1111111

無綫上位小花大比拼 簡淑兒定江嘉敏?

無綫上位小花簡淑兒呢期人氣再度急升 ,佢之前喺大台劇《迷》扮田蕊妮女兒,學生妹look又pure又true,喺《平安谷》又有不俗發揮,依家新劇《波士早晨》又見到佢,人氣勁升!不過同台嘅23歲宅男女神江嘉敏都唔輸蝕,拜去年《親親我好媽》純情學生妹形象所賜,成為新一代氣質女神,火速在網絡走紅,而在新劇《兄弟》升呢做女一,江嘉敏同男主角王浩信有唔少對手戲。唔知大家喜歡邊個多啲呢?!

撰文:東方新地

《波士早晨》簡淑兒

28歲簡淑兒(Jessica)在2012年由美國回流返港,參加香港小姐選舉但20強不入,之後在娛樂新聞台擔任主播,加入女團「少女標本」成為四名成員之一才漸多人認識!簡淑兒憑一雙會放電的腰果笑眼,近年迷倒一眾宅男!

無綫
無綫小花簡淑兒也是女團「少女標本」成員之一!
無綫小花簡淑兒出席日本動漫活動,一身Cosplay學生妹造型的她穿上短裙露腿,更大擺萌爆甫士,實行冧爆一眾宅男!
無綫小花簡淑兒扮可愛好得,扮文青女生亦得,唔笑一樣煞食!
無綫小花簡淑兒扮可愛好得,扮文青女生亦得!

《愛回家之八時入席》 清純女秘書

有人話「鍾意笑嘅女仔特別受歡迎」,咁簡淑兒可能就係一個例子。無綫處境劇《愛.回家之八時入席》自開播以來收視平平,但簡淑兒加入《愛回家之八時入席》演清純女秘書,憑住招牌腰果眼、甜美笑容加上密密短裙露長腿成為網民討論焦點,令唔少宅男追看。

無綫
簡淑兒喺無綫演出經驗不多,但憑清純形象都狂吸fans!

《迷》 演學生妹

之後簡淑兒又有份喺無綫劇《迷》登場飾演學生妹,雖然只係做配角,但一樣受到唔少觀眾嘅歡迎,俾網民大讚佢又靚又可愛!28歲嘅簡淑兒只係比飾演媽媽嘅39歲田蕊妮細13年,但簡淑兒着起校服,睇落似足真嘅學生妹一樣,完全冇違和感。

喺大台劇《迷》扮田蕊妮女兒,扮學生妹令簡淑兒人氣急升,又pure又true!
簡淑兒令網民頻頻心心眼!

《平安谷》淼淼 險被鄭子誠姦

而喺大結局無耐的無綫劇《平安谷之詭谷傳說》, 觀眾口碑出乎意料地好,一班女演員的演出備受讚賞,其中簡淑兒飾演一個天真可愛的小女孩淼淼,不過就有個獸父鄭子誠,仲差啲被侵犯!紥一對孖辮、楚楚可憐的樣子,簡淑兒真係無得輸!

無綫
無綫劇《平安谷之詭谷傳說》有份演出!
無綫
無綫劇《平安谷之詭谷傳說》演淼淼!
無綫
無綫劇《平安谷之詭谷傳說》中,簡淑兒有落水戲,幸被謝東閔救起!

接住《平安谷》出街的《波士早晨》,男主角方面有黃智賢、洪永城等,吸引力一般;反而女演員陣容更吸引!除了人見人愛的Ali李佳芯、好耐無拍無綫劇的陳慧珊外,觀眾在同一時間又見到簡淑兒!呢套係三年前嘅倉底貨,佢飾演OL Hana,同張致恒有感情戲!處女劇未知演出如何!

無綫
喺無綫新劇又有簡淑兒份!

《波士早晨》又見到佢

今次簡淑兒飾演一個初級秘書仔,怕怕醜又驚青咁,由佢演繹就適合不過!

無綫
依家無綫新劇《波士早晨》又見到簡淑兒!
無綫
無綫新劇《波士早晨》中,簡淑兒仲有激罕著泳衣濕身鏡頭~

回帶睇舊相判若兩人

不過人怕出名豬怕肥,隨着新劇學生妹樣靚身材正,簡淑兒被翻舊相,原來佢喺2012年美國回流參選港姐,只係當時其貌不揚在頭圈已經被淘汰。簡淑兒整容疑雲一度成為城中熱話⋯⋯

當年簡淑兒二十強不入,一早做咗炮灰。係同屆黃心穎、朱千雪、湯洛雯等太高質,還是簡淑兒方面、細眼、扁鼻實力差太遠?雖然話女大十八變啫,點解事隔數年冇人話心穎BB同千雪BB變咗樣既?又點解可以變變下變咗撞埋Baby樣呢?呢個先至係真正既《謎》!

簡淑兒:我以前只係黑同肥

唔止眼耳口鼻連面形都變埋,27歲簡淑兒口才同應對記者EQ一樣進化。其實整容傳聞由16年加入《愛回家之八時入席》出演秘書仔時就傳到㷫烚烚,當時簡淑兒經已反客為主,自post 11年回流前美國留學舊照,自嘲曾經又肥又黑、再自嘲EQ差、話傳媒專揀妝頭出事的相片對比,水蛇春咁長hashtags,曲線自辯係女大十八變唔係整容囉!

簡淑兒事隔幾年面目全非,愈大愈靚,但就被質疑係整容,佢因此而嬲爆急急澄清,解釋係當初官方妝頭出事喎!
無綫
無綫小花中,簡淑兒都算上位快!
無綫
無綫小花中,簡淑兒都算上位快!
無綫
無綫小花簡淑兒最愛自拍,咬唇pose唔少得!

《親親我好媽》江嘉敏

現年23歲江嘉敏中學讀嘉諾撒聖心書院,江嘉敏自17歲已瘋狂拍私影同接拍微電影,而佢喺《親親我好媽》中飾演江美儀大女,一位17歲學生妹,因爲演技自然而大受好評!江嘉敏戲内係一位乖巧文靜,品學兼優的學生,真心純過蒸餾水!佢喺劇中同何廣沛嘅感情線,更是觀眾至愛情節!

無綫
無綫劇《親親我好媽》中江嘉敏飾演中六考DSE的女學生,對常常扮演學生的她沒有難度。
無綫
無綫劇《親親我好媽》中江嘉敏扮學生妹好神似!

港台劇狂扮學生妹

雖然第一次參演無綫劇,但其實江嘉敏拍攝經驗可不少,好似《女人多自在5》、《沒有牆的世界》及《我的家庭醫生》等港台節目,劇中角色一律都係學.生.妹!所以佢在《親親我好媽》再演學生,完全係駕輕就熟!

無綫
拍無綫劇前,江嘉敏狂拍港台劇!
無綫
拍無綫劇前,江嘉敏狂拍港台劇,演學生妹駕輕就熟!

色誘張繼聰

而在早前播完嘅無綫劇《誇世代》﹐江嘉敏同張繼聰搞「大叔戀」,二人一場切磋武技戲份,背心拋胸的江嘉敏,胸壓張繼聰不特止,還用腳將男方夾到實一實,睇到班宅男熱血沸騰。

無綫
無綫劇《誇世代》
無綫
無綫劇《誇世代》中江嘉敏用大腿夾實大叔張繼聰!

初熟水著曝光

江嘉敏17歲已經狂拍私影,做Model經驗豐富,不過水著晒身材就不常見,睇怕今次又令班宅男暈其大浪!

無綫
江嘉敏拜去年無綫劇《親親我好媽》純情學生妹形象所賜,成為新一代宅男女神,火速在網絡走紅。
無綫
無綫小花江嘉敏清純又得,性感都得!
無綫
無綫小花江嘉敏

激罕晒身材

近年忙於拍劇的Kaman,成為2017年Google人氣搜尋女藝人,其實佢曾跟《新假期》出過不少Trip,除了去文青feel嘅日本和台灣,仲去過馬爾代夫,大晒噴血身材呀!

無綫
無綫小花江嘉敏
無綫
無綫小花江嘉敏
無綫
無綫小花江嘉敏
無綫
無綫小花江嘉敏

-870x1024

講開簡淑兒,雖然係靚靚上位小花,以為佢一定係要風得風,要雨得雨啦!原來佢細個喺美國讀書時,俾班鬼仔同學欺凌過!

簡淑兒小時候移居美國 慘被欺凌

簡淑兒早前上電台接受訪問,憶述8歲時移民到美國,慘俾鬼仔同學欺凌嘅經歷。

「嗰時我哋一家住喺意大利人區,得我哋嗰家人係中國人,所以俾同學歧視。」

「聖誕節嗰時,我喺屋企門口布置,班同學行過就成隻雞蛋掟埋嚟。」

「仲試過收恐嚇信!信入面畫咗啲好核突嘅公仔囉!」

仲試過俾坐後面位嘅男同學剪佢啲頭髮!更嚴重係…被人推落樓梯!真係好過份!

咁有冇向老師求助?「老師都唔會理,會當聽唔到睇唔到。」點解可以咁樣對一個8歲嘅小朋友㗎?