為靚成精 李彩華 5.0 十月回歸開騷

33歲的李彩華(Rain),繼7月推出性感寫真後, 10月將會回歸樂壇,在麥花臣球場開騷。近年在內地爆紅的她,劇接劇賺到盤滿缽滿,手持過億物業,身家大躍進,個樣亦5.0進化愈變愈靚。日前阿Rain 返港在銅鑼灣出巡,她大晒緊緻蘋果肌,加埋高鼻同個蝦餃下巴,令人不禁要望多幾眼先認到!

為靚成精 李彩華 5.0 十月回歸開騷

愛情事業兩得意,阿Rain近年連個樣都再進化,愈變愈靚,顏值隨年齡增長反而有增無減,難怪她自信十足,早前更自資拍性感寫真殺入書展,魚網絲襪,大Deep V,泳衣加內衣乜都出齊,唔怕同一班妹妹仔鬥過!16歲入行,試過為父還過百萬欠債,被當時的經理人公司寰宇雪藏,捱過唔少辛酸日子,不過,11年憑內地劇《回家的誘惑》爆紅,身家亦不斷漲!

nm107ap45-15
出道時包包面五官唔算太精致,不過勝在青春無敵又true又pure,難怪會畀金牌經理人Paco當秘密武器狙擊張栢芝。

 

走紅不久,阿Rain曝光漸少,難得蒲頭身型暴瘦精神亢奮,面目全非。

 

北上多年終於憑《回家的誘惑》爆紅,名利雙收的李彩華氣焰亦都今非昔比,乍眼間仲以為見到李嘉欣。

 

搵錢至上 男友讓路

現時大部分時間留在內地拍劇、商演和拍廣告,搵錢至上的阿Rain,連同前TVB新五虎之一的男友何遠恆拍拖的時間亦被迫要讓路。據阿Rain 好友透露:「呢幾年阿Rain 喺內地狂接劇,收入驚人,上年套《情迷睡美人》大收,阿Rain依家劇價已經去到30萬人仔一集,雖然成日要飛來飛去,有時去片場開工坐車都要幾粒鐘,但阿Rain 都唔會嫌辛苦,佢好珍惜呢啲賺錢機會!男友為咗就佢時間,好多時會停低本身嘅裝修生意飛去探佢!」

33歲仲keep到,李彩華在寫真集內,就毫不 吝嗇大晒身材,唔怕同一班口靚妹較量!

顏值升級

大部分時間喺內地的阿Rain,返香港唔係孖住阿媽,就係拍拖。日前,阿Rain 趁拍劇空檔返港兩日,喺銅鑼灣出巡,無見一排,阿Rain 個樣又強化咗,鼻樑挺拔、下巴尖尖,如同鬼妹仔般的突出輪廓,兩邊面頰蘋果肌緊緻,見阿Rain 童心未泯,攞住杯雪糕邊行邊食,但就急急腳趕住入利園,原來係約咗一班闊太friend 去high Tea!

側面睇,個鼻好直,亦keep住蝦餃下巴,令人不禁望多兩眼!

李彩華約咗幾個闊太好友high Tea,幾個女人話題滔滔,阿Rain更加講唔停!

據知阿Rain 近日正忙於籌備10月演唱會,不停向身邊好友詢問意見,據知阿Rain本來不在意香港市場,但見之前唱〈你唔愛我啦〉引起咁大回響,於是好想報答歌迷。雖然旺角場不及紅館,但阿Rain 好緊張呢個騷,由舞台設計到歌衫都會不惜工本,預咗啲性感歌衫,希望出嚟效果滿意。阿Rain好努力keep fit 練氣,仲有keep 好個靚樣,以最佳狀態見人。

全文完