無綫下令女星禁「色」三點式、床戲統統消失

無綫近年唔少劇集及綜藝節目中,男藝人或女藝人的性感演出或情慾戲都成為城中熱話,比較近期有《踩過界》李佳芯的床戲、《誇世代》陳偉琪的濕身色誘戲,又或者大家都好喜歡的《3日2夜》!雖然唔少人覺得呢啲鏡頭唔係必要,但最緊要睇得過癮!不過今日有報道指無綫內部發出memo,講明以後唔鼓勵藝人賣弄性感,着三點式泳衣拍攝時要着T-shirt;另外強姦,床上戲等就要用「意會形式」交代!

無綫下令禁性感

據知無綫日前發出的守則有三大重點:首先係藝人不論拍攝戲劇或者非戲劇都好,都唔鼓勵有過於賣弄女身材和賣弄性感的鏡頭。其次係日後如果女藝人需要着三點式泳衣拍攝,例如水上活動、浸溫泉等鏡頭,會喺適當時候安排着上T-shirt。

強姦、床戲變「意會」

另外亦不鼓勵在戲劇製作上涉及強姦或床上情慾戲等情節,如果真係因為劇情需要,就只可以用「意會方式」去表達。即係火辣辣床上戲將會無影,以往出現過的「一秒強姦」戲都未必要有機會睇……

香豔情節不再

既然唔鼓勵賣弄性感,咁以下明顯係特登賣弄性感的劇集情節,應該只能回味……

譚凱琪《致命復活》

 

黃翠如、蕭正楠《幕後玩家》

 

張秀文《同盟》
陳偉琪《誇世代》

 

高海寧《賭城群英會》

 

陳法拉《師奶兵團》

 

一眾咪神要諗諗辦法啦!

 

仲有九成觀眾目的都係睇女的《3日2夜》點算?