激親坐月老婆 Bob買300萬Benz耍冧

八月成功追多個仔的阿Bob林盛斌, 一家六口幸福又熱鬧,不過話晒係當紮主持,捱到殘是常識吧!日前阿Bob因為呻攰,辣著在屋企湊住四個仔女、餵緊人奶的Bob嫂!知道老婆辛苦,Bob當然即刻做嘢氹番老婆大人,日前攰到眼都睜唔大的Bob拖住三個囡囡跳彈床,減輕老婆湊仔壓力。原來早前還秘密買了一架300萬Benz Jeep冧太太!果然係廿四孝好老公好爸爸!

Bob出po激親老婆

阿Bob細仔今年八月出世,早前仔仔滿月,一家人在家慶祝,三個囡囡對多咗個細佬更表現非常開心!早前阿Bob就表示,因為在家呻攰,激親坐緊月餵緊人奶、仲要照顧屋企三個囡囡的Bob嫂。阿Bob就話出po只係攪吓笑,事前亦有知會太太!佢直言:「知道太太壓力大!聽完佢呻,佢舒服咗!我都安心咗!」

Bob攰爆都要陪囡囡

正所謂行動最實際!日前晨咁早阿Bob就帶三個囡囡去北角Ryzu跳彈床,因為前一晚才從泰國返港,阿Bob帶住一對熊貓眼出發,老婆就留在家坐月兼照顧個多月大的細仔,同行仲有另一家人。阿Bob同一眾小朋友玩到不亦樂乎,本來攰到眼都睜唔都即刻生猛晒,。之後阿Bob又同三個囡囡影埋合照,玩足兩小時先盡興離開。

見細女有啲驚,Bob即時示範跳畀囡囡睇,細女亦跟着跳起來!

 

玩足兩個鐘,阿Bob仲揸機幫三個囡囡影相,大女即時鬼馬從後擺甫士。
玩完親子彈床,阿Bob拉大隊行去附近茶餐廳醫肚,佢拖着大女二女行過馬路,不時緊張回頭望下後面跟拖實工人姐姐的細女。

 

忙到無停手的阿Bob,為幫輕老婆,前一晚才喺泰國趕返香港,晨早就做好爸爸陪女去街,難掩一臉倦容!

 

Bob 300萬Benz贈老婆

吸金力強的阿Bob,辛苦賺錢最大動力是希望畀家人最好的生活環境,15年就租住3千呎加多利山獨立屋,亦請了司機買了七人車接載太太及女兒。近日阿Bob再豪擲3百萬買了一架頂級的Benz Jeep,問佢係咪買來奬勵老婆辛苦生仔?阿Bob表示:「呢部可以話係我同太太嘅Dream Car,係佢陀住BB嘅時候決定買嘅,都可以當做奬勵吓佢!」

 

阿Bob買的Benz Jeep,余文樂、張智霖,沈嘉偉都有一部!

Bob:「擔起頭家,冇話咁容易冧嘅!」

阿Bob接受本刊訪問時,提到攰到爆都陪囡囡去玩,阿Bob回應:「咁擔起頭家,係經濟支柱,冇話咁容易冧嘅!咁疲累同有情緒嘅時候,會同太太分享吓工作上嘅嘢,互相鼓勵!」另外又話太太最想就係佢陪仔女:「我乜都畀晒佢,要奬勵佢隨時可以自己買乜都得,但其實佢唔係追求物質嘅人,最希望都係我有多啲時間陪啲仔女!」

全文完