photo_2021-02-10_14-01-58

牛年娛圈運程│玄學家吳佩孚批袁偉豪蕭正楠未能做人父 胡杏兒第三胎都係仔 岑麗香成功湊「好字」

最新娛聞

圈中不少已婚明星夫婦都被追問何時生B,不過唔係人人都好似陳豪同陳茵媺咁好生養,仔女一級級上,當中蕭正楠同黃翠如結婚三年都一直只聞樓梯響,而去年11月新婚的袁偉豪與張寶兒亦經常被催生B,究竟他們在牛年運程如何?能否成功中獎?多位大肚女星生仔定生女?等玄學家吳佩孚一一預測!

撰文:東方新地 圖片:東星圖片、新傳媒圖片、岑麗香IG圖片、胡杏兒IG圖片、蕭正楠IG圖片、陳凱琳IG圖片

牛年運程
蕭正楠婚後一直話生仔順其自然,不過黃翠如個肚順到依家都未有聲氣。
牛年運程
吳佩孚預測蕭正楠今年仲未能如圓做爸爸。

1.蕭正楠牛年未能圓生仔夢

43歲的蕭正楠恨做爸爸恨到發燒,39歲的黃翠如曾停工唔接劇,休養成年都見有好消息。吳佩孚:「從蕭正楠個命格嚟睇呢,佢係好鍾意細路仔,同埋佢都好急嘅!但係黃翠如嘅命格似乎仲未有小朋友嘅跡象,佢哋要到2022年至2023年先有機會喇!」

牛年運程
玄學家吳佩孚批黃翠如要等多一、兩年先會有機會有B,黃翠如今年就40歲,即係要做高齡產婦。
牛年運程
未有得做爸爸,蕭正楠湊住愛犬小六實習一下先啦!

2.袁偉豪張寶兒搵錢至上

去年11月袁偉豪迎娶張寶兒,被指成為億萬女婿,有豪宅揸手錢途無限,至於會唔會生個含住金鎖匙出世的牛B,吳佩孚就話機會好微:「袁偉豪同張寶兒今年事業星都好強好旺,暫時睇嚟係唔會生仔住,佢哋喺牛年嘅工作運明顯會好啲!」

牛年運程
袁偉豪甚為介意被指是靠老婆發達,所以唔生仔住搏命搵錢都啱嘅!
牛年運程
張寶兒只得29歲,仲有大把時間生仔,都係享受二人世界先!

3.陳凱琳事業星旺

陳凱琳於18年與拍拖3年的鄭嘉穎在印尼峇里島舉行婚禮,19年2月剖腹誕下大仔鄭承悅(Rafael Cheng),20年7月再誕下二仔鄭承亮(Yannick),現在細仔只有6個月大,早前再傳出陳凱琳極速懷上第三胎,不過陳凱琳已否認,對於她會否在牛年追女成功,吳佩孚說:「從陳凱琳流年運嚟睇,佢牛年事業運有事業星,所以今年唔會再生B住,佢會喺工作上面專注啲!」

牛年運程
29歲的陳凱琳極速為51歲的鄭嘉穎開枝散葉。
牛年運程
大仔Rafael 都係得兩歲。
牛年運程
陳凱琳近年專注在家庭上,生完大仔開展了其化妝棉生意,幕前減產轉型從商。

4.胡杏兒追女失敗

41歲的胡杏兒跟商人李乘德於2015年結婚,婚後先後誕下大仔奕霆(Brendan)和細仔奕霖(Ryan),去年聖誕節胡杏兒宣布再懷第三胎,有指她一直希望追個女,亦有不少網民大讚胡杏兒這胎陀得好靚,大家都估她今次腹中塊肉是B女,不過吳佩孚說:「照胡杏兒嘅命格嚟講,佢再生仔嘅機會好大!」

牛年運程
胡杏兒連生兩個都係仔,所以她想追個女。
牛年運程
外界都估胡杏兒今次會生女,因為B女會令到媽媽嘅荷爾蒙有改變所以越陀越靚。

5.岑麗香誕下小公主

36歲岑麗香19年3月誕下囝囝Jacob,囝囝未夠兩歲她宣布再次懷孕,更公開一家四口的靚靚家庭照,已知BB的性別的岑麗香表示希望保持神秘感,因為有部份家人仍未知BB是男是女?不過吳佩孚就批她能湊個「好」字:「依香香個命格嚟睇,佢今胎生女嘅機會大!」

牛年運程
香香以「Cashew小腰果」來稱呼胎中BB,日前她出席公開活動,孕肚已經非常明顯。
牛年運程
老公Joshua(強強)同囝囝吳主軒(Jacob)都非常期待小生命的到來。
牛年運程
香香透露現時懷孕已經六個月,挺着巨肚的她肥肚唔肥身,四肢仍然纖幼。

讀者留言