ft pic

激似甘比 湯鎮業23歲大女入行

《梟雄》入面做「棠哥」嘅藝人湯鎮業,同中日混血前妻姜坤生咗一對孖仔同一個女,大細孖湯君慈同湯君耀早年已經入行,日前連23歲大女湯愛嘉(Isabella)亦宣布會跟埋細佬入行,一門四傑!計埋湯鎮宗同囡囡湯洛雯,湯家晌圈中都幾大勢力喎!

延伸閱讀:

《城寨》悲情預告 龍成虎求婚後慘死

《城寨》結局 刁蘭將會死?

畢業於UCLA美國加州大學洛杉磯分校傳理系嘅湯愛嘉,生得又pure又true,一對大眼加個甜到漏嘅笑容,望落同大劉女友甘比有幾分似樣。

湯愛嘉一對孖生細路君慈及君耀,早家姐一步入行。兩兄弟同樣生得斯文靚仔,亦係名校UCLA學生,修讀社會學及電影。孖仔上年趁暑假返香港行騷,有報導指兩人嘅處男騷酬勞高達40幾萬,當中包括5個鐘頭嘅拍攝同1個鐘活動,以星二代嚟計真係好高!

三姊弟靚爆鏡,除咗遺傳到爸爸湯鎮業靚基因,其實中日混血嘅媽媽姜坤亦非常靚女!雖然兩人早於01年離婚,湯鎮業08年與青島女子文靜再婚,兼再生咗一對孖女,但湯鎮業同三個仔女感情依然密切,之前湯鎮業拍《梟雄》,幾個仔女都有去探班,又會一齊去旅行,絕對冇因為爸爸有個新家庭而變得疏離!

全文完