熊黛林

熊黛林被傳患上「媽媽手」 媽媽有苦自己知

現年37歲的名模熊黛林(Lynn)上月25號為老公郭可頌誕下一對孖女,母愛偉大就係人都知,陰公豬嘅Lynn生完BB後除咗腳部嚴重水腫外,近日更上載一張用繃帶紮住雙手的相上網,據悉因為用錯力抱B而患上「媽媽手」(拇指腱鞘炎)。

撰文:東方新地|圖片:instagram 、新傳媒圖片庫

熊黛林一家四口全家福曝光

上個月25號熊黛林的一對孖女在港怡醫院出生,BB女重大約5磅左右。新手媽媽表示第一眼見到兩個囡囡時,又感動又開心。新手郭爸爸不敢亂抱兩位前世情人,最終要靠Lynn出手,「我叫老公坐定定擺住抱B姿勢,然後叫我媽咪抱囡囡放在老公懷抱,老公後來抱到不捨得放手。」

 熊黛林
熊黛林同老公抱住一對孖女影全家福!

郭爸爸有Lynn這個大情人,又新添兩位小情人,自然幸福滿瀉,Lynn更說看到大隻老公抱住嬌小B女的畫面,反差很大非常搞笑。

熊黛林孖女未改名

據知BB現時仍未改名,相信熊黛林和老公會細心為囡囡挑選最適合的名字。

熊黛林患上「媽媽手」?

新手媽咪熊黛林除咗生完之後雙腳出現嚴重水腫問題外,近日佢又上載咗一張雙手用繃帶紮住的相片,並留言:「痛並快樂着」,有消息指熊黛林係因為用錯力抱B而患上「媽媽手」。

雖然熊黛林雙手擺出V字手勢,但見到紮哂繃帶,都可想而知有幾痛。

楊千嬅都有過「媽媽手」

2012年6月歌手楊千嬅誕下囝囝Torres,佢曾經透露因懷孕期間經常用手撐起身起床,因而患上「媽媽手」。加上,經常抱囝囝令病情惡化,千嬅曾上載接受治療的相,並笑言自己是Transformer(變形金剛)。

李蘊「媽媽手」靠類固醇治療

2016年5月藝人李蘊(Renee)誕下囡囡羅紫晞後,亦有患上「媽媽手」,她曾表示:「我覺得某程度上痛過生BB,用盡方法都仲係好痛,唔好講抱B,毛巾都擰唔到」,並指要靠類固醇治療。

李蘊當年更去試過做針灸。