CHEUNG

準媽咪張嘉兒力數產科醫生三宗罪

去年9月與金融才俊Nathan Lau結婚的張嘉兒,其後造人成功,預產期9月。為了確保BB健康出世,張嘉兒經常去睇產科,而近日佢拍片力數某產科醫生三宗罪,包括八卦、唔專業、同埋十問九唔應!

其他文章:

《城寨英雄》唐詩詠霸氣阿媽勁搶戲

偽毒坤哥紅館騷只請女義工

暗名力數

於大約十分鐘片段中,嘉兒表示最近有朋友介紹去中環某婦產科診所驗孕,雖然價錢貴,但因為口碑好所以都去睇,不過由於該醫生太出名預約期滿,所以嘉兒於姑娘介紹下,去試同一診所的另一位醫生,結果咁就瀨嘢,而嘉兒全程沒提及醫生及診所名字!

罪項一 查家宅侵犯私隱

由於懷孕需要成日睇醫生檢查,嘉兒片中表示認為搵合適同夾嘅醫生好重要,點知對方唔係關心佢同BB健康,反而八卦想知佢拍劇時經歷:「可能你哋會覺得好小事,揀醫生真係人夾人緣,如果同呢個人唔夾,就係唔掂。最初佢問我同屋企人有咩病歷,或者呢胎係計劃懷孕,抑或係意外。跟住問我做咩職業,知道我做演員後,就問我拍劇辛唔辛苦,拍咩角色,使唔使拍通宵,但呢啲唔係睇醫生會問你嘅問題。你嗰陣嘅心情唔係想佢問呢啲嘢,已經覺得佢好八卦,仲要問埋我家姐結咗婚未、有冇BB,好似侵犯我私隱咁,覺得唔舒服。」

罪項二唔夠專業

嘉兒認為該醫生表現唔夠專業,尤其提到佢患有多囊卵巢症時,對方回答勁寸,令嘉兒唔好受:「最大問題係我有多囊卵巢症,每月經期唔定時,會引致難懷孕,所以擔心會唔會好易流產。當問到我關心嘅問題時,佢好寸咁話scan咗咪知囉。本身已經唔鍾意佢問我啲私人問題,嗰一刻真係好嬲!我明白醫生唔想令到病人恐慌,但其實佢應該用數據去分析我聽。」

罪項三 十問九唔應

懷孕33周嘅嘉兒又表示期間有向該醫生詢問大肚婆飲食禁忌,點知該醫生全程要佢自問自答:「好多人都知海鮮唔食得,我都有呢個正常知識,但都會想問吓醫生意見,但我好似係自問自答咁,吓吓我答番佢,其實自己上Google都得啦!」

全文完