港姐有爭議? 雷莊? 封后 伍樂怡大熱倒灶

《2017香港小姐競選》昨晚結束,季軍4號黃瑋琦、亞軍1號何依婷,而冠軍則為5號 雷莊? (Juliette)!不過觀眾對今年港姐似乎多多不滿,先係在節目中不停狂谷Big Big Channel,令整體可觀性大減;另外去到選冠軍及亞軍時,8位評判的投票好「戲劇性」咁以4比4打和,最後變相係由鄭裕玲 (Do姐) 決定 雷莊? 封后,於是大鬧「Do姐話晒事」、「造馬」之聲四起!

星級導師一對一

今年港姐大台有新搞作,由鄭裕玲 (Do姐) 、苗橋偉、草蜢三子及王浩信等10位擔任「美麗大學」導師,一對一教授10位佳麗,並在決賽兼任評判,即係今年港姐三甲就係由佢哋話事。

 

蔡一傑與何依婷

陳百祥與雷莊?

苗橋偉與邱晴

「宿舍」表演 似睇網紅片?

今屆新加入的「Big Big Channel環節」,眾佳麗要留喺「宿舍」中作唔同表演,吸引網民送贈「心心」,其中好似何依婷同張寶欣鬥唱Beyond名曲〈喜歡你〉、伍樂怡彈古箏,仲有邱晴唔知點解直播食蛋糕。呢個環節同過往的才藝表演相差好遠,佳麗基本上冇咩發揮,而觀眾就係望住螢幕好多「心心」彈出嚟,好似睇內地網紅片咁!

泳裝環節失色

之後去到大家每年最期待的泳裝環節,不過大部分佳麗身材都較瘦削,唔算過太有睇頭,好彩有靚樣搭夠!

1號何依婷

 

5號雷莊?

 

6號邱晴

 

8號伍樂怡

 

10號張寶欣

伍樂怡大熱倒灶

經過多輪環節後,10位佳麗淘汰剩五位,再選出三人競逐冠亞季。最終兩位相當受網民歡迎的賽前熱門佳麗、伍樂怡及張寶欣址均名落孫山,其中由初選已經被指甚有冠軍相的伍樂怡竟未能得到任何獎項,可謂大熱倒灶!

Do姐話事!

去到最後冠亞軍戰,8人評審一人一票在雷莊?及何依婷兩人中選出冠軍,不過眾評判就同大台劇一樣,好「戲劇性」咁以4比4打和,所以最後就由身兼「美麗大學校長」的Do姐做最終決定,於是Do姐就宣布5號雷莊?奪冠!「吓?選咗㗎嗱?」小編、觀眾、甚至台上兩位都可能係咁諗……

不過唔理過程係點,選咗就係選咗,季軍4號黃瑋琦、亞軍1號何依婷,而冠軍則為5號 雷莊?!不過相信呢個結果,就唔係觀眾網民就滿意的,仲有唔少人認為冠軍雷莊? 的樣貌不敢恭維……

全文完