蔡少芬

為女剪短頭髮甩公主病!蔡少芬培育張晉接班人

結婚十一年,蔡少芬與張晉育有兩名女兒,7歲的湯圓(張楚兒)與5歲的包子(張信兒),兩個都活潑可愛,樣貌與性格都似足媽咪蔡少芬,幾歲人仔物質從不缺,自小當主題樂園係公園,生日都要打扮成 童話公主入園慶祝。為了不想湯圓與包子公主病纏身,蔡少芬去年把女兒的頭髮愈剪愈短,最近更以爽朗男仔頭示人。 唔止幫女兒作中性打扮,蔡少芬近月更訓練兩個女學獨立做家務,又全家野外露營體驗生活,湯圓又跟爸爸張晉學詠春,實行要囡囡變得更硬淨,做張晉接班人。

撰文:東方新地 圖片:新傳媒圖片

45歲的蔡少芬,雖然不時口講話想追多個仔,但她近年除了忙於北上搵 銀,其餘時間與精神都放在兩個寶貝女身上,其實他與老公張晉都有女萬事足,追 仔一事並非事在必行。蔡少芬非常疼愛兩女,只要她人在香港,就一定親自接送返 學放學,為博女兒一笑,過去幾年經常帶她們去主題樂園,就連生日都在主題公園 酒店舉行,兩個女打扮成公主一樣,對童話故事中的公主上晒癮,蔡少芬漸漸發現 女兒為做公主著晒迷,決意改變她們的愛好,希望摵甩公主病。

阿媽一拖二

上周三(16日),蔡少芬不用北上開工,獨自到位於沙田石門的學校接兩個女放學,一拖二的Ada戴住口罩拎晒所有書包,不過湯圓同包子就食住甜筒非常開心。

窄路掉頭

辣媽蔡少芬揸車都好辣,這日接女放學離開時在窄路掉頭,搞到成條車龍在等她,Ada都一樣面不改容。

不再做公主

知情者透露:「其實湯圓同包子本身性格都係活潑好動,不過好細個就接觸嗰 啲公主角色,又成日去主題樂園,係女仔都鍾意扮公主,佢哋亦唔例外,但久而久之,Ada(蔡少芬)唔想佢哋淨係識得扮靚同玩,想佢哋學識獨立同硬淨啲,所以近半年開始訓練佢哋做家務,自己喺屋企又會D.I.Y玩具,親子活動再唔係去主題樂園,係去行山郊遊同露營,Ada想佢哋接觸多啲大自然,等佢哋知道幸福唔係必然,想佢哋受吓苦。另外,Ada幫佢哋剪短晒啲頭髮,容易啲打理,咁就冇得再扮公主啦!以前兩個女著衫一定揀公主裙,依家男仔頭打扮,中性打扮好型。」

湯圓與包子自細喜歡童話故事中的公主角色,經常以公主打扮入主題樂園玩,包子4歲生日,蔡少芬在樂園酒店為囡囡大搞以公主做主題的生日會,擺足六圍招呼好友,估計花費最少要15萬。

母親大改造後的湯圓與包子,洗走一身公主味,變成型女,日前張晉在微博上載一家四口合照,全家chok住影相。

媽咪蔡少芬用心良苦,湯圓與包子都冇say no,而且仲好受落。一直以來非常仰慕爸爸張晉的湯圓,最近更學爸爸耍詠春,早前蔡少芬在微博上載了一段湯圓對住牆壁練功的短片,笑言女兒想向 爸爸挑戰,男仔頭的湯圓有板有眼,一定是遺傳了 張晉的武術細胞。蔡少芬與張晉安排兩女兒入讀學費不菲的國際學校,但平時生活健康樸素,這種貴教平養的方式,非常值得星級父母參考。

阿爸蒲頭

近年上位成炙 手可熱武打巨星的張晉,上周四(17日)終於有時間幫手湊女,一家四口離開學校,媽咪蔡少芬似乎為頭家奔波攰到爆,一臉倦容。

張太做司機

難得張晉在港,但蔡少芬依然要做司機,載住張晉三父女返 回元朗獨立屋寓所。

愈剪愈短

蔡少芬多年來都以清爽短髮示人,近幾個月她更為女兒改造形象,把她們的長髮一剪再剪,由公主式長髮剪至及肩的Bob頭,再剪成男仔頭,難得女兒冇投訴,任由她搓圓撳扁。

去年2月 長髮及腰

去年10月 Bob頭

湯圓挑機

爸爸是打得之人,湯圓似乎亦學過幾招,早前蔡少芬拍下她與牆壁對打的短片放上微博,仲話要挑戰張晉在新片的角色,好搞笑。

 

早前蔡少芬帶埋兩女去睇張晉主演的電影《葉問外傳張天志》,女兒視爸爸是偶像,當然要入場支持。

學煮餸

蔡少芬不時在家安排兩個女入廚揸鑊剷煮餸,5歲的包子好專注做小廚師。

D.I.Y玩具

由細要乜有乜的湯圓與包子,最近亦學識自製玩具,蔡少芬要她們知足常樂。

野外求生

張氏一家放假的親子活動再不限於去主題樂園,早前他們相約友人一齊去露營,湯圓更與小朋友負責紮營,充實又開心。

張晉自爆最怕蔡少芬呢樣嘢

45歲的蔡少芬1989年前參加超模大賽,兩年後參加港姐獲得季軍而加入無綫拍劇,當時以最年輕視后奪得無綫第二屆視后(奪獎時為25歲)。

蔡少芬與前中國武英級運動員,現為內地藝人的張晉於2008年結婚,雖然都有繼續拍劇,不過就減少演出的機會。

老公張晉是內地人,因此平時二人溝通都用普通話,對於多年來都是講慣廣東話的人來說,實在是要花時間去學習。蔡少芬結婚後開始出現大陸綜藝節目,因此也要經常講普通話。之前她在內地劇集《海上嫁女記》的一段普通話Rap更被指是十級聽力測試,一起來聽聽吧!

身為老公的張晉應該知道老婆學不好普通話,因此也放棄教導。近日網上瘋傳一條張晉打邊爐片段,片段中他說「別個都說的,天不怕地不怕,斗怕重慶人說普通話。喝別個(騙人)!我看是天不怕地不怕,斗怕蔡少芬說普通話!」

蔡少芬看到影片後馬上在微博發文,寫道:「。。。看來有人命不久巳!」,原來影片在微博熱搜內登上第一位,看來張晉要跪玻璃了……

https://www.youtube.com/watch?time_continue=9&v=XkD9oSfZXsI

蔡少芬 悉心打扮囡囡

繼第一季嘅內地真人騷《不可思議的媽媽》彈起咗Yumiko個得意囡囡梁浸浸之後,新一季又到喇,今次港媽代表係蔡少芬,由佢帶住7歲嘅大女楚兒同5歲細女信兒接受不同挑戰!蔡少芬 (Ada) 平時落手落腳湊女,相信上真人騷都難佢唔到,應該唔會好似Yumiko對梁浸浸咁冇晒符。Ada仲每集都悉心為兩個囡囡打扮姊妹裝,由髮型到衣著都襯埋一樣。

蔡少芬

其實Ada唔使上真人騷,都證明佢絕對係一位不可思議的媽媽,日前細女幼稚園畢業,Ada幫囡囡打扮成公主一樣,著住天鵝裙加皇冠,一定成為全場焦點!

蔡少芬

Ada仲親手整咗啲小食返學校,順道慶祝父親節,一整就幾十人份量,由以前嘅地獄廚神,因為兩個女變成今日嘅廚神,仲唔係不可思議?

蔡少芬

Ada因為喺《甄環傳》做皇后娘娘喺內地人氣高企,能夠請到佢已經唔係易仲要湊住兩個女,相信有關方面用足誠意同金錢!

蔡少芬

蔡少芬兩個囡囡首次喺電視上曝光,睇吓佢哋今次要接受乜嘢挑戰?

蔡少芬

蔡少芬

蔡少芬

Ada為兩個囡囡悉心打扮,不但衣著到一式一樣,連辮子髮型都係姊妹裝!

蔡少芬

蔡少芬

Ada和張晉的5歲細女張信兒近日幼稚園畢業,兩公婆齊齊送信兒去幼兒園,更特別為女兒打扮成公主返學,真係有心思!前一晚,Ada仲趁囡囡瞓咗覺,就趕工親製翌日學校party嘅食物!

蔡少芬

蔡少芬

唔止係廿四孝媽媽,之前Ada為咗細女學校的七十年代主題,仲為囡囡特製衣著,好似變魔術一樣,話變就變,果真係不可思議的媽媽!

蔡少芬

蔡少芬

早前為細女楚兒慶祝5歲生日,為囡囡化身仙子,當然又係出自Ada之手啦!

蔡少芬

蔡少芬

為配合主題,兩公婆仲喺囡囡生日會上,大扮獨角獸,認真有童真!

蔡少芬

蔡少芬

張晉44歲生日

早前,張晉44歲生日,過生日除咗有老婆蔡少芬陪伴之外,仲有一班好友一齊出席生日飯局,當日壽星仔上載咗一張大合照,大家笑得幾開心。

蔡少芬

蔡少芬肉緊錫錫

蔡少芬趁住520嘅日子,喺個人社交網上載兩張相,並留言:「昨天是你的生日,親愛的@张晋max能陪著你過生日,真的太棒了!感恩。。。!愛要大喊出來!520。。。。。。。。 ​​​​」認真甜蜜!

蔡少芬
張晉生日,蔡少芬肉緊錫錫老公。

蔡少芬

蔡少芬 張晉 結婚十周年

08年,Ada同張晉結束愛情長跑,更生下兩位女兒張楚兒﹑張信兒,1月12日係佢哋結婚十周年,佢哋為咗紀念呢個大日子,佢哋著番當年嘅婚紗同禮服同兩個囡囡影全家福,二人更留言道:「十年前的今天,我娶了你,這十年裡有風、有雨、有彩虹,還有俩搗亂的。十年前的婚纱和禮服,今天還能穿,讓我們保持身材,繼續風雨同路,看看下一個十年還能不能穿。」

蔡少芬
兩個分別六歲同四歲嘅囡囡楚兒同信兒,就係好似花女咁祝賀爸爸媽咪結婚十周年。

十年後,著番十年前嘅婚紗同禮服,Ada更加好似食咗防腐劑咁,冇乜走樣,真係注顏有術!Ada更公開答謝老公嘅愛:「感謝天父,時間過得太急速了!十年有喜有憂有趣有怒一切一切都是滿滿的愛!如沒有主的恩典,這個家不可能如此繽紛!往後每一日,我們也會繼續堅愛,也謝謝極品張晉max,愛你啊!」so sweet!

蔡少芬

蔡少芬
呢個幸福家庭先有大女楚兒。
蔡少芬
跟住再添成員信兒,一家四口幸福家庭。