爭取紅館開個唱 陳柏宇 拒除衫騷肌 :好似做鴨咁!

陳柏宇 (Jason)早前與模特兒女友符曉薇 (Leanne) 終於拉埋天窗,結束六年愛情長跑,Jason更特別錄製新歌〈 霸氣情歌 〉,又搵到老友林奕匡及黃偉文(Wyman)分別作曲填詞,認真甜蜜。新婚的Jason在本刊專訪中,除咗分享同太太甜到漏相處,又大談入行以來的發展,提到Jason好想在紅館開個唱,佢揚言會積極地計劃,但謝絕除衫騷肌,因為「好似做鴨咁!」

photo:新傳媒資料庫


陳柏宇 唔係好進取個唱拒騷肌

Jason新歌〈 霸氣情歌 〉,由老友林奕匡及黃偉文(Wyman)分別作曲填詞,Jason透露二人相識多時但卻首次合作,一切都是緣分:「其實半年前佢嚟睇我演唱會,完場我同佢影咗張相,乘機以send番張相畀佢做藉口,攞咗佢電話,問佢可唔可以幫我寫詞。緣份嚟,我本身唔係好進取嘅人,以前對於自己去爭取一啲嘢嘅心態同依家有好大唔同,以前容易啲鑽牛角尖,唔想咁厚臉皮喎、唔想?喎,依家冇咗呢種心態、件事諗得正面咗,就肯踏出嗰步。」有網民覺得Jason事業上經歷過好幾次低潮,佢並唔認同:「我從來都唔當事業嘅成績係一個準則,我從來都冇覺得外界畀我嘅評分係低就叫做低潮,又或者曝光率冇咁高嘅時候又叫做低潮,外界對我嘅睇法、畀我嘅成績,我一向唔係擺喺重點,我覺得自己喺工作嘅過程嘅得着、做得開唔開心行先。」


延伸閱讀:

芒實陳展鵬 單文柔向胡定欣示威

幾年內閃電轉女 王宗堯專食廿歲女

陳柏宇謂最喜歡太太的率真個性。

 

 


陳柏宇 對攞獎淡然

去年年尾,唔少人睇好Jason攞叱咤男歌手,結果由吳業坤得獎,未知當事人心情如何?Jason淡然說:「冇乜特別感受,我對呢件事嘅睇法反而多過感受,本身我係咪向獎看嘅人呢?又唔係嘅,民意好、唔民意又好,我覺得支持自己嘅人係咪真心支持自己最重要!好似開騷咁,好多人會以紅館為目標,但如果要揀,我寧願揀喺一個細嘅地方開一個我好滿意嘅騷,好過臨急臨忙、未ready嘅時候,去紅館開個騷,而係完全享受唔到、亦都做到一坨屎咁。」

 

 


個唱拒除衫 騷肌:「似做鴨!」

談到紅館開騷,Jason其實一直有計劃,只是未去到可以公布的時候,因講求天時地利。問到如果在紅館開騷,會唔會除衫 騷肌 ?Jason說:「希望唔會囉,我都唔想除衫,除衫好似做鴨,賣唱啫!」至於電影方面,Jason似乎比較少參與,Jason說:「其實有興趣嘅,但始終好似一路都冇機會去做,踏足唔到嗰個圈,呢一刻又唔係鍾意電影多過唱歌,所以如果有戲拍咪拍,冇我咪繼續唱歌。唱歌我都好enjoy,又快、靚、正!」

 

 

Jason唱而優則演,曾參演過電影《喜愛夜蒲》系列!

 

 

除了拍電影,Jason都拍過港視劇集《大眾情性》。

老婆唔起眼 生B要夾星座

談到當初如何認識太太符曉薇?Jason冧爆說:「拍戲!拍《喜愛夜蒲》,起初第一眼見佢其實唔係Love at first sight、唔起眼㗎!係因為之後我哋一齊玩啤牌,透過玩啤牌嘅過程,認識佢個人,先至開始有好感,慢慢開始發展。(喜歡佢啲咩?幾時認定佢係你太太?) 冇特定一刻認定,係一路相處累積番嚟,我喜歡佢嘅性格,率直、個人真,有可愛嘅時候,有嬲嘅時候,好簡單嘅形容,但兩個人相處之間嘅火花係最重要,再加上我哋嘅磨合係好。生育大計又點?儘快㗎!好得意,佢好想個BB係某一啲星座,所以要夾下啲月份去嘗試造人。」


加拿大長大的Jason,表示唔會在加拿大擺酒,「大部分親戚都喺香港,但都有喺加拿大嘅親戚嚟香港飲喜酒。」

 

 


 

 

33歲的Jason與31歲的Leanne,特別挑選拍拖7月2日紀念日成婚,兩人上台宣讚誓詞感動到眼濕濕,之後全日咀過不停!

太太唔恨名牌

至於婚後太太會唔會繼續工作,Jason直言:「希望做啦,我都唔希望一個人去承擔住經濟壓力,我希望我可以多啲時間同小朋友同埋屋企人相處,我唔想因為要養頭家,所以成日都工作、工作⋯⋯」Jason更透露太太從唔奢求要榮華富貴、買咩名牌,只是想多啲去旅行。

跟模特兒妻子符曉薇(Leanne)的結婚相選擇在倫敦取景,「純揀一個我未去過嘅地方,鍾意英國嘅街頭文化、街景,可能經過條巷就影,唔係要喺大笨鐘、倫敦眼前,始終景其次,人先係主要。」

 

 

Jason點睇「J神」

回顧當初,很多人對陳柏宇留下印象是他當年在商場騷唱《你瞞我瞞》疑有生理反應,「當其時我都唔會肯定係唔係,如果有,我感受唔到囉,我覺得唔係嘅,邏輯上覺得唔係,冇理由又升又跌㗎嘛!」


 

全文完