朱晨麗

【特技人】打沙灘排球 朱晨麗著泳衣跳住玩波

無綫新劇《特技人》中朱晨麗首次升呢女主角,飾演傅嘉莉嘅特技替身,兩人同樣有樣有身材,劇中佢哋一齊著性感泳衣上陣,朱晨麗仲會喺彈床上跳上跳落扮打沙灘排球,蕩來蕩去勁洶湧!

撰文:東方新地|圖片:新傳媒圖片庫、劇集劇照及截圖、朱晨麗IG

朱晨麗 做小師妹

有舞蹈底子嘅朱晨麗喺《特技人》中飾演「巔峰特技隊」領軍人物齊大志 (譚俊彥飾) 嘅小師妹常美姝,原來美姝18年前被母遺棄,得大志多年照顧,二人相依為命。

特技人

朱晨麗(@rebecca_zhu)分享的貼文 張貼

劇集開場重頭戲交代身為女特技人的朱晨麗有份參與一場車戲拍攝,卻因失誤令車輛翻側,眾人落力搶救新加入團隊的新丁,然而幾秒後車輛突然發生大爆炸,此後特技隊成員各散東西,揭開故事序幕。

朱晨麗

朱晨麗喊驚

談到這場爆破戲,朱晨麗坦言當時感心驚膽顫:「我真係好驚,因為唔知爆炸實際情況會點樣,工作人員有派耳塞畀我哋護耳,但身體唔能夠用保護墊。我知道爆炸點好接近自己,可能只隔開兩、三個身位,擔心有意外嘅話可能會燒傷!」

朱晨麗
今次朱朱躋身一眾猛男包括譚俊彥、林師傑及羅浩銘當中,絕對巾幗不讓鬚眉!

一take過壓力大

由於爆炸場面只可拍一次,台前幕後事前試過多次排練,拍攝由半夜開始,收工時已天光,朱晨麗表示:「正式拍攝時內心相當忐忑,我哋嘅表現絕對係發自內心,相信當時反應一定係最自然!」

朱晨麗
朱晨麗於《特技人》中飾演常美姝,自小跟着大師兄齊大志(譚俊彥飾)接受訓練,青梅竹馬。

激罕晒水着

有一幕講朱晨麗為美女演員秦臻 (傅嘉莉飾) 做替身拍廣告,要著上運動型泳衣打沙灘排球,朱晨麗話佢選完港姐之後已經好少着泳裝,所以好擔心觀眾嘅反應:「呢場戲講我做替身,着住沙灘排球衫拍飲品廣告,係戲中戲,同時我要做高難度動作,喺彈床度跳來跳去,拍嘅時候係夏天,好曬,拍完真係成身散晒!」

朱晨麗
朱晨麗做傅嘉莉(左)替身,一齊大晒身材!

好驚走光

佢又話自己為咗呢場戲花咗幾個月時間狂keep fit:「做健身,瑜珈同舉啞鈴,全部都做,希望出嚟線條靚啲,因為套衫真係好少布,上下身都唔可以打底,比起港姐時更性感,好尷尬,跳時真係好驚走光,又要做前空翻,當時又多臨時演員,埋位時冇得遮,只可以頂硬上!」

朱晨麗
著咁少布跳嚟跳去,真係好易走光!
朱晨麗
朱晨麗話自己一路跳一路驚!
朱晨麗
再嚟跳多吓!下面班男工作人員𥄫邊呢?
朱晨麗
辛苦操咗幾個月,出嚟線條係靚嘅!
傅嘉莉都唔差!

朱晨麗

特技人

朱晨麗

為求逼真,朱晨麗好多危險鏡頭都親自上陣,其中一幕跳樓戲,朱晨麗著上連身紅裙危坐天台,雙腳揈出十二層樓高,更要著上高踭鞋在天台邊緣行來行去,期間只靠腰間兩條幼威吔吊着,朱晨麗話好彩自己冇畏高,否則會嚇破膽。

朱晨麗
朱晨麗坦言為了演出這個角色要學習粗魯,放下斯文形象。

拍《多功能老婆》

朱晨麗最近仲忙於同楊千嬅、陳煒、周柏豪、洪永城等,拍無綫劇《多功能老婆》。

朱晨麗(@rebecca_zhu)分享的貼文 張貼

拍劇現場大家唔單止好融洽,佢哋仲趁空檔時間玩個夠。

朱晨麗(@rebecca_zhu)分享的貼文 張貼

朱晨麗(@rebecca_zhu)分享的貼文 張貼

朱晨麗(@rebecca_zhu)分享的貼文 張貼

朱晨麗仲不時post水著相上網,大晒纖腰及美腿!

朱晨麗(@rebecca_zhu)分享的貼文 張貼

朱晨麗(@rebecca_zhu)分享的貼文 張貼

朱晨麗(@rebecca_zhu)分享的貼文 張貼

朱晨麗(@rebecca_zhu)分享的貼文 張貼

蝦頭話朱晨麗個篩污糟

早前一集《美女廚房》嘉賓為朱晨麗、蝦頭及糖妹,話說幾位靚女炮製美食期間,蝦頭走咗去朱晨麗度問佢借「篩」,點知一拎上手就爆咗句:「你個篩咁污糟嘅!」說罷即刻全場爆笑!有網民仲話,朱晨麗個篩污糟係關何廣沛事喎!小編就唔明點解啦~