網傳無綫第四度開拍《倚天屠龍記》 清一色由歌手擔正
廣告
近年無綫翻拍過唔少經典劇,都被網民批評炒冷飯。近日網上傳出無綫有意第四度開拍《倚天屠龍記》,就連演員陣容都有埋,相信一定引起一番熱話。
文:東方新地 |圖:tvb截圖、伍富橋、戴祖儀、曾樂彤、周柏豪、連詩雅、谷婭溦、吳若希、許靖韻、林穎彤、楊卓娜IG

近年無綫翻拍唔少經典劇集,例如《陀槍師姐》、《法證先鋒》及《十月初五的月光》等等,都被網民鬧爆炒冷飯兼無創意,更直指破壞經典。但近日網上傳出無綫有意第4度開拍經典金庸著作《倚天屠龍記》,其實過往無綫已經拍過3次《倚天屠龍記》,分別由鄭少秋和汪明荃演出嘅1978年版本、梁朝偉和黎美嫻嘅1986年版本及吳啟華和黎珈而(原名:黎姿)嘅2001年版本。
