港姐2023︱「翻版范冰冰」王敏慈摵甩整容味 金髮Juliana性感烏身險失守
![港姐 王敏慈入圍第三輪面試。](https://imgs.orientalsunday.hk/wp-content/uploads/2023/06/-2023-06-23-10.23.17_1621205386649503646b5d4-1024x576.jpg)
「翻版范冰冰」王敏慈回歸淡妝甩整容味
有「翻版范冰冰」之稱的王敏慈在第一、二輪面試時被批妝太濃整容樣,來到第三輪面試更加一改風格以一身藍色長裙密實到場。為了摵甩整容疑雲,除了早前閨蜜上傳中學合照力證精緻五官純天然之外,今次王敏慈更以淡妝到場,將準備一展看家本領,向傳媒透露:「(會表演)Instrument,古箏(彈咗好耐喇?係啊)」,最後更加向現場傳媒鞠躬致謝,相當得體,不少網民都表示大大加分!
![港姐 妝容淡了,成個氣質出晒嚟!](https://imgs.orientalsunday.hk/wp-content/uploads/2023/06/photo1687487033_17845610464950ff758062.jpeg)
Juliana低胸Top登場險失守
對比起其它高貴優雅、斯斯文文的佳麗,當日一頭金髮的Juliana就以低胸黑色Top登場性感搶鏡,經常於IG大曬背心短褲性感照的她在鏡頭前盡顯「有料」一面,被問到有關當日的衣著時,Juliana說:「係呀,今日著得同以往唔同,可能唔同感覺呢!」不過著得性感都係有風險,Juliana落車烏低身時,服裝明顯有點走位以致瀕臨失守邊緣!
![港姐 Juliana身穿低胸黑色Top現身第三輪面試。](https://imgs.orientalsunday.hk/wp-content/uploads/2023/06/-2023-06-23-10.22.41_208670181864950357667e5-1024x576.jpg)
![港姐 是當日的佳麗中最性感。](https://imgs.orientalsunday.hk/wp-content/uploads/2023/06/photo1687487033-3_4111108126495130dbfa9d.jpeg)
![港姐 相當驚險!](https://imgs.orientalsunday.hk/wp-content/uploads/2023/06/photo1687487033-4_1784781307649513282cd2c.jpeg)
「港版IU」莊子璇港大學霸出身
由首輪面試開始已經被傳媒封為「港版IU」的莊子璇仍然是大熱人選,原本就是霸出身於香港大學修讀營養學的她貫徹大方得體的表演,直接著面試晚禮服登場,雖然有冒險成份,但起碼由到場開始已經以最佳狀態示人,果然清純得嚟又夠可愛!
![港姐 莊子璇入圍第三輪面試。](https://imgs.orientalsunday.hk/wp-content/uploads/2023/06/-2023-06-23-10.22.34_14040745506495034ad9b9f-1024x576.jpg)
點擊睇《香港小姐2023》第三輪面試成功搶鏡的佳麗
黑面港姐Michelle
獲2017年港姐冠軍雷莊𠒇提名而備受關注的Michelle亦成功晉級,第二輪面試時一邊咬住香口膠一邊影相嘅Michelle,今次就笑容滿面,仲話自己特登為面試而做空中瑜伽減肥。今年24歲的Michelle在網上小有名氣,IG有10000多人追蹤,仲經常大派福利公開性感照片大騷傲人身材。
![港姐 Michelle笑容滿面現身第三輪面試。](https://imgs.orientalsunday.hk/wp-content/uploads/2023/06/-2023-06-23-10.23.23_6807031116495037bcbe93-1024x576.jpg)
![港姐 Michelle獲2017年港姐冠軍雷莊𠒇提名而備受關注。](https://imgs.orientalsunday.hk/wp-content/uploads/2023/06/michelle.poa_355161492_9418642298208867_2857700239820306984_n_16697990426493b8dad355c-819x1024.jpg)
![港姐 IG經常上傳性感照派福利。](https://imgs.orientalsunday.hk/wp-content/uploads/2023/06/michelle.poa_319621972_715034629802695_7618578681564677589_n_12446429816493b8d88e4c9-819x1024.jpg)
![港姐 又一身材火辣嘅大熱佳麗。](https://imgs.orientalsunday.hk/wp-content/uploads/2023/06/michelle.poa_305696142_1539083963223408_6812651234961075399_n_13055179146493b8d66ff70-841x1024.jpg)
港姐2023面試︱Lynn 王怡然曾被批評唔識廣東話
來自內地江蘇嘅21歲王怡然Lynn長相甜美可愛,由第一輪面試開始已經被傳媒封為「可愛版阿Sa」。不過來自內地嘅Lynn因為唔識廣東話,而遭受到網民抨擊。Lynn就此於小紅書拍片大方承認自己的確唔識粵語,但好願意去學:「代表香港不懂說粵語,我自己也會有一點心虛,我英文講得也可以,普通話也講得很流利,可以向大家保證,所有可以用廣東話回答的問題都用粵語去回答,雖然有點蹩腳,但我學得很快。」
![港姐 王怡然現身第三輪面試時用廣東話接受傳媒訪問。](https://imgs.orientalsunday.hk/wp-content/uploads/2023/06/-2023-06-23-10.23.01_76690128864950372447b8-1024x576.jpg)