ft pic

炆鮑魚焗蛋糕 佘詩曼視后變煮婦

「釘姐」佘詩曼近期忙住宣傳新戲《使徒行者》,不過幾忙都好,一向對朋友有情有義嘅阿佘,依然抽時間為好姊妹慶祝生日。日前阿佘幫8月25號生日嘅郭少芸、周家蔚搞生日P,除咗借出豪宅作場地,阿佘同佘媽仲親自下廚,總共煮咗8味餸,又焗埋蛋糕,好過出餐廳食呀!

延伸閱讀:

《城寨》悲情預告 龍成虎求婚後慘死

《城寨》結局 刁蘭將會死?

唔係講笑,阿佘同媽咪合力炮擊咗8樣餸,目測有鮑魚、花甲、牛仔骨、豆腐煲同沙律等,仲有甜品朱古力蛋糕,真係隔住個mon都feel到視后煮得有幾好味!

阿佘曾經透露細個成日食佘媽煮嘅愛心餐,令佢自己都愛上入廚,加上阿佘早前參加內地烹飪節目《星廚駕到》,功力更上一層樓,梗係要搵班好姊妹做白老鼠試味啦!

全文完