CHEUNG

準媽咪張嘉兒拒贏在子宮裏

最近真人騷《沒有起跑線?》播出已育有一子的媽媽Irene,認為之前冇催谷兒子,所以搞到兒子依家「成嚿蕃薯咁」,好辛苦先搵到幼稚園學位。於是佢決意要令仍在肚中的B女不單要贏在起跑線,更要「贏在子宮裏」,甚至爆出金句︰「贏在射精前」

呢番出位言論唔止惹起觀眾熱烈爭議,就連星媽或準星媽都有感而發!好似懷胎六月嘅張嘉兒,於ig上載大肚相,更留言指仔女幸福最緊要:「BB 你不需要贏在子宮裏,我讓你輸在幸福中!」

 

郭羨妮O嘴

至於育有4歲女兒Kylie嘅郭羨妮,得知有家長認為小朋友要贏在射精前,即O嘴說:「依啲係自然發生,BB出咗世應該開心,細個嗰時邊有咁緊張,有記者話我知嗰時我聽到都心跳加速。」佢又指女兒現時課外活動包括芭蕾舞、體操同跆拳道,全部都係女兒自己想學,最緊要佢開心!