狀王之王 敗筆

狀王之王| 一文睇清5大敗筆位 橋段笑料抄足星爺好趕客!

最新娛聞

廣告

由王浩信擔正做宋世傑的炮灰劇《狀王之王》播出後,不少網民對此劇表示失望,橋段笑料抄足星爺,矛頭更直指編劇肥仔聰!以下就為大家分析《狀王之王》 5大敗筆位,大家又點睇?

狀王之王 敗筆 王浩信以極誇張表情又喊又笑又扮女人,可惜搞笑功力泡於表面
王浩信以極誇張表情又喊又笑又扮女人,可惜搞笑功力泡於表面(圖片來源:TVB

盤點《狀王之王》 5大敗筆位

敗筆位1.橋段和笑料抄星爺 矛頭直指肥仔聰

張達明監製、林子聰做總導演的《狀王之王》,橋段和笑料似乎抄足星爺,由首集一開場王浩信同一班二世祖輸賭,話佢可以令到黑幫笑出嚟。呢場戲無論對白同橋段,都好有星爺嘅影子,網民矛頭更直指肥仔聰最大責任,「搵得肥仔聰就係拍呢啲」、「抄九品芝麻官既又妓院」、「想做到好似周星馳風格,但笑唔出,而且覺得好老土,反而翻睇周星馳啲戲仲好好笑」。

敗筆位2.王浩信演繹硬滑稽 Copy星爺

王浩信貴為視帝級人馬,演技當然有保證,今次為演活狀王宋世傑,除咗要剃頭,仲喺角色上花咗唔少功夫,以極誇張表情又喊又笑又扮女人,可惜搞笑功力泡於表面,網民更寧願睇周嘉洛演更好,「佢吾係演宋世傑 佢係演緊周星馳」、「王浩信完全吾得啦,佢每一秒都Copy緊周星馳,係每一秒」、「不如搵金城安做」、 「你拍古裝《踩過界》好過」、「王浩信表情無乜變化,吾好笑」

敗筆位3.奇怪配音好出戲好唔舒服

有不少觀眾留意到《狀王之王》主要演員係演出時講廣東話,不過劇集再以廣東話為演員配音,有時仲要唔多對嘴,令成件事好似睇緊內地配音劇咁,好唔舒服:「配音好怪,搞到好出戲」、「姚子鈴係咪自己配音?怪怪哋咁」

敗筆位4.劇情推進慢 冇以前睇宋世傑味道

《狀王之王》播出兩日,劇情就講到宋世傑為自己為洗脫嫌疑後,佢同守信打賭,可以幫佢查出「蜘蛛精殺人案」幕後真兇,所以不惜與阿九男扮女裝混入倚春閣,中間過程仲有大吵大鬧等等。不過網民狠批劇情推進慢、接連兩齣劇(《本尊就位》都有妓院劇情)無新意,扮女人套路唔好笑,作為「前傳」宋世傑唔係做狀師:「冇以前睇宋世傑嘅味道」。

敗筆位5.姚子羚同捱批 難達當年郭藹明水準

珠玉在前,有網民覺得因為宋世傑不是由張達明飾演已經減分,王浩信很難再有新突破。女主角「玲瓏」姚子羚同樣受批評,網友認為黐鬚設計更是無必要,似乎很難超越前者郭藹明的表現。

狀王之王 敗筆 姚子羚個角色「白玲瓏」喺97年嗰套由郭藹明飾演
姚子羚個角色「白玲瓏」喺97年嗰套由郭藹明飾演(圖片來源:TVB )

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:TVB