PhotoGrid_Plus_1598346783047

狂踩女兒男友 三哥苗僑偉揀林峯做女婿

三哥苗僑偉早前接受無綫《娛樂三兄弟》訪問,除咗自爆情史同五虎鮮為人知嘅秘聞,仲公開狂踩愛女苗彤以前啲外籍男友,又即場畀分揀女婿,結果林峯跑出,成為三哥心水之選!

撰文:東方新地

大方回應緋聞

狂踩女兒男友 三哥苗僑偉揀林峯做女婿
三哥上節目做專訪,被問及多年嘅情史同緋聞,佢都好大方咁回應。

近年為邵氏拍好多劇嘅三哥苗僑偉,早前上無綫節目《娛樂三兄弟》接受衞志豪、區永權同6號陸浩明訪問,面對所有尖銳問題,三哥都暢所欲言,當中包括同三嫂戚美珍嘅愛情故事、同梅姐梅艷芳曾經傳過緋聞,以及五虎嘅秘聞等,佢都大方回應。

一講到愛女苗彤要拍拖,三哥先皺眉唔想個女畀人搶走,再狂踩阿女曾經帶韓國男友返屋企。
一講到愛女苗彤要拍拖,三哥先皺眉唔想個女畀人搶走,再狂踩阿女曾經帶韓國男友返屋企。
阿女同韓仔散咗,三哥開心咗一陣,不過之後阿女再搵咗個日本男朋友,三哥笑言仲大鑊。
阿女同韓仔散咗,三哥開心咗一陣,不過之後阿女再搵咗個日本男朋友,三哥笑言仲大鑊。

驚愛女被搶走

唯獨是講到愛女苗彤,三哥就好大反應,雖然囡囡已經三十歲,但三哥始終覺得個女拍拖就會畀人搶走,仲話諗起都皺晒眉頭,但又覺得個女係時間應該要搵個男朋友,做人老竇真係好矛盾。

三哥話自己好黐個女,所以好唔捨得個女要拍拖同嫁人。
三哥話自己好黐個女,所以好唔捨得個女要拍拖同嫁人。
囡囡苗彤長大成人,轉眼已三十歲,但三哥仲係當個女係小朋友,拍拖揀男友都要佢哋先過目。
囡囡苗彤長大成人,轉眼已三十歲,但三哥仲係當個女係小朋友,拍拖揀男友都要佢哋先過目。

 

三嫂戚美珍反而更加開放,對仔女拍拖從來都冇意見。
三嫂戚美珍反而更加開放,對仔女拍拖從來都冇意見。

日韓男友唔合格

三哥話老婆比較睇得開,三嫂戚美珍會同佢講:「你估你當年媾我我老竇好開心呀?」三哥同囡囡關係好親密,由細到大都好似朋友咁乜都講,至於囡囡嘅揀男友口味,三哥就話𢱑晒頭:「佢鍾意嗰啲類型我都擰晒頭,佢曾經有個男朋友係韓國仔嚟,眼仔曚曚嗰啲呢!我話你搵都唔好搵個韓仔吖大佬,點同老竇溝通呀?到佢散咗我開心到不得了。不過之後仲大鑊,佢搵咗個日本仔,掀起我嘅民族仇恨,真係冇眼睇,是但啦!」

主持人要三哥喺林峯、馬國明、吳卓羲同黃宗澤四個之中,揀一個最啱心水嘅女婿人選,三哥話四個都係佢好兄弟,好難揀。
主持人要三哥喺林峯、馬國明、吳卓羲同黃宗澤四個之中,揀一個最啱心水嘅女婿人選,三哥話四個都係佢好兄弟,好難揀。
三哥飲住紅酒逐項畀Like,講外型佢覺得馬明最順眼又夠晒高大。
三哥飲住紅酒逐項畀Like,講外型佢覺得馬明最順眼又夠晒高大。

因為文化差異同溝通唔到,三哥希望囡囡揀個同聲同氣,同佢溝通到嘅好女婿!不過女大女世界,老竇揀嘅阿女又未必鍾意,三位主持就即場要三哥喺馬國明、林峯、吳卓羲同黃宗澤四位當紅小生中,畀分揀選最啱心水女婿,三哥一睇四位候選人即話:「呢四位都唔合格嘅,因為我個女見到佢哋會叫uncle,四個佢都識。」如果我個女拖返嚟嗰個係黃宗澤,佢會鬧爆男方:「嘩!你個衰仔媾咗我個女…….」然後作狀揮拳。

畀林峯最多Like

最後林峯得到最多Like,成為三哥心目中嘅最佳女婿。
最後林峯得到最多Like,成為三哥心目中嘅最佳女婿。
三哥十幾年前已經同初出道嘅林峯拍過劇,之前再合作《使徒行者》,所以佢對林峯認識都好深。
三哥十幾年前已經同初出道嘅林峯拍過劇,之前再合作《使徒行者》,所以佢對林峯認識都好深。
之前三哥一次過同吳卓羲、黃宗澤及馬國明拍《飛虎之雷霆極戰》,三個都係佢好兄弟。
之前三哥一次過同吳卓羲、黃宗澤及馬國明拍《飛虎之雷霆極戰》,三個都係佢好兄弟。
之前為劇做宣傳,吳卓羲、黃宗澤同馬明公開大爆三哥拍劇趣事,今次三哥有仇報仇,笑指黃宗澤唔夠專一。
之前為劇做宣傳,吳卓羲、黃宗澤同馬明公開大爆三哥拍劇趣事,今次三哥有仇報仇,笑指黃宗澤唔夠專一。

就外表嚟睇,三哥畀馬明最高分,覺得佢夠晒高大;收入呢?佢話:「今時今日緊係林峯啦!過億片酬呀大佬!我都係睇報紙咋!起碼佢屋企都有家底嘛!」性格佢最Like係黃宗澤,因為佢份人輕鬆啲;家庭觀念呢就一定揀吳卓羲,三哥話佢搬咗好多次,但都係帶埋阿媽,肯定吳卓羲係孝順仔。而專一程度,三哥都係揀林峯,因為得佢一個結咗婚。至於生育能力,四個都年青力壯,三哥都唔知揀邊個最,不過最後都係畀Like林峯。

三哥之女苗彤有樣有身材,不時在社交網大晒泳照,充滿陽光氣息。
三哥之女苗彤有樣有身材,不時在社交網大晒泳照,充滿陽光氣息。
雖然已經30歲,但苗彤仍然享受單身生活,未有結婚打算。
雖然已經30歲,但苗彤仍然享受單身生活,未有結婚打算。

總結:三哥揀女婿,最好似林峯咁有家底同埋講廣東話,不過囡囡長期喺外國生活已經好西化,身邊朋友都係外國人多,應該好難達成三哥心願。

苗彤近年在溫哥華生活,社交圈大部分朋友都是外籍,三哥想個女同華人拍拖的確有難度。
苗彤近年在溫哥華生活,社交圈大部分朋友都是外籍,三哥想個女同華人拍拖的確有難度。
原來苗彤除咗喺外國做攝影工作,仲早已喺歐洲參與不同電影嘅 拍攝工作,入行做明星。
原來苗彤除咗喺外國做攝影工作,仲早已喺歐洲參與不同電影嘅 拍攝工作,入行做明星。
苗彤於15年開始從事演藝事業,曾在電視節目中出現,如《Upload》同《Get Shorty》,同時亦演出過電影《Parabola》、《Die in A Gunfight》同埋《The Past Never Dies》。
苗彤於15年開始從事演藝事業,曾在電視節目中出現,如《Upload》同《Get Shorty》,同時亦演出過電影《Parabola》、《Die in A Gunfight》同埋《The Past Never Dies》。
仔女大晒有自己世界,三哥三嫂同仔女聚少離多,難怪三哥成日心掛掛。
仔女大晒有自己世界,三哥三嫂同仔女聚少離多,難怪三哥成日心掛掛。