湯寶如

湯寶如接受14歲兒子性向 甘為兒子鍾情盧瀚霆瘋做一件事 獲讚夠開通

最新娛聞

廣告

湯寶如近日接受陳志雲網上頻道《Stephen·傾》訪問,湯記提到為人母照顧專注力不足兒子的過程,明白14歲兒子踏入青春期會有不同好奇,透露兒子偏向喜歡男仔,湯寶如揚言絕不介意兒子鍾意男仔,被主持陳志雲大讚夠開通﹗

文:東方新地|圖:《Stephen·傾》截圖、[email protected]湯寶如KAREN TONG、新傳媒圖片
湯寶如接受陳志雲訪問提到「入五」後追求生活享受,會花更多時間在家庭生活中,笑言兒子已經14歲開始有自己生活,但正值青春反叛期,會特別關注兒子的成長,湯寶如話:「佢呢個年紀正值發育,會對好多嘢好好奇,覺得好神奇,佢同爸爸傾多啲,因為男人先明白﹗」然後湯寶如就話:「 有一日我望到個仔睇AV,咁我問佢係咪好奇?個仔就答我『冇乜嘢﹗男女都睇吓』,佢應該喺迷惘階段。」

湯寶如 50歲湯寶如入行三十年,簽約寶麗金唱片,第一首歌便是同前輩張學友合唱《相思風雨中》﹗
50歲湯寶如入行三十年,簽約寶麗金唱片,第一首歌便是同前輩張學友合唱《相思風雨中》﹗(圖片來源:《Stephen·傾》截圖)
湯寶如 湯寶如大爆兒子本來喜歡姜濤後來轉了盧瀚霆Anson Lo。
湯寶如大爆兒子本來喜歡姜濤後來轉了盧瀚霆Anson Lo。(圖片來源:《Stephen·傾》截圖)

湯寶如唔介意兒子鍾意男仔:當中有愛就OK﹗

陳志雲問湯寶如有否令兒子不再迷惘?湯寶如答:「其實我唔mind個仔嘅性取向,只要話我知鍾意男定女,不過我覺得佢未係好知自己點,哎呀﹗佢好鍾意Mirror嘅Anson Lo(盧瀚霆),反問我『你唔覺得Anson Lo好靚仔咩?』」,陳志雲就問湯記知唔知兒子性向?湯寶如坦白咁答:「我覺得佢偏向鍾意男仔多啲嘅,幾好吖﹗我冇所謂㗎,佢天生係咁就係咁,當中有愛就OK,我唔介意佢鍾意男仔定女仔﹗」陳志雲大讚湯寶如是一個開通媽咪,又大讚湯寶如同兒子以開明方式去傾偈係好事,湯寶如搞笑反問:「乜唔係咁嘅咩?」陳志雲笑問湯寶如:「你個仔介唔介意被你爆佢對性方面好迷惘㗎?」湯寶如秒答:「佢唔介意﹗」

湯寶如 湯寶如指為了唔錯過兒子成長階段,過去不接要出埠的工作﹗現在兒子已14歲﹗
湯寶如指為了唔錯過兒子成長階段,過去不接要出埠的工作﹗現在兒子已14歲﹗(圖片來源:[email protected]湯寶如KAREN TONG)

大爆兒子迷盧瀚霆:為咗個仔食好多老麥雞餐﹗

湯寶如爆兒子鍾情盧瀚霆,之前為了得到盧瀚霆的閃卡,不停食老麥雞餐,食了超過十多餐,湯寶如話:「我個仔連裝住雞嘅食物盒同張墊枱紙都要帶走,我叫佢抺走啲茄汁先﹗」湯寶如指兒子喜歡盧瀚霆外表及歌藝,全屋都是盧瀚霆的周邊商品﹗

湯寶如為兒子瘋狂食老麥雞餐﹗
湯寶如為兒子瘋狂食老麥雞餐﹗(圖片來源:[email protected]
湯寶如透露兒子是天賜禮物﹗
湯寶如透露兒子是天賜禮物﹗(圖片來源:[email protected]湯寶如KAREN TONG)

湯寶如照顧患專注力不足兒子:依家安排到讀國際學校,佢好鍾意返學

湯寶如提到育兒過程最深刻是兒子K3時被診斷患有專注力不足,兒子成功考獲名校St.Joseph,但為了兒子能輕鬆學習,不斷為他報讀國際學校,希望減輕兒子學習及功課上的壓力,可惜都考唔到﹗湯寶如話:「試過四、五年班個仔考得好差,我問佢點解咁樣,個仔話唔想,因為食咗藥,雖然可以乖乖哋坐喺度上堂,但會好呆上堂入唔到腦,又記唔到,食藥令佢冇胃口又瞓得唔好﹗」湯寶如透露決定為兒子停藥,又鼓勵專注力不足子女的家長們不要擔心,湯寶如話:「只要佢哋搵到樣有興趣,就會投入,好似個仔鍾意電腦嘅嘢,學習上會快上手,同埋中學終於安排到佢去讀國際學校,佢開心咗好多,變得好鍾意返學﹗」

湯寶如 湯寶如曾上ViuTV的音樂節目《Chill Club》,現場看過Mirror及Error表演,大讚他們好有活力及魅力,但就明言:「記唔到晒大家嘅名﹗」
湯寶如曾上ViuTV的音樂節目《Chill Club》,現場看過Mirror及Error表演,大讚他們好有活力及魅力,但就明言:「記唔到晒大家嘅名﹗」(圖片來源:《Stephen·傾》截圖)

湯寶如揭不婚真相:我自己都唔知會唔會鍾意第二個人

湯寶如講完個仔就被問到另一半關係,湯寶如指與賽車手陳德民Sam拍拖後,發現性格喜好不同,06年本來打算分手卻發現懷有BB,告知另一半時,對方反應是驚訝,但表明要BB但唔想結婚,湯寶如話:「我本身個人唔鍾意束縛,都係不婚主義,所以佢咁講完我就同佢講大家咁話啦﹗我哋依家已經冇晒情侶嘅感覺,似朋友多啲﹗雖然同一屋簷下,但大家唔過問對方,不過有時夜收工,感覺到佢係等我門嘅﹗不過講真,如果佢遇到一個鍾意嘅人,我真係唔介意﹗我自己唔敢承諾,都唔知會唔會鍾意第二個人,所以當初唔結婚係好正確﹗」陳志雲笑湯寶如既然大家唔夾為何拍拖,湯寶如話:「佢追咗我成年,咁我咪豪畀佢一齊囉,點知原來佢咁木訥嘅啫﹗我好鍾意出去玩㗎﹗個仔細個都係跟佢瞓,到大個唔同佢瞓,佢喊咁口呀﹗我哋性格好唔同﹗」

湯寶如 湯寶如在節目中大方談及有微整型,但就強調唔係整容,指因為眉心紋被相士指「做乜都唔成」,故定期去打Botox﹗
湯寶如在節目中大方談及有微整型,但就強調唔係整容,指因為眉心紋被相士指「做乜都唔成」,故定期去打Botox﹗(圖片來源:《Stephen·傾》截圖)
陳志雲分享試過不同保青春的美容法,被湯寶如笑可以開設美容頻道﹗
陳志雲分享試過不同保青春的美容法,被湯寶如笑可以開設美容頻道﹗(圖片來源:《Stephen·傾》截圖)
湯寶如出道及走紅之時,正是香港樂壇盛極一時之年代﹗
湯寶如出道及走紅之時,正是香港樂壇盛極一時之年代﹗(圖片來源:新傳媒圖片)
湯寶如出道第一首歌同張學友合唱《相思風雨中》,成為經典金曲﹗
湯寶如出道第一首歌同張學友合唱《相思風雨中》,成為經典金曲﹗(圖片來源:[email protected]湯寶如KAREN TONG)

讀者留言