狄龍

囝囝譚俊彥連環做男一 爸爸狄龍亦霸氣不減當年!

譚俊彥加入無綫首套電視劇《天命》播出、接住又播《特技人》因而令人熟識,令退隱多年、生活低調嘅爸爸狄龍名字近日又成為娛樂版面熱門搜尋,講開又講,嘉慶譚俊彥高大有可塑性,其實狄龍霸氣亦都不減當年,企出嚟仍然不知幾有台型。

撰文:東方新地|圖片:新傳媒圖片庫、譚俊彥IG譚俊彥微博

狄龍 有台型

早排就見到狄龍拖住太太陶敏明去又一城行街,老婆去買嘢、狄龍就先去銀行見見友人、再一個人坐低咖啡店食件餅歎杯啡等老婆。71歲狄龍精神不錯、腰板挺正,同友人傾兩句,中氣十足指手劃腳,依然渾身散發大哥風範。最有型嗰樣係咩?之唔係老婆買完嘢,第一件事伸手代勞攞嘢、另一隻手自動波拖實老婆去攞車囉!點解結婚43年仲咁好感情?後生仔快啲學嘢喇!

狄龍

老婆去買嘢,狄龍大哥一個人坐低咖啡店食餅歎啡,每咬一啖、每個動作都好似背後有好多故事、好有戲味,唔講以為《英雄本色》又拍續集。

狄龍

精神不錯、一身黑色再加埋頂帽台型十足,狄龍大哥在銀行遇到友人,即時捉住傾番幾句。

狄龍

中氣十足又指手劃腳,狄龍大哥呢個手勢呢張相點解有聲呢:「我冇做大佬好耐喇!」

狄龍

終於等到老婆買完嘢,會合第一件事就係伸手幫攞戰利品、再拖實行去攞車,好恩愛吖!

狄龍

【特技人】簽大台做親生仔 套套劇做男一!譚俊彥 拒靠父上位

現年38歲嘅譚俊彥唔經唔覺入行18年,雖然他是「星二代」,爸爸是資深演員狄龍(原名譚富榮),但有指他的知名度不及爸爸,而多年來提起譚俊彥,大家都會加上「狄龍個仔」呢四個字。之不過自前年佢簽約無綫做親生仔,套套劇都孭重飛,包括已出街嘅《天命》、《特技人》,還有拍緊未出街的《包青天之再起風雲》、《十八年後的殺人告白》等!

不過,譚俊彥直言簽大台聽到不少冷言冷語,有人認為他憑什麼擔正做男主角,但他會更努力去工作,證明自己是肯做、有實力的演員,而不是靠父蔭上位⋯⋯

譚俊彥拍《特技人》受傷縫18針

譚俊彥在《特技人》有不少動作戲,例如飛車、爆破等危險場面,但他經常堅持親身上陣,連同劇嘅關楚耀都大讚佢好多戲都好搏,原來拍攝其中一場碌落山戲份,他的手掌被玻璃割傷,當場血流如注要送院治理,傷口要縫18針!

特技人
大志為了喚醒芝麻生存意志,終於答應出山拍攝,並在熱烈掌聲中,完成利害特技飛車場面。

譚俊彥 《天命》做皇帝

早年主力在內地發展的譚俊彥,前年「回歸」香港,簽約無綫成為「親生仔」後,拍首部劇集《天命》已坐正做「男一」,夥拍視帝陳展鵬扮演的和珅鬥智鬥力,有觀眾認為飾演「嘉慶帝」的他穿起龍袍有帝皇風範,但也有網民則認為他太用力演出,略嫌過火!

無綫劇集《天命》中他與陳展鵬幾乎都要鬥戲,令人對他的演技另眼相看。

還有兩部未出街的劇集,包括重頭劇《包青天之再起風雲》及《十八年後的殺人告白》,他都是「男一」!

譚俊彥接受傳媒訪問時透露,簽約無綫成為「親生仔」後,不少人都問點解他會拍TVB劇?憑什麼可以演這些角色?公司很多人會𥄫實他,看他到底懂不懂演戲。他說:「我唔敢講我演技好,但至少我會敬業,唔會遲到,每場戲都會做到最好!」

很多人也以為譚俊彥有父蔭,工作上也較順利,容易得到厚待。但他卻情形剛好相反:「以我的嘅身份,去到邊度都唔會有特別待遇,正因為我是狄龍的兒子,反而會付出更多的努力,去證明自己都有實力。」

入行18年 多做大茄

譚俊彥自2000年加入爾冬陞旗下入行,拍咗套梅䒐芳主演嘅《慌心假期》,之後拍過《男人四十》、《少年阿虎》等電影,都只係做大茄。

譚俊彥
在電影《男人四十》中林嘉欣與張學友玩師生戀,譚俊彥卻是張學友老婆梅艷芳為當年老師所生的兒子。
譚俊彥
在《少年阿虎》中譚俊彥曾夥拍F4的吳建豪,仲有當年尚未被封為「渣男」的周永恒。

03年譚俊彥轉戰內地,拍過林峯主演嘅古裝劇《陸小鳳與花滿樓》,以及劉愷威主演嘅《抓住彩虹的男人》等,但大家提起佢,仍然只記得係「狄龍個仔」。

譚俊彥
譚俊彥曾在內地劇《陸小鳳與花滿樓》中飾演劍癡西門吹雪。
譚俊彥
2011年,譚俊彥曾為Now拍節目《一個地球 — 內蒙篇》狂晒肌。

2015年,譚俊彥同內地女演員任祉妍結婚,同年誕下大女譚晴(Renee),去年再誕細仔譚杺(Rex),湊夠一個「好」字。

譚俊彥
左一為太太任祉妍。

譚俊彥說太太任祉妍是舞台劇演員,受過傳統訓練,工作上會給很多意見。夫妻相處少不免有爭駁,但二人會以大局為重,讓一下對方!

譚俊彥
譚俊彥說有時因為工作情緒會有起伏,所以很感激太太經常遷就他。

上月底,譚俊彥38歲正日生日,他在社交網上載和老婆仔女及爸爸狄龍合照,留言:「Thank you so much for all the birthday wishes ❤(非常感謝所有的生日祝福)」。相中嘅譚俊彥抱住大女譚晴坐喺度,老婆就捉住佢隻手,而狄龍就抱住孫仔譚杺,幸福滿滿!

2018 with ❤
Shaun Tam(@tammerz)分享的貼文 於張貼

狄龍都有幫手湊寶貝孫!

Shaun Tam(@tammerz)分享的貼文張貼

為家人回流香港

2016年譚俊彥由內地回流香港,簽約無綫做親生仔,佢話最大原因係想有更多時間陪屋企人:「我想陪多啲家人,尤其個女(譚晴),嗰陣(2015年)佢出世冇耐,我就即刻去咗開工,覺得欠咗佢哋好多,同埋我個女喺香港出世,所以想多啲時間喺香港,呢度就算我開到幾點,我都可以攬住佢,同佢哋多咗相處時間,呢樣係大陸拍劇,就算幾多錢都賺唔到。」

譚俊彥早前同太太,仲有一對仔女行尖嘴海傍近賞維港夜景!

Shaun Tam(@tammerz)分享的貼文張貼

譚俊彥
年輕時的狄龍與兒子譚俊彥。
譚俊彥
少年時期的譚俊彥,竟然似劉愷威多過似阿爸狄龍!

譚俊彥

譚俊彥
大個仔嘅譚俊彥個樣成熟咗,佬味更濃,著起古裝個樣開始有幾分似當年狄龍嘅大俠之風!