激似李彩華 38歲 徐子珊 重手變靚

絕跡電視台兩年轉攻內地,估唔到人望北處,38歲 徐子珊 連容貌都同強國市場接軌,玩P圖、着黑絲、梳埋空氣留海、再加埋個無辜萌樣,成功進化成2017最新網紅新版本。靚唔靚見仁見智,不過因為變靚啲再次成為網民熱話,仲同最近以魚網絲襪大嬸look回流出寫真嘅李彩華撞樣!

徐子珊做珠寶公司老闆

同輩花旦一個二陸續離晒巢,陳法拉去咗美國讀戲劇、鍾嘉欣婚後半上岸、胡杏兒結婚陀B簽埋電影公司,15年都步眾人後塵嘅 徐子珊 亦宣佈同無綫滿約後不續約,先放自己一年假遊山玩水、再開埋個人品牌珠寶公司做老闆。去年終於有演藝新動向,簽約邵氏、曾志偉同王祖藍合組的「手工藝創作有限公司」成為旗下藝人。

延伸閱讀:

藐同性做咪霸 劉佩玥 麥明詩直播開火

芒實陳展鵬 單文柔向胡定欣示威

休息一年後,去年徐子珊正式簽約王祖藍、曾志偉及邵氏兄弟合組的手工藝創作有限公司北上發展。

 

 

一年過後,子珊嘅工作量極低,電視劇未有得拍,參演的內地綜藝節目亦是關注度極低、卡士亦差幾班之飲食節目《吃光全宇宙》。

徐子珊 遊山玩水唔憂做

老闆之一王祖藍近年因為北上暴紅億億聲賺到笑,但過去一年 徐子珊 未有因為祖藍的知名度和人脈得益,擔正內地時裝劇遲遲未開鏡、綜藝節目亦僅僅參與由曾寶儀主持的《吃光全宇宙》,就算在節目內為藝術犧牲食埋童子尿蛋,一樣對內地知名度毫無幫助。以為 徐子珊 簽了新公司,瞓身在演藝事業上,事實鬥心、野心卻比以前少,享受生活,似乎比演藝事業更拼勁,剩番大把時間做瑜珈、繼續遊山玩水,然後影完啲靚相P完再P擺上網呃like。

 

16年簽約祖藍後徐子珊生產力繼續偏低,反而個個月出埠。

 

 

 

 

兩年來最大成就應該係成立自己珠寶品牌,售賣貴價自家設計首飾。

 

 

為咗省靚招牌,更親自谷胸上陣擔當全線產品模特兒。

變靚有術 重手修圖

其實愛上行山做運動又成為瑜珈高手, 徐子珊 身形比起當年電視台年代更fit,何止不吝嗇咇胸騷身材,愈大愈靚女、五官愈見精緻,雙眼變得大又有神、鼻樑高挺鼻翼變窄鼻頭更尖、下巴尖且長,跟初出道時的包包臉、尖長鳳眼相比,真係女大十八變。加上女星通病係永遠嫌自己唔夠靚又唔夠fit,結果搞到一年來新相一概過度修圖、背景彎曲、面目更加精緻過頭似蠟像。

 

 

 

 

06年徐子珊暴肥三十磅,身上完全搵唔到半點今時今日靚爆網紅樣。

 

 

美國加州大學畢業後回流做OL再選港姐,當年徐子珊包面、鼻頭下巴都圓碌碌。

變翻版李彩華

早前 徐子珊 才被指跟Cammi如孖生姊妹,近日以空氣留海、厚重假睫毛再加V煞臉,竟然同最近以大媽品味回流香港的李彩華撞晒樣。不過北上一年,徐子珊品味已經超越北上十年的李彩華,李彩華精心打造魚網look宣傳寫真, 徐子珊 就悉心配搭黑絲look宣傳自家珠寶。

畫眼線帶埋大眼仔扮素顏嘅網紅指定動作徐子珊亦都有做,不過反而自暴其短,間尺鼻過長同下巴嚴重唔合比例。

李彩華

 

 

又係同小妹妹合照,又係嘟晒嘴中女扮cutie,競猜無獎系列,請問邊個係徐子珊?邊個係李彩華?

 

 

 

 

上周在IG上載最新瑜珈look,徐子珊終於P圖P出事,腰腿後的玻璃門嚴重扭曲,肯定係危樓,除非唔係。

 

 

北上一年,徐子珊品味已經超越北上十年的李彩華,悉心配搭黑絲look宣傳自家珠寶。

 

全文完