湯盈盈

細女3歲生日 湯盈盈 特製大蛋糕慶祝

錢嘉樂同湯盈盈結婚6年,婚後育有兩位千金,大女錢凱晴(Alyssa)同細女錢凱琪(Kassidy)。大女凱晴3月滿5歲,盈盈樂樂就喺迪士尼生日會,滿足囡囡成為公主嘅願望!昨日(23/9 )到細女凱琪3歲生日,佢哋又會點同個女慶祝?

編輯:東方新地 │原文:東方新地、sundaykiss │圖片:湯盈盈IG湯盈盈Facebook

湯盈盈 特製「My Little Pony」大蛋糕

前一晚(22/9 ),盈盈至同一班好姊妹為姚樂怡慶祝生日,7 個人分享一個小蛋糕!

到今日(23/9 )細女3歲生日,盈盈就特別訂製一個超大嘅「My Little Pony」蛋糕,成個蛋糕由好多個Cup cake砌成,好多粉紅色,好夢幻!

 

昨日滿3歲嘅凱琪,都着條靚靚公主裙同個生日蛋糕影相!又開心又有啲怕醜!

爸爸錢嘉樂最新都忙住為新電影宣傳,不過要同寶貝女做生日,工作都要讓一讓路啦!一家四口影番張全家福先!

湯盈盈大女五歲生日 大搞公主派對

而今年3月10日係湯盈盈大女凱晴(Alyssa)5歲生日,愛錫囡囡的湯盈盈、錢嘉樂專程在主題樂園搞生日派對,邀請了好姊妹周家蔚及大仔細仔、鍾麗淇與大囡細囡等人出席,非常熱鬧。佢哋仲去咗「皇室庭園」,幫一班子女cosplay,化身成迪士尼公主同王子!

湯盈盈大女
湯盈盈大女係當日主角,坐在公主櫈上拍照,妹妹則由媽媽抱住!

 

一身公主打扮嘅凱晴,圓夢做公主!

湯盈盈:非常愛你!

Alyssa扮睡公主,妹妹錢凱琪(Kassidy)則扮灰姑娘,周家蔚囝囝亦穿上王子衫。湯盈盈在社交平台上載照片,留言:「5歲生日快樂公主Alyssa ,5歲了,非常愛你!」

湯盈盈大女
湯盈盈大女和一班小賓客合照!
湯盈盈大女
湯盈盈細女和周家蔚兩個囝囝合照!

 

Alyssa揀扮睡公主,佢照鏡時特別開心,看來好滿意自己的造型呢!

錢嘉樂與湯盈盈婚後育有兩位千金,早前TVB在面書專頁恭喜湯盈盈佗第3胎,不過她已否認,稱是一場誤會。

TVB爆再懷孕湯盈盈否認陀第三胎

上星期,TVB的Facebook臉書專頁上載了盈盈同4歲大女Alyssa去做親子手作嘅短片,標題寫上【恭喜 湯盈盈 再度懷孕!】,內文又打咗句「恭喜盈盈又有喜啊!」,不過之後這標題好快被刪掉,但就保留咗「大家姐嘅囡囡Alyssa(錢凱晴)同Kassidy(錢凱琪)應該都好期待有其他兄弟姊妹喇」,個個都以為盈盈有咗,但未夠3個月未能公佈喜訊!但當事人之後澄清唔係有咗,話只係佢哋搞錯咗!

湯盈盈
湯盈盈、錢嘉樂努力造人,估唔到咁快有好消息,恭喜晒!
湯盈盈大女
今日TVB上載湯盈盈同囡囡的短片,標題及內文都話恭喜佢再懷孕!
湯盈盈大女
湯盈盈同大女好感情,二人在片中不時錫錫!

湯盈盈

雖然暫時未有公消息公布,但盈盈嘉樂接受專訪都話好想要第三胎,希望佢哋早日如願啦!

有片睇:

 

讀者留言