒

陳煒

其實單身又有咩好驚呢?44歲煒哥keep得咁好,人靚身材正,唔愁冇第二春啦!

陳煒

陳煒