湯洛晴

湯洛晴代表香港參選國際小姐 同陳曉華邊個高質啲?

2018年港姐競選於剛過去的星期日圓滿結束,23歲中大護理系畢業生陳曉華(Hera) 榮登冠軍,有唔少人覺得Hera未算非常靚,但肯定好過上屆冠軍雷莊𠒇!猶記得去年代表香港參加《國際小姐2017》的王詠珩及澳門代表麥嘉欣,都被大讚正過雷莊𠒇好多,唔知大家覺得今年香港代表湯洛晴 (Carmaney Santiago) 如何呢?

撰文:東方新地|圖片:

陳曉華成2018年港姐冠軍

剛剛過去的星期日,2018年港姐冠軍正式誕生, 由賽前大熱之一的17號陳曉華(Hera)奪得!另外亞軍為20號鄧卓殷、季軍7號丁子田。

亞軍20號鄧卓殷、季軍7號丁子田。
陳曉華樣子標緻、外型出眾,由初選開始已被視為熱門,奪冠可謂實至名歸!

雷莊𠒇再現港姐舞台

去到揭曉三甲階段,當晚其中一個亮點係上屆港姐冠軍雷莊𠒇出場!雷莊𠒇上年當選冠軍時被人瘋狂負評,瘋狂恥笑佢哨牙,不停話唔知點解佢會係冠軍!而雷莊𠒇亦都唔留戀香港,早前公開宣佈話自己卸任後,就會返回加拿大生活及尋求工作機會,決心離開香港。所以呢晚之後,大家應該都唔會點喺香港見到佢啦!

事隔一年,雷莊𠒇再於港姐舞台上登場,大家又有冇覺得順眼咗呢?
有比較下,個個都話陳曉華好過雷莊𠒇好多!

國際小姐好高質

去年雷莊𠒇被鬧爆的同時,有人將佢同參加《國際小姐2017》的香港代表王詠珩及澳門代表麥嘉欣比較,紛紛都話後兩者高質好多!大家記唔記得佢哋?

|王詠珩

|麥嘉欣

國際小姐香港代表湯洛晴

1993年出世的湯洛晴(Carmaney Santiago),現年24歲,擁有32C上圍及172cm身高,外在條件一流!模特兒出身的湯洛晴原名叫黃嘉雯,畢業於浸會大學人文學系,入行後拍過唔少品牌廣告,亦有參與綜藝節目如香港電視《工作假期》、有線電視《為食情報局》等。湯洛晴今年11月就會代表香港到參加《國際小姐2018》!

湯洛晴曾經喺品牌廣告中同男神古天樂合作,早前世界盃時亦經常見到佢!

|周遊列國

湯洛晴除了喜歡演戲,亦都非常鍾意去旅行,連大學畢業後都揀去羅馬尼亞做義工!湯洛晴的社交網站中處處可見周遊列國的照片,唔知會唔會成為佢參選國際小姐的優勢呢?

最後當然唔少得大家最期待的泳衣照啦!

關鍵詞
陳曉華