盤點6個韓國練習生出道的香港人 港產韓星唔易做！

黃智雯超齡韓國高中生

黃智雯（Mandy）畢業於香港演藝學院舞蹈及戲劇系，係個真正受過舞蹈專業訓練嘅藝人。在節目《一個因去跳舞》中，Mandy就以36歲之齡到韓國成為練習生，真係少啲勇力、力氣都真係完成唔到呢個任務！

Mandy喺節目中一共去咗SM、JYP、FNC、CUBE與Jellyfish 5間公司進行面試，節目第一集就播出SM、FNC與Jellyfish嘅面試過程，

眾所周知，韓國訓練生制度嚴厲，練習從小訓練多年先會有出道機會，Mandy喺第二集就去到名校翰林演藝藝術高等學校做超齡高中生！

期間，Mandy挑戰自己從未試過的Wacking與Locking，最後又與同學一起跳K-POP，但不停甩Beat跟唔上進度，最後更爆喊話壓力好大！

盤點6個港產韓星

｜王嘉爾

本為香港男子劍擊（佩劍）代表隊隊員、24歲嘅王嘉爾（Jackson）2011年通過JYP公司喺香港嘅選拔，為咗音樂夢想，放棄參加倫敦奧運會，一心去韓國成為旗下練習生！長達兩年半嘅練習生生涯，14年以韓國男團GOT7成員出道，並大受歡迎。

跳得又唱得嘅Jackson於17年宣佈喺中國成立個人工作室，並不時中韓兩邊走之餘，仲要四圍飛出席唔同地方嘅活動！為工作及音樂忙個不停嘅Jackson絕對可以話係個成功嘅港產韓星！

｜莊錠欣

莊錠欣（Elkie）係韓國女團CLC成員之一，本為香港童星，2015年成功成為Cube娛樂海外公開選秀繼而成為練習生。

16年加入已出道韓國女團CLC，上年11月兼出道3年，則成為團內首位成員推出首張個人單曲，加上早前又成為首個拍攝韓劇嘅港人韓星，所以Elkie喺韓國嘅發展都叫唔錯！

｜張羽希

張羽希（Venus）係近年首位於韓國出道嘅跳唱香港藝人，Venus早年簽約韓國 KPOP united唱片公司，並於韓國接受練習生訓練接近4年！

其後與金泰均（Danny）組成中韓組合Forever Love出道，因有荷李活演戲經驗，故有助Venus於韓國演藝圈嘅發展。

｜黃旭熙

中泰混血兒黃旭熙（Lucas）因2015年參加SM娛樂喺香港舉行嘅選秀會，而成為旗下練習生，並於韓國以分隊NCT U成員之一出道，係首位喺SM娛樂出道嘅港人！

NCT成立中國子團WayV，Lucas更喺團體照中企正正中間，明顯備受重視！

｜顏卓靈

顏卓靈（Cherry）憑電影《狂舞派》成名，不過大家可能未必知原來Cherry未成為演員前，原來曾通過JYP娛樂喺香港選秀會！

Cherry當時於選秀會嘅2千人中成功脫穎而出，不過最後拒絕去韓國做練習生嘅機會！